Juan 8:28 - Tagbanwa

²⁸ Aypaꞌ maat siꞌ ni Jesus it kanira, “Basta makapatindeg mi na i krus nga pagraransangan it kanya nga Taga Langit nga Ipiyanganak it Taw, sikayan payan matantuwan mi nga talagang matuud i ipagsugid ku nga in siyu aku. Maꞌrutan mi nga egaytuy pagbuwaten ku nga kat sadili ku na lamang, in daꞌga pagꞌampangen ku, iyan nga ipagtulduꞌ it aken it Amaꞌ ku.

Juan 8:28 Iomraidhean Croise

Exodo 3:14

Maat siꞌ it Ampuꞌang Diyus, “Aku i Ampuꞌang Diyus, nga egay giyaringan, egay katupusan. Aaten mu sira nga tiyaꞌeg ka it Ampuꞌang Diyus nga egay giyaringan, egay katupusan.

Mateo 24:5

Sabap dakel yan nga mabut nga mangambuꞌ it ngaran ku, nga maat yan, ‘Aku na ngaytu baytu i Cristo ngayan nga siyarigan it Ampuꞌang Diyus.’ Talagang dakel yan i mateꞌag-teꞌag nira.

Marcos 13:6

Sabap dakel yan nga mabut nga mangambuꞌ it ngaran ku, nga maat yan, ‘Aku na ngaytu baytu i Cristo ngayang paꞌaaten.’ Talagang dakel yan i mateꞌag-teꞌag nira.

Lucas 21:8

Pagtubag ni Jesus, maat ya, “Magꞌintur kamu nga ega mateꞌag-teꞌag it maski siyu. Sabap dakel yan nga mabut nga mangambuꞌ it ngaran ku, nga maat yan, ‘Aku na ngaytu baytu i Cristo ngayang paꞌaaten,’ baw ‘Timpu naytu it umur.’ Temed ayaw kamut pamayaꞌ kayan.

Juan 11:42

Talagang magkaꞌrutan ku nga pirmi mu aku nga pagpapagnegan. Takaꞌ pagꞌampangen kuy atkaytu sabap it mga taw ngayni nga kaꞌibaan ku kayti, isaꞌun mamayaꞌ sira nga ikaw nga matuud i nagtaꞌeg it aken.”

Juan 13:19

Ipagꞌaat ku naytung lagi it imyu it ega paꞌ nagꞌabut, isaꞌun in magꞌabut na, pakimatuud kamu nga in siyu aku talaga.

Juan 16:10

Pasar it kataldengan, itanyag yat kanira nga mataldeng aku naga, kamatuudan, muliꞌ aku na duꞌun it Amaꞌ ku. Ega nayan malte-maltegan mi aku.

Juan 18:32

Atkayti ka isaꞌun matuman i ipiyagꞌaat ni Jesus pasar it pabetang-betang it kamataynen ya.

Juan 19:18

Pagꞌabut duꞌun, iriyansang na kanya duꞌun it krus. May duwang kataawan nga kadengan yat iriyansang. Piyatindegan, esay ayun duꞌut iwanan ya, esa ayun kat gibang ya. Ki Jesus ngayti i duꞌut tengaꞌ.

Juan 3:11

Kamatuudan i ipagꞌaat kut imu. Itu ngaytung ipagpamatuud namen it imyu, talagang magkaꞌrutan baw naltegan namen. Temed ta, daꞌga pagpamayaꞌnen mi i pamatuud namen ngaytu.

Juan 3:14

Baw in magꞌuꞌunu ipiyadibwat ni Moises i binwat ya nga subuk dukul duꞌut rugar nga kapupuyangtan, nga idiyuꞌun yat ipiyatindeg ya nga kayu, magꞌaꞌatkayan naga yan i buwaten it aken nga Taga Langit nga Ipiyanganak it Taw. Iransang nira aku duꞌut krus bawnga ipadibwat nira naga subuk dukul ngayting binwat.

Juan 4:26

“Paꞌaaten mu ngayan, aku na ngaytu nga magpakisugi-sugid it imu kayti,” maat ni Jesus ngayti.

Juan 5:19

Ta it atkayti, inaat ni Jesus i mga Judio ngayti, “Kamatuudan tuy pagꞌaaten ku ngaytut imyu, nga egay magkabwat it Anak in kat sadili ya na lamang, in daꞌga iyan i pagbuwaten ya, iyan nga magkaltegan ya nga pagbuwaten it Amaꞌ. Iyan pagbuwaten it Amaꞌ ya, simpri iyan naga i buwaten ya.

Juan 5:30

Talagang ega mapakay nga may pagbuwaten ku nga pagsadiliyen ku lamang. Magꞌukuman aku uyun nga pirmi kat ipagꞌaat nagat aken it Amaꞌ. Aypaꞌ ka magayen i pangukuman ku, ka ega maat sadili ku nga kaꞌirgan i pagsunudun ku, in daꞌga iyan i pagsunudun ku, iyan nga kaꞌirgan it nagtaꞌeg it aken it paꞌasitu.”

Juan 6:38

Sabap nanlampud aku nga garing duꞌut langit, ega enged ku, buwaten ku i sadili ku nga kaꞌirgan, in daꞌga iyan kaꞌirgan it nagtaꞌeg it aken.

Juan 8:24

Aypaꞌ matuud tuy ipagꞌaat ku ngaytut imyu, nga matay kamu it ega napasinsiya i kasalaꞌan mi. Basta ega pakimatuudun mi i pamatuud ku nga in siyu aku talaga, simpri matay kamu it ega napasinsiya i kasalaꞌan mi.”

Juan 8:27

Ega nasepsepan it mga taw ngayti nga pagpaꞌiguꞌan ni Jesus, Amaꞌ ya.

Juan 8:58

Katubag siꞌ si Jesus, maat ya, “Ituy kamatuudan nga isugid kut imyu, parabir ipiyanganak si Abraham, may aku nang lagi.”

Mga Binwat 2:41

Ta, egay beken, iyan namayaꞌ it inampang ya ngayti, nagpabawtis na sira. Iting aldaw, tulung ribu i kadakel it nakadungag kat mga magpamayaꞌ it ki Cristo.

Mga Binwat 4:4

Temed, dakel nagay mga namagkagneg ngayti nga namayaꞌ it panulduꞌ na Pedro. Aypaꞌ lalaki lamang i bilangen, nakaꞌbut nat limang ribu i kadakel it mga magpamayaꞌ.

Roma 1:4

Si Jesu-Cristo ngaytu, inimatay kanya temed nagꞌegen naga kanyat paꞌuliꞌ kat keseg it Espiritu Santo. Sikaytu ipiyamatuud nga, kanya, gunaan talagang Anak it Ampuꞌang Diyus. Si Jesu-Cristo ngaytuy Ampuꞌan tang muꞌsa.

Deuteronomio 18:18

May ipatindeg ku kat mga kabilug nira nga esang prupitaꞌ nga subung nagat imu. Ipanakem ku it kanya i ipagpaꞌampang ku it kanya. Bawnga kumpur ipagꞌurdin ku, isugid yat imyu.’