Juan 7:39 - Tagbanwa

³⁹ Pagpapuntuꞌan it ampang ya ngayti, Espiritu Santo nga pasarum duꞌut kumpur mamayaꞌ baw sumarig nat kanya. Lamang iti nga timpu, ega paꞌ magsasarum kat bilug it mga taw. Ega paꞌ tiyaꞌeg kanyat pasarum ka ega paꞌ nakaꞌuliꞌ si Jesus duꞌut langit nga tumanggap it kabantugan nga areg it Amaꞌ ya.

Juan 7:39 Iomraidhean Croise

Joel 2:28

“Mabut i aldaw,” maat it AMPUꞌANG DIYUS, “nga ildawan ku nay muꞌsang taw, nga masaruman na sira it Espiritu Santo ku. Bawnga kat panakem yat kanira, mampang i mga anak mi, babay, lalaki, it ipagpaꞌrut ku it katataawan. May ipanakem kut magugurang mi nga tagaynepen nirat magꞌigaꞌ. Baw iyan mangaꞌwaꞌen mi, may ipanakem kut kanira nga, lamang magsusulag, subung it pagtagaynepen nira.

Mateo 16:14

Katubag i mga alagad ya ngayti, maat nira, “Maat i beken, si Juan ka ngayting magpamawtis. Ta kat beken, si Prupitaꞌ Elias ka kunuꞌ. May magꞌaat paꞌ nga si Prupitaꞌ Jeremias ka u esa ka kat mga prupitaꞌ ngayting beken it tagnaꞌ nga nagꞌegen it paꞌuliꞌ.”

Mateo 21:11

Tumubag i kadakel ngayti nga mamagbayaꞌ it ki Jesus, “Bilaꞌ, si Jesus ngayan bang prupitaꞌ nga taga Nazaret nga sakep it Galilea.”

Lucas 24:49

Baw talagang taꞌgen ku nga paꞌasitu i Espiritu Santo nga isiyanggup it Amaꞌ ku. Temed iyan elaten mi kanya situt Jerusalem. Ayaw kamut liꞌid situ mintras ega paꞌ piyasaruman kamu, nga natanggap mