Juan 8:37 - Tagbanwa

³⁷ Talagang urut ku nga mga tungtung-inapuꞌ kamu naga ni Abraham. Temed paribasay lamwat kamu, nga ega pagꞌintindiyen mi i mga ipagpanulduꞌ ku ngaytu, pagpaꞌresan mi aku nga maꞌimatay.

Juan 8:37 Iomraidhean Croise

Mateo 13:15

Talagang ining mga taw, piyadsen na niray ulu nira. Paglagpasen nay mga talinga nira baw ipagpeyeng na niray mga mata nira. Ka in daꞌga atkayan, barang mamagkalteg naga sira, mamagkagneg naga, mamagkasepsep naga, baw paꞌuliꞌ naga sira situt aken, nga mapagayen ku naga sira, arit ega.’

Mateo 3:9

Ega kesgat nakem mi nga maat mi mga tungtung-inapuꞌ kamu naga ni Abraham, aypaꞌ ka sagyaan kamu nagay imyu it Ampuꞌang Diyus. Ka isugid kut imyu nga talagang kaya it Ampuꞌang Diyus nga, garing kat mga batu ngaytung ituꞌun, mapabaraꞌ ya nga mga tungtung-inapuꞌ ni Abraham.

Juan 10:31

Pagkagneg it mga Judio ngayti, nagsigkuꞌmit siꞌ sirat batu, ka pagkubatuun nira siꞌ kanya.

Juan 11:53

Garing it iting aldaw, pagtulusun na nira in magꞌuꞌunu nira maꞌimatay si Jesus.

Juan 5:44

Ka iyan i pagꞌabaten mi, pagbantug it esa may esa, ega pagbantug nga garing duꞌun it matuud nga Ampuꞌang Diyus. Ta magꞌuꞌunu kamu yan makapamayaꞌ it aken?

Juan 7:1

Ega naꞌlay napanaw siꞌ na Jesus, nanlekep-lekep it Galilea. Pagtemden yang ega paꞌ paꞌaduꞌun it Judea ka kuꞌimatayen kanyat mga pagbayaꞌen it mga Judio duꞌun.

Juan 7:19

Daꞌga baꞌ si Moises i nagbegay it imyu it mga urdin? Temed maski siyu it imyu, ega talagay kamatuudan nga pagsunud it mga urdin ngayti. In talagang kamatuudan i pagsunud mi, unuka kuꞌimatayen mi aku?”

Juan 7:25

Iyan magpanulduꞌ na ngayti si Jesus, maamaatan nay beken nga taga Jerusalem, maat nira, “Daꞌga baꞌ itu nay taw ngayan nga kuꞌimatayen nira?

Juan 8:33

“Mga tungtung-inapuꞌ kami naga ni Abraham,” maat i tubag it mga Judio ngayti, “baw egay magkatanudan namen nga naꞌuripen kami it maski siyu. Ta unuka magkaꞌaat mu nga ipaliꞌwan kami?”

Juan 8:43

Unuka ega magkasepsepan mi i pagꞌaaten ku? Sabap siguru it ega kutanggapen mi i ipagpangadal ku ngaytu.

Juan 8:56

Nakasagyay amaꞌ mi nga si Abraham iyan naꞌrutan ya nga maltegan yay aldaw it pamaꞌasitu ku. Talagang naltegan ya, aypaꞌ ka nakasagya kanya.”

Juan 8:59

Pagkagneg nira kayti, nagsigkuꞌmit nay mga Judio ngaytit batu ka batuun na kanya. Temed nagpalingeb-palingeb na si Jesus duꞌut katataawan ka nanliꞌwan na duꞌun it Templo ngayti.

Juan 8:6

Atkayti i ingkut nira ka eget na nirat sigapul it ki Jesus ngayti, isaꞌun may makadimanda nira nga kuntraꞌ it kanya. Temed ega timnubag si Jesus. Rimnungguk ga kanya bawnga simnurat duꞌun it lugtaꞌ it tutulduꞌ ya.

Mga Binwat 13:26

Mga kasulsugan nga mga tungtung-inapuꞌ ni Abraham, baw beken nga may iꞌlam it Ampuꞌang Diyus, talagang kita ngaytu i pagpaꞌabutan it itung ampang, magsugid ngaytu it karibriyan.

Roma 9:7

Ega gasiꞌ muꞌsa nga mga tungtung-inapuꞌ ni Abraham i pagkilalaen nga kamatuudang tungtung-inapuꞌ ya, sira nga tumanggap it mga isiyanggup it Ampuꞌang Diyus. Subung nagat inaat ngaytit Ampuꞌang Diyus it ki Abraham nga magꞌaat, “Asat ki Isaac i liꞌwanan it bangsa ngayang taꞌwagen nga mga tungtung-inapuꞌ mu.”

1 Corinto 2:14

Takaꞌ iyan mga taw nga ega paꞌ nabaꞌgu it Espiritu Santo i nakem nira, ega pagtanggapen nira i mga panulduꞌ nga magpanggaring duꞌut Espiritu Santo ngaytu it Ampuꞌang Diyus. Ka pagꞌaaten ga nira nga kaꞌengel-engelan lamang. Talagang ega magkasepsepan nira, sabap, mga bagay ngaytu, masepsepan lamang kat tabang it Espiritu Santo.

1 Juan 2:14

Pagsuratan ku kamung magugurang sabap kilala mi naga kanya ngaytu nga, garing it tagnaꞌ paꞌ nga ega pay banwa, may kanya nang lagi. Pagsuratan ku kamung mangaꞌwaꞌen sabap makseg i pamayaꞌ mi. Teꞌteꞌ na asat imyu i ampang it Ampuꞌang Diyus, baw ta, naꞌindaꞌeg mi na i Gimpuꞌun ngaytit Karaꞌe-raꞌetan.