Juan 8:21 - Tagbanwa

²¹ Saꞌup siꞌ nga inaat ni Jesus it mga katataawan, “Talagang limꞌid aku. Tulusun mi yan aku it temegel, temed matay kamu lamang it ega napasinsiya i kasalaꞌan mi. Daꞌkamu talaga kaꞌaduꞌun it aduꞌunan ku.”

Juan 8:21 Iomraidhean Croise

1 Mga Adiꞌ 18:10

Yay matuud, nga pagdedngegen akut AMPUꞌANG DIYUS mu, talagang ipiyabaget-baget ni Acab i muꞌsang banwa, kada bangsa baw kaꞌadiꞌan kat linibut ta, ka magtulus lamang it imu. Kada yan may sumugid nga daꞌka duꞌun, ega talaga pagpamayaꞌnen ya. Pagpasumpaen ya sira nga talagang egay naltegan nira nga ikaw.

Mateo 23:39

Ka talagang matuud i iꞌaat kut imyu, nga pagkagaring ku situt banwa, ega na maltegan mi aku seked it ega paꞌ naꞌbut i aldaw nga maꞌaat mi, ‘Mabantug kanya nga tiyaꞌeg it Ampuꞌang Diyus.’”

Mateo 25:41

Bawnga aaten ku siꞌ i kat gibang ku ngaytung ayun, ‘Imyu, paꞌalaid kamu situt aken, mga pagꞌaꞌargan it panriga. Duꞌun kamu na it apuy nga ega magpugda-pugdaw, nga panriga nga ipiyagꞌareg it ki Satanas baw mga taraꞌgen ya.

Mateo 25:46

Ta, egay beken, idedeg na sira duꞌun it panriga nga egay katupusan. Temed iyan mga mataldeng ngaytu kat panleteg it Ampuꞌang Diyus, tumanggap sirat kaꞌgenan nga egay kaskedan.”

Juan 12:33

Inampang yay atkaytu isaꞌun ipaꞌrut it kanira in magꞌuꞌunu matay kanya.

Juan 12:35

Maat siꞌ ni Jesus it kanira, “Dekeyeꞌ mana nga timpu nga maꞌiba-iba mi aku nga bilang tidaw nga magꞌeyag it imyu. Kaꞌilangan magpatulduꞌ kamu mintras magkaꞌyagan kamu paꞌ. Pasbung kamut taw nga magpanaw it maꞌyag paꞌ, nga ega magpadlem. Ka ega magkaturnuwan it magpanaw it madlem in ari magayen nga panawan ya.

Juan 13:33

Mga pagmaꞌalen nga bilang mga anak ku, dekeyeꞌ mana nga timpu nga iba mi paꞌ aku. Tegelen mi akut tulus temed, subung it ipiyagꞌaat kut mga kabilug mi nagang mga Judio i iꞌaat kut imyu kayti, nga daꞌkamu makaꞌaduꞌun it aduꞌunan ku.

Juan 7:34

Tegelen mi yan aku it tulus, temed ega nayan maparagan mi aku, ka ega yan kaꞌaduꞌun kamu it uliꞌan ku ngayti.”

Juan 7:36

Unu yan i ireg sugiden it iyan ngayang sugi-sugid ya nga maat, ‘Tegelen mi yan akut tulus, temed ega nayan maparagan mi aku, ka daꞌkamu kaꞌaduꞌun it uliꞌan ku ngayti’?”

Juan 8:24

Aypaꞌ matuud tuy ipagꞌaat ku ngaytut imyu, nga matay kamu it ega napasinsiya i kasalaꞌan mi. Basta ega pakimatuudun mi i pamatuud ku nga in siyu aku talaga, simpri matay kamu it ega napasinsiya i kasalaꞌan mi.”

Efeso 2:1

Talagang kamu katꞌesa, kaꞌalimbawaan mi, subuk patay kat panleteg it Ampuꞌang Diyus kat kadakulat mga kasalaꞌan mi nga kuntraꞌ kat kaꞌirgan ya. Egay maski unu nga magpangbit kat nakem mi in pasar it pagkilala it kanya.