Biblia Todo Logo
Bìoball air-loidhne

- Sanasan -




Juan 8:32 - Tagbanwa

32 Makilalaan mi nayang banar i kamatuudan, baw iyan kamatuudan ngaytu, itu na i paliꞌwan it imyu.”

Faic an caibideil Dèan lethbhreac




Juan 8:32
42 Iomraidhean Croise  

Dadaklan talaga i mabut baw maat nira yan, “Daliꞌ kamu na. Tumungul tami duꞌun it mungsuꞌ ngayti it AMPUꞌANG DIYUS, duꞌun it balay nga papagsambaan it kanya, kanya nga Ampuꞌang Diyus ni Jacob, isaꞌun maꞌrutan tami i mga dalan ya, baw maꞌubas ta na nga sumunsun it mga dalan ya ngaytu. Sabap manggaring duꞌun it Sion i mga urdin it AMPUꞌANG DIYUS, baw duꞌun it Jerusalem i garingan it ampang ya.”


Pasakep kamut aken nga manigtulduꞌ mi baw magꞌadal kamu situt aken, sabap mapiyalulus baw mapiyababaꞌ aku. Basta aku i pagpamayaꞌnen mi, siguradung maꞌimyu i kaꞌimbengan it nakem.


Si Jesus ngaytung pagpangaranat Ampang, nagbalyung taw bawnga nanaꞌidan situt banwa nga kaꞌibaan tami. Nagpasar tu kat mata namen i kabantugan ya, nga kabantugan ya ngaytu, kabantugan it paeꞌesa-esang Anak it Diyus Amaꞌ. Natantuwan namen gasiꞌ i kadakulat ildaw ya baw kamatuudan talaga i muꞌsang ipiyaliꞌwan ya.


Sabap ibinggay it Ampuꞌang Diyus i mga urdin ya duꞌut ki Moises nga ipiyagꞌurdin yat aten, temed iyan ildaw ya baw kamatuudan pasar it sadili ya, ipiyatantu yat aten duꞌun it ki Jesu-Cristo.


Timnubag si Jesus, maat ya, “Aku na ngaytu i dalan, aku i kamatuudan baw aku gasiꞌ i kaꞌgenan. Egay kapaꞌaduꞌun it Diyus Amaꞌ in daꞌga akuy dalan nga panawan ya.


Temed pagꞌabut it Espiritu Santo ngaytung Manigpaꞌrut it kamatuudan, kanya i tumabang it imyu isaꞌun masepsepan mi nga banar i muꞌsa nga kamatuudan. Ega yan manadili kanyat mampang, in daꞌga yay isugid yat imyu, in unuy magkagnegan ya duꞌun it Amaꞌ. Baw ipaꞌyag ya gasiꞌ it imyu i mga bagay nga magꞌaꞌabut.


Kat keseg it ampang mu nga purus kamatuudan, baꞌguun muy adat nira nga mamlag na kat adat it mga taw nga makasalaꞌan. Ka mga ampang mu, talagang kamatuudan.


Sabap magsusurat duꞌun it mga kasuratan it mga prupitaꞌ, nga magꞌaat, ‘Sirang muꞌsa, tulduꞌan sira it Ampuꞌang Diyus.’ Iyan nga magpagneg it Amaꞌ baw ipagdawaꞌ ya kat ulu ya i itiyulduꞌ it kanya, ega na magꞌaliꞌ nga pasakep it aken.


Kumpur magꞌireg sumunud it kaꞌirgan it Ampuꞌang Diyus, matantuwan tu nira in unu, garing talaga duꞌun it Ampuꞌang Diyus i ipagpanulduꞌ ku ngaytu, u in kat sadi-sadili ku na lamang.


Basta aku, nga Anak ngaytu nga paꞌaaten, i paliꞌwan it imyu kat pagkaꞌuripen mi, siguradung liꞌwan kamu nayan nga matuud.


Temed ta, kayti nga piyaliꞌwan kamu na kat pamegbeg it kasalaꞌan, kayti nga nagpaꞌuripen kamu na it Ampuꞌang Diyus, dakulay kapulusan ya ka magpangaꞌgenan kamu na uyun kat kaꞌirgan ya, nga egay beken nga uliꞌan kaytu, kaꞌgenang egay kaskedan.


