Juan 8:25 - Tagbanwa

²⁵ “Tay, siyu ka baytu?” ingkut siꞌ it mga taw ngayti. “Ta daꞌga baꞌ ipagsugid ku nat imyu it kaꞌlay ngaytu in siyu aku nga matuud?” tubag ni Jesus it kanira.

Juan 8:25 Iomraidhean Croise

Lucas 22:67

Bawnga maat nira it ki Jesus ngayti, “Isugid mut amen in ikaw na talaga i isiyanggup nga Cristo!” Katubag si Jesus, maat ya, “Maski isugid kut imyu, ega naga yan pakimatuudun mi.

Juan 1:19

Kaꞌsa may piyapanaw it mga pagbayaꞌen it mga Judio nga taga Jerusalem. Piyapanaw nira, mga sasirduti baw mga Levita nga katabang nira nga manigbuwat duꞌun it Templo, ka ipagpaꞌingkut nira si Juan in unu kanya. Ituy pamatuud ni Juan nga tubag yat kanira.

Juan 1:22

“Ega itaguꞌ mu. Kaꞌilangan nga isugid mut amen in unu ka nga matuud, isaꞌun may masugid namen duꞌut namagtaꞌeg ngaytit amen.”

Juan 10:24

Liniputan kanya it mga Judio baw inaat nira kanya, “Seked it kaꞌnu baytu paglibegen muy pikir namen? Kaꞌilangan in talagang ikaw nay Cristo ngayang isiyanggup nga Manriribring Adiꞌ, irapar mu na.”

Juan 19:9

Piyabayaꞌ ya si Jesus it siminled siꞌ kanyat sumaꞌup baw iningkut ya siꞌ si Jesus ngayti. Maat ya, “Taga ari ka baytu?” Temed ega tiyubag kanya ni Jesus.

Juan 8:12

Pagsaꞌup siꞌ ni Jesus it mampang duꞌun it mga taw, maat ya, “Aku ngaytu i bilang tidaw nga magbegay it eyag kat pikiran it mga taw situt sinirungat langit. Iyan sumunud it aken, ega na subung it magpanaw it delemen, sabap pagꞌeꞌyagan na kanyat tidaw ngaytu nga magbegay it kaꞌgenan nga egay kaskedan.”

Juan 8:24

Aypaꞌ matuud tuy ipagꞌaat ku ngaytut imyu, nga matay kamu it ega napasinsiya i kasalaꞌan mi. Basta ega pakimatuudun mi i pamatuud ku nga in siyu aku talaga, simpri matay kamu it ega napasinsiya i kasalaꞌan mi.”

Juan 8:26

“Talagang dakulay maꞌaat ku baw mabetanganan kut ukuman kuntraꞌ it imyu. Temed it matuud i pagꞌaaten it nagtaꞌeg it aken baw in unuy magkagnegan ku nga pagꞌaaten ya, iyan i ipagsugid ku situt banwa ngaytu.”