Juan 8:20 - Tagbanwa

²⁰ Mga itu ngaytu, inampang ni Jesus iyan magpanulduꞌ kanya duꞌun it esang bagiꞌ it Templo nga duꞌun manggid it adeꞌdeng it mga berebtangan it bilang ipagbegay it mga taw duꞌun it Ampuꞌang Diyus. Temed ega naga diyakep kanya it maski siyu, ka ega paꞌ naꞌbut i ipiyabetang-betang nga timpu.

Juan 8:20 Iomraidhean Croise

Mateo 26:55

Bawnga siyarunga ni Jesus i mga taw ngayti. Inaat ya sira, “Unuytu, adimaat magpangukus aku nga kuntraꞌen i gubirnu, ka rangkap kamu nat basiꞌ, nga kat beken pupukul na, i miyabut ngaytu nga magpandakep it aken? It aldaw-aldaw magpanulduꞌ aku duꞌun it Templo, temed ega naga diyakep mi aku duꞌun.

Mateo 27:6

Kiyuꞌmit it mga pagbayaꞌen it mga sasirduti i pirak ngayti. Maat nira, “Talagang kuntraꞌ tu kat urdin nga idawaꞌ i itung pirak situt pagdawaꞌan ngaytu situt Templo, sabap itu ngaytu, bayad tu it ginawat taw.”

Marcos 12:41

Ta miyadung si Jesus duꞌun it tepad it pagꞌulgan it pirak nga ipagbegay duꞌun it Templo. Pagpapaꞌyunan ya nay mga taw nga mamagꞌulug. Dakel i mga manggaden nga dakulaꞌ nga kantidad i ipagꞌulug nira.

Marcos 12:43

Tiyaꞌwagan ni Jesus i mga alagad ya baw maat ya, “Matuud talagay iꞌaat ku ngaytut imyu. Iꞌinlug it makuriꞌ ngayan nga babay nga balu, subraꞌ paꞌ it ipagꞌulug it muꞌsa ngayang beken.

Lucas 20:19

Egay beken, mga manigpaꞌyag it urdin baw mga pagbayaꞌen it sasirduti, kudakpen nira si Jesus ngayti it iti nga uras, ka nasepsepan nira nga siray pagpaꞌiguꞌan it iti nga pagꞌalimbawaen. Temed magꞌiꞌlam naga sira it kadakel it mga taw ngayti, aypaꞌ daꞌsira naga magkaꞌurum.

Lucas 21:1

Duꞌun paꞌ si Jesus it Templo, pagpanigmata ya, naltegan ya i mga manggaden nga magꞌulug duꞌun it pagꞌulugan it pirak nga ipagbegay duꞌun it Templo ngayti.

Juan 10:39

Pagkagneg nira kayti, kudakpen nira siꞌ si Jesus, temed it nagpaꞌalikaꞌsut naga kanya.

Juan 2:4

Katubag si Jesus, maat ya, “Tabiꞌ it imu, aku na bay baalaꞌ kayan. Magayen ega panguꞌnaan mu aku kat buwaten ku ka ega paꞌ naꞌbut i tamaꞌ nga timpu.”

Juan 7:14

Iyan nanlubukan nay pistaꞌ, siminled si Jesus duꞌun it Templo baw nanulduꞌ kanya duꞌun.

Juan 7:30

Pagkagneg it mga taw ngayti, pagkudakpen nira si Jesus, temed ega naga nabwat nira, sabap ega paꞌ miyabut i ipiyabetang-betang nga timpu.

Juan 7:44

Iyan beken, ireg nira dakpen na kanya, temed subuk magꞌaliꞌ paꞌ sira.

Juan 7:8

Muꞌna kamu nay pakipistaꞌ. Aken, ega na daꞌan, ka subung nat inaat ku, ega paꞌ kayti i ibinggay it aken nga timpu.”

Juan 8:2

Pagꞌeyag it aldaw, nagpaꞌuliꞌ naga kanya duꞌun it Templo. Minlep siꞌ duꞌut kanya i muꞌsang mga taw duꞌun. Miyadung si Jesus bawnga tiyulduꞌan ya siꞌ sira.

Juan 8:59

Pagkagneg nira kayti, nagsigkuꞌmit nay mga Judio ngaytit batu ka batuun na kanya. Temed nagpalingeb-palingeb na si Jesus duꞌut katataawan ka nanliꞌwan na duꞌun it Templo ngayti.