Juan 8:15 - Tagbanwa

¹⁵ Magꞌukuman kamu uyun kat pangukuman it taw, temed aku, egay pagꞌukumanan ku nga maski siyu.

Juan 8:15 Iomraidhean Croise

Lucas 12:14

Katubag si Jesus, maat ya, “Ega bilaꞌ atkayan. Siyuy rimnumra it aken nga mukuman u magiꞌ it susubliyen mi?”

Juan 12:47

Baw in siyu nga nakagneg it ampang ku, temed ega naga sunudun ya, betanganan yan it ukuman, temed ega aku i magꞌukuman it kanya. Sabap ega enged ku situ, ukumanan kuy banwa ngaytu, in daꞌga rimibri it katataawan.

Juan 18:36

Tumubag si Jesus, maat ya, “Iyan pagkaꞌadiꞌ ku, ega subuk mga pagkaꞌadiꞌ nga situt sinirungat langit. In beteꞌ atkayay pagkaꞌadiꞌ ku, simpri panindegan akut mga taawan ku. Simpri ega basta-basta maꞌalima akut mga Judio ngaytu. Temed ta it belag talagay garing it aken nga pagkaꞌadiꞌ.”

Juan 3:17

Sabap ega yay piyapaꞌasituwan it Ampuꞌang Diyus it Anak ya, betanganan it ukuman nga panriga i katataawan, in daꞌga isaꞌun maribri ya i katataawan ngaytu.

Juan 7:24

Kaꞌilangan kat kataldengan i ipagꞌukuman mi, ega kuꞌaw-kuꞌaw nga ukuman.”

Juan 8:11

Katubag i babay ngayti, maat ya, “Ta ega, Agalen.” “Ta maski aku,” maat ni Jesus, “ega rigaen ku ikaw. Mapanaw ka na baw pedkanan mu nay buwat it kasalaꞌan.”

Roma 2:1

Ta, barang pagraꞌwayen mi na i karaꞌe-raꞌetan ngaytung siyangpit ku, temed ega pikiren mi nga egay turubagen mi gasit imyu. Sabap, kat pagꞌukuman mi ngaytut beken, subuk pagꞌukumanan mi nagay sadili mi. Ka lamang paꞌuku-ukuman kamu, atkayan nagay imyung pagbuwaten.

1 Corinto 2:15

Temed iyan taw nga pagsasaruman it Espiritu Santo, magkasepsepan ya i muꞌsang bagay, in magayen u daꞌga. Takaꞌ, mga taw nga ega paꞌ namayaꞌ, nga ega pagsasaruman it Espiritu Santo ngaytu, kurang i kasepsep nira betanganan it ukuman i pangaꞌgenan it mga namayaꞌ na.

2 Corinto 5:16

Aypaꞌ kayti, ega na ipagpabetang namen nga magayen u ega i maski siyu in sabap lamang it mga kat liꞌwan nga bagay nga magkaltegan. Sabagay tagnaꞌ atkayan naga i pabetang ku it ki Cristo. Temed kayti, talagang ega na atkayan.

Santiago 2:4

Talagang pagbidaꞌen mi na in atkayan pay pangistimar mi. Kamaliꞌ nga kamaliꞌ i pabetang mi it masigkataw mi.

1 Samuel 16:7

Temed maat it AMPUꞌANG DIYUS it kanya, “Ega letganan mu i kalawas ya baw kagayen it tindeg ya. Ega kanya i piniliꞌ ku. Ka aku, ega yay pagletganan ku, pagkinataw, nga subuk imyung mga taw nga pagkinataw i pagletganan. Pamataw i kat taw nga pagletganan temed aken, kat nakem ya i paglilingen ku.”