Juan 7:45 - Tagbanwa

⁴⁵ Namagꞌuliꞌ na i mga tiyaꞌeg ngayting mga guwardiya it Templo duꞌun it namagtaꞌeg ngaytit kanira nga mga pagbayaꞌen it mga sasirduti baw mga Pariseo. Pagꞌabut nira, inaat sirat namagtaꞌeg ngaytit kanira, “Ta ari nay itiyaꞌeg namen ngayat imyu? Unuka egay magbabayaꞌ nga kanya?”

Juan 7:45 Iomraidhean Croise

Mateo 26:58

Piyarurumbayaꞌan naga ni Pedro si Jesus seked duꞌun nat balay ngaytit Piyakamataꞌas nga Sasirduti. Siminled kanya duꞌun it pagkakaliputputan nga kamaꞌyagan. Nagpakiꞌadung na kanya duꞌun it mga guwardiya, ka isaꞌun mamuyaan ya naga i mabetangan ni Jesus.

Juan 11:46

Temed iyan beken, naꞌaduꞌun nga lagi it mga Pariseo ka nanugid it binwat ni Jesus ngayti.

Juan 11:47

Aypaꞌ tiningped it mga pagbayaꞌen it sasirduti baw mga Pariseo i mga kaꞌibaan nira nga manigꞌukuman, mga kaꞌuyutan it Sanedrin. Pagkatingped nira, maat nira, “Unuytuy magayen nga buwaten tami, it dakel nang tandaꞌanan nga mga kalililuꞌang bagay i pagbuwaten it itung taw?

Juan 7:32

Naringid-ringidan it mga Pariseo i pamagrundingen it mga katataawan ngayti pasar it ki Jesus. Aypaꞌ binwat it mga Pariseo ngayti baw mga pagbayaꞌen it mga sasirduti, piyapaꞌaduꞌunan nira it mga taawan nira nga guwardiya it Templo ka dakpen si Jesus ngayti.

Juan 9:22

Atkayti i pangampang it mga giyaringan ya ngayti ka magꞌiꞌlam sirat mga pagbayaꞌen ngaytit mga Judio, sabap may piyagꞌunyunan it mga Judio ngayti nga in siyu-siyuy liꞌwanan it si Jesus na ngayti i Cristo nga Manriribring Adiꞌ ngayang isiyanggup, awaꞌen na duꞌut papagsambaan nira. Ega na uyut it pagkaJudio.