Juan 8:34 - Tagbanwa

³⁴ Maat siꞌ i tubag ni Jesus it kanira, “Matuud tuy ipagꞌaat ku ngaytut imyu, nga uripen it kasalaꞌan i in siyu-siyu nga magpasigi paꞌ nga muwat it kasalaꞌan.

Juan 8:34 Iomraidhean Croise

1 Mga Adiꞌ 21:25

Yay matuud, it pagsulsulan kanya ni Jezebel, pangtasan nang banar it buwat it karaꞌe-raꞌetan si Acab ngayti kat panleteg it AMPUꞌANG DIYUS.

Mateo 5:18

Ka ituy matuud nga iꞌaat kut imyu. Talagang maꞌawaꞌ i langit baw banwa, takaꞌ talagang egay kaꞌawaꞌan it maski piyakadekeyeꞌ nga bagiꞌ it mga urdin it Ampuꞌang Diyus seked it ega matuman i muꞌsa.

Juan 3:3

Katubag si Jesus, nga maat ya, “Itu talagay kamatuudan nga isugid kut imu. Egay makaꞌuyut duꞌun it kaꞌadiꞌan it Ampuꞌang Diyus, in daꞌga iyan lamang nga ipiyanganak it sumaꞌup.”

Mga Binwat 8:23

Ka magkamuyaan ku nga palan, subraꞌ nga maraꞌe-raꞌet i kat nakem mu, baw talagang uripen ka paꞌ it karaꞌe-raꞌetan ngaytu.”

Roma 6:12

Mga bilug ta, pirmi nga kubwat it karaꞌe-raꞌetan. Aypaꞌ, kaꞌilangan, daꞌkamu na paꞌuripen paꞌ it kasalaꞌan nga pagsumbayaꞌen mi nga pirmi i mararaꞌe-raꞌet ngaytung kaꞌirgan.

Roma 6:16

Daꞌga baꞌ magkaꞌrutan mi nga in siyuy paꞌuripnan ta, kat pudir ya na kitang banar? In muwat tami nga muwat it kasalaꞌan, subuk uripen tami na it kasalaꞌan ngaytu. Baw egay beken nga liꞌwan ya, kamataynen. Iyan talagay magayeng paꞌuripnan ta, pagsunud it kaꞌirgan it Ampuꞌang Diyus, nga liꞌwan ya, pangaꞌgenang mataldeng kat panleteg ya.

Roma 6:6

Ka magkaꞌrutan ta nga tagnang adat ta nga makasalaꞌan, subuk naransang na nga uyut ni Cristo duꞌut krus, isaꞌun maꞌawaꞌ talagay kaꞌiꞌirgan baw nakem tang maraꞌe-raꞌet, nga daꞌta na maꞌuripen pat kasalaꞌan.

Roma 7:14

Pagsisiguruun tami nga, mga urdin ngaytu, uyun nga banar it kaꞌirgan it Ampuꞌang Diyus ka kanya nagay garing. Temed aku, belag. Pirmi akung pagdaꞌgen it mga kaꞌiꞌirgan nga maraꞌe-raꞌet nga alaid kat kaꞌirgan it Ampuꞌang Diyus. Subung it pagꞌuꞌuripnen aku talagat kasalaꞌan ngaytu.

Roma 7:25

Talagang dakulay pasalamat ku duꞌut Ampuꞌang Diyus sabap, kat keseg it binwat it Ampuꞌan tami nga si Jesu-Cristo, kanya i rimibri it aten. Temed saꞌup ku sing iꞌaat in unuy magkamuyaan ku nga kabetangan ku kayti nga, kat pikir baw nakem ku, kaꞌirgan it Ampuꞌang Diyus i kusunudun ku sana. Temed kasalaꞌan naga i magkabwat ku sabap it mga singkadan ku nga kaꞌiꞌirgan nga maraꞌe-raꞌet.

Roma 8:21

Ka mabut i aldaw nga, maski mga paryaman ngaytu, baꞌguun it Ampuꞌang Diyus. Ipaliꞌwan ya sira kat pagkaꞌuripen nirat panraꞌway baw panranggaꞌ, bawnga kita nga mga inanak ya, sang tamiyan na it muꞌsang paryaman nga giyuna ya i begayan it ega basta-bastang kabantugan nga ribri ta na kat muꞌsang napaliꞌ it kasalaꞌan.

Efeso 2:2

Egay beken nga pagragaen mi it tagnaꞌ ngayti, karaꞌe-raꞌetan situt banwa ngaytu. Sabap kat iting timpu pagsasakpen kamu paꞌ it pagbayaꞌen it mga maraꞌe-raꞌet, sira nga magpupudir duꞌut lawang, iyan mga magpanlud baw daꞌga nga magbebegbeg it mga taw kayti nga magkuntraꞌ it Ampuꞌang Diyus.

Tito 3:3

Dedemdemen mu nga katꞌesa, pati kita nga magpamayaꞌ na, kurang tami pat kasepsep, masusutil, baw nateꞌag-teꞌag pasar it dalan it kamatuudan. Kat iting timpu pagꞌuꞌuripnen tami pat mga maraꞌe-raꞌet nga kaꞌirgan it bilug tami nga pagsumbayaꞌen ta. Tagnang mga adat tami, mapiyanggated it masigkataw baw maꞌinggit. Pagꞌisgan tami it beken. Sira, pagꞌisgan tami gasiꞌ.

2 Pedro 2:19

Ipagsanggup paꞌ nira nga in siyu-siyuy sumunud it pangadal nira, ribri na talaga nga mapakay nang buwaten i kumpur ireg nirang kubwaten, ka ega na uripen it kaꞌirgan it beken. Temed ta, mga magpaliꞌwan it atkayti ngayti, uripen naga sira mismu it karaꞌe-raꞌetan nga kaꞌiꞌilang. Sabap yay matuud, kitang taw, uripen it in unu-unuy magbebegbeg it aten.