Juan 8:33 - Tagbanwa

³³ “Mga tungtung-inapuꞌ kami naga ni Abraham,” maat i tubag it mga Judio ngayti, “baw egay magkatanudan namen nga naꞌuripen kami it maski siyu. Ta unuka magkaꞌaat mu nga ipaliꞌwan kami?”

Juan 8:33 Iomraidhean Croise

Genesis 15:13

Bawnga piyakisugidan siꞌ kanya it AMPUꞌANG DIYUS. Maat i inaat ya, “Ituy kamatuudan, mga tungtung-inapuꞌ mu, manumpang sira duꞌut banwat beken. Ega lamang desang manumpang, magsirbi gasiꞌ sira ka uripnen duꞌun. Talagang ipabetang sira it makuriꞌ, seledat epat nga gatus nga taꞌun.

Mateo 3:9

Ega kesgat nakem mi nga maat mi mga tungtung-inapuꞌ kamu naga ni Abraham, aypaꞌ ka sagyaan kamu nagay imyu it Ampuꞌang Diyus. Ka isugid kut imyu nga talagang kaya it Ampuꞌang Diyus nga, garing kat mga batu ngaytung ituꞌun, mapabaraꞌ ya nga mga tungtung-inapuꞌ ni Abraham.

Lucas 3:8

Kaꞌilangan nga ipamatuud mi kat pangaꞌgenan mi nga magsinguliꞌ kamu na nga matuud. Ega kesgat nakem mi nga maat mi, tungtung-inapuꞌ kamu naga ni Abraham, aypaꞌ ka sagyaan kamu nagay imyu it Ampuꞌang Diyus. Ka isugid kut imyu nga talagang kaya it Ampuꞌang Diyus nga, garing kat mga batu ngaytung ituꞌun, mapabaraꞌ ya nga mga tungtung-inapuꞌ ni Abraham.

Juan 19:25

Magtitindeg duꞌun it adeꞌdeng it krus i inaꞌ ni Jesus baw minan ya nga sulsug nga babay it inaꞌ ya ngayti. Duꞌun gasiꞌ si Maria nga asawa ni Cleopas baw si Maria Magdalena.

Juan 8:37

Talagang urut ku nga mga tungtung-inapuꞌ kamu naga ni Abraham. Temed paribasay lamwat kamu, nga ega pagꞌintindiyen mi i mga ipagpanulduꞌ ku ngaytu, pagpaꞌresan mi aku nga maꞌimatay.

Juan 8:39

Timnubag siꞌ i mga Judio ngayti, maat nira, “Si Abraham bay amaꞌ namen.” “Ta in amaꞌ mi si Abraham,” maat ni Jesus ngayti, “ta unuka pagpasyangan mi i mga buwat yat kanya?

Juan 8:43

Unuka ega magkasepsepan mi i pagꞌaaten ku? Sabap siguru it ega kutanggapen mi i ipagpangadal ku ngaytu.

Roma 9:7

Ega gasiꞌ muꞌsa nga mga tungtung-inapuꞌ ni Abraham i pagkilalaen nga kamatuudang tungtung-inapuꞌ ya, sira nga tumanggap it mga isiyanggup it Ampuꞌang Diyus. Subung nagat inaat ngaytit Ampuꞌang Diyus it ki Abraham nga magꞌaat, “Asat ki Isaac i liꞌwanan it bangsa ngayang taꞌwagen nga mga tungtung-inapuꞌ mu.”

Mga Pagbayaꞌen 2:18

Kada pagbayaꞌen nga pagrumraan it AMPUꞌANG DIYUS, pagtabangen ya isaꞌun daꞌna malipi-lipi i mga Israelita it mga kalaban nira mintras egen i pagbayaꞌen ngayti. Ka pagsanguꞌan ya nagay mga Israelita ngayti sabap it panganin-anin nira kat kakuriꞌan nga paglabayen nira.

Mga Pagbayaꞌen 4:3

Si Jabin ngayti, siyam nga gatus i gamit ya nga sarakayan it magpakibunuꞌ nga basiꞌ i binwat. Seledat duwang puluꞌ nga taꞌun talagang paggipiten yay mga Israelita ngayti. Aypaꞌ ka nangabang siꞌ sira duꞌun it AMPUꞌANG DIYUS.