Matuud tu, mga anak it Ampuꞌang Diyus i panaꞌwag it aten, ka iyan Espiritu Santo nga magsasarum situt bilug tami, egaytu Espiritu it pagkaꞌuripen isaꞌun pirmi tang manguripeꞌpey kat adapan it Ampuꞌang Diyus sabap it mga kasalaꞌan tami. In daꞌga, kat panakem it Espiritu Santo ngaytu, magkatantuwan ta na nga inanak tami na talaga it Ampuꞌang Diyus. Aypaꞌ, kayti, mataꞌwag tami nay Ampuꞌang Diyus nga “Amaꞌ.”


Ka, sabap it pakilagpit tat ki Cristo Jesus, nabaꞌgu nat Espiritu Santo i pangaꞌgenan tami. Ipiyagribri ya na kita kat pamegbeg it kasalaꞌan nga yay tumaban it aten duꞌun it kamataynen nga egay kaskedang panriga.


Ka maski uripen ka, basta namayaꞌ kang matuud it ki Cristo, kat Ampuꞌan ka na nga binggayan ya nat ega basta-bastang karibriyan. Baw iyan taw nga ega uripen iyan piyanakman na kanya it Ampuꞌang Diyus, subuk nagbaraꞌ kanya nga uripen, ka manigsirbi na ni Cristo.


Piyaliꞌwan tami ni Cristo kat pagkaꞌuripen tat kaꞌurdinan isaꞌun teꞌteꞌ nga daꞌta na uripen. Aypaꞌ kaꞌilangan panindegan mi na nga nakaliꞌwan kamu na. Eeꞌ baꞌ, talagang ayaw kamu nat paꞌuripen paꞌ it sumaꞌup.


Mga sulsug ku, kat pabetang-betang it Ampuꞌang Diyus, liꞌwan kamu na kat panguripen it mga urdin ngayti nga ipiyaskel it ki Moises. Temed maski atkayan na, ega pikiren mi nga mapakay nang sumbayaꞌen i maski unu nga maraꞌway nga kaꞌirgan it bilug, in daꞌga, kat kadakulat raras mi it maꞌiba mi, magsigsirbi kamu it esa may esa.


Atkaytung mga babay, pirmi sirang kupagneg it pangadal temed, ta, ega magkatantuwan niray kamatuudan.


Temed talagang ildawan i iyan taw nga pagꞌineꞌteꞌen ya nga banar i muꞌsang mga ipiyagꞌurdin nga kaꞌirgan it Ampuꞌang Diyus, nga ampang ya ngaytu, egay kakurangan baw magkabgay it karibriyan. Ildawan kanya basta ega desang pagpagnegan lamang nga basta natupus nalipatan, in daꞌga pasigi nga pagsunudun ya. Ka in atkayan, tabangen kanya it Ampuꞌang Diyus kat muꞌsang pagbuwaten ya.


Temed sabap it maꞌildaw i Ampuꞌang Diyus, ipiyagꞌurdin ya gasiꞌ nga in magꞌuꞌunu maribri tami kat kasalaꞌan. Ta it ukumanan tami uyun kat urdin ya ngaytu, kaꞌilangan nga maꞌintur kamung banar kat adat mi baw pangangampangan mi nga maꞌildaw kamu gasiꞌ i imyu.


Talagang ribri kamu na. Temed ega gamiten mi i karibriyan mi nga kataldengan kat pagbuwat it maraꞌe-raꞌet. In daꞌga mangaꞌgenan kamu uyun it mga kamatuudang manigsirbi it Ampuꞌang Diyus.


Pagmaꞌaleng babay nga piniliꞌ it Ampuꞌang Diyus, baw mga anak mu, wayan i surat ku, aku nga piyakamagurang. Kamu, talagang pagmaꞌalen ku nga matuud, baw ega lamang aku in daꞌga pati kadakel nga nakakilala nang banar it kamatuudan pasar it Ampuꞌan.


Lean sinn:

Sanasan


Sanasan