Juan 8:12 - Tagbanwa

¹² Pagsaꞌup siꞌ ni Jesus it mampang duꞌun it mga taw, maat ya, “Aku ngaytu i bilang tidaw nga magbegay it eyag kat pikiran it mga taw situt sinirungat langit. Iyan sumunud it aken, ega na subung it magpanaw it delemen, sabap pagꞌeꞌyagan na kanyat tidaw ngaytu nga magbegay it kaꞌgenan nga egay kaskedan.”

Juan 8:12 Iomraidhean Croise

Isaias 49:6

Maat it Ampuꞌang Diyus it aken nga manigsirbi ya, “May subraꞌ paꞌ nga mabantug nga ipabwat kut imu, puyra it papaꞌuliꞌen mu ngaytu i mga ipiyaꞌped ku nga mga tungtung-inapuꞌ ni Jacob, nga bangsa nga Israel. Ipatindeg ku ikaw nga bilang tidaw it mga taw nga ega kat bangsa nga Israel, ka maꞌyagan mu i muꞌsang taw situt sinirungat langit pasar it dalan it karibriyan nga gumaring sinit aken.”

Isaias 9:2

Naꞌlay na nga magpangaꞌgenan kat kadleman i mga taga Galilea ngaytu, temed inyagan na sirat eyag nga ega basta-basta. Subung sirat sinakepan it kamataynen ka egay inawar nira, temed kayti inyagan na sira.

Mateo 5:14

Kaꞌalimbawaan mi gasiꞌ, tidaw situt sinirungat langit, ka eyagan mi i pikiran it katataawan. Ta, demdemen mi nga siyudad nga duꞌun it siyagpawan it bulud, ega magkataguꞌ ka magkaltegan i sayaꞌ.

Lucas 2:32

Maꞌyagan yay mga bangsa nga ega Judio pasar it dalan it karibriyan. Baw sabap it kanya ngaytu, dumakulaꞌ i kabantugan nameng mga Judio nga mga taawan mu, nga tungtung-inapuꞌ ni Israel.”

Juan 12:35

Maat siꞌ ni Jesus it kanira, “Dekeyeꞌ mana nga timpu nga maꞌiba-iba mi aku nga bilang tidaw nga magꞌeyag it imyu. Kaꞌilangan magpatulduꞌ kamu mintras magkaꞌyagan kamu paꞌ. Pasbung kamut taw nga magpanaw it maꞌyag paꞌ, nga ega magpadlem. Ka ega magkaturnuwan it magpanaw it madlem in ari magayen nga panawan ya.

Juan 12:36

Aypaꞌ mintras situt imyu i paꞌaaten ngaytu nga tidaw, kaꞌilangan nga pasakep kamu nat kanya, isaꞌun magkapangaꞌgenan kamu nga pirmi kat eyag it tidaw ngaytu.” Pagkaꞌampang ni Jesus kayti, nagliꞌid na kanya.

Juan 12:46

Ka naꞌasitu aku nga bilang tidaw it banwa ngaytu, isaꞌun ega maneꞌteꞌ kat kadleman i iyan nga mamayaꞌ it aken.

Juan 14:6

Timnubag si Jesus, maat ya, “Aku na ngaytu i dalan, aku i kamatuudan baw aku gasiꞌ i kaꞌgenan. Egay kapaꞌaduꞌun it Diyus Amaꞌ in daꞌga akuy dalan nga panawan ya.

Juan 3:19

Ukumanan sira it atkaytu sabap kanya nga paꞌaateng tidaw, naꞌasitu nat banwa, temed yagay paglabiyen it katataawan, kadleman, ega kaꞌyagan ngaytu, sabap it sigi gang buwat nirat karaꞌe-raꞌetan.

Juan 7:17

Kumpur magꞌireg sumunud it kaꞌirgan it Ampuꞌang Diyus, matantuwan tu nira in unu, garing talaga duꞌun it Ampuꞌang Diyus i ipagpanulduꞌ ku ngaytu, u in kat sadi-sadili ku na lamang.

Juan 9:5

Kabilangan ku, piyakatidaw. Baw kaꞌlay ku ngaytu situt banwa, magsisigi nga pagꞌeyagan kuy pikiran it mga taw.”

Mga Binwat 13:47

Ka ituy ipagtaꞌeg it amen it Ampuꞌan, nga pagpaꞌiguꞌan it magsusurat ngaytu nga magꞌaat, ‘Ipiyatindeg ku ikaw nga bilang tidaw it mga taw nga ega kat bangsa nga Israel. Ka maꞌyagan mu i muꞌsang taw situt sinirungat langit pasar it dalan it karibriyan.’”

Mga Binwat 26:23

Ka daꞌga basaꞌan magbebtang duꞌut mga isiyurat nira nga kaꞌilangang lumabay it dakulaꞌ nga kakuriꞌan i Cristo ngayting Manriribring Adiꞌ nga isiyanggup? Magsusurat gasiꞌ nga kanya i uꞌna-uꞌnang egnen it paꞌuliꞌ nga ega na matay it sumaꞌup. Baw kat pagꞌegen ngaytit kanya, mabgayan yat kaꞌyagan i muꞌsang taw, mga Judio baw daꞌga, pasar it karibriyan.”

2 Pedro 2:17

Mga manigtulduꞌ ngaytut kaꞌambutan, taw nga egay kakapulusan. Ka kaꞌalimbawaan nira, naꞌlet na nga tumbud baw kunum nga egay pakinabang ka ipagdedeg it deres. Temed rigaen sirat Ampuꞌang Diyus duꞌun it ipiyagꞌareg yang lagi nga nagpintut nat pandele-delem.

2 Pedro 2:4

Dedemdemen mi tu, nga iyan tagnaꞌ paꞌ, may nagkasalaꞌan nga mga anghil, temed daꞌsira piyataꞌnan it Ampuꞌang Diyus. In daꞌga pinirisu ya sira duꞌun it piyakamalgeb nga siwang. Ta duꞌun paꞌ sira it kadleman ngayti, seked mabut i aldaw nga ipangukuman.

1 Juan 1:6

In maat ta, magpakiꞌiba-iba ta na it kanya, temed magpangaꞌgenan ta paꞌ kat kadleman, ka magsisigi paꞌ nga magbuwat it kasalaꞌan, magꞌambut ta lamang. Daꞌta magpangaꞌgenan nga uyun kat kamatuudan.

Judas 1:13

Talagang mga taw ngaytu, buwal sira nga subung it langeb in mabakat i dagat. Siging pamkas ya, sigi nagang dagsaꞌ it buraꞌ-buraꞌ baw dikut. Atkayan naga sira, ka kaꞌeyaꞌan i liꞌwan it maraꞌway nga pamagbuwaten nira. Subung baꞌ sira talaga it bituꞌun nga nakalꞌag. Pagꞌaꞌargan sirat Ampuꞌang Diyus it rugar nga egay kaskedang kadleman.

Judas 1:6

Dedemdemen mi gasiꞌ i iyan mga anghil nga daꞌsira naneꞌteꞌ kat ipiyabetang-betang it Ampuꞌang Diyus it kanira nga katengdanan. Daꞌga basaꞌan timnanan sira duꞌun it pagtataꞌidan nira nga sadili? Aypaꞌ ka ipiyabayuk sirat Ampuꞌang Diyus it kadina seked it kaꞌnu-kaꞌnu. Baw pinirisu ya sira duꞌun it kadleman seked it betanganan na sirat ukuman, pagꞌabut it ega basta-basta ngaytung aldaw nga ipangukuman.

Mga Ipiyalteg 21:24

Eyagan i muꞌsang katataawan situt banwa it eyag ngaytu nga garing duꞌun it siyudad. Muꞌsang mga adiꞌ situt sinirungat langit, tabanen niray ipagkabantug it kanira duꞌun it siyudad ngaytu, ka ikabantug na it Ampuꞌang Diyus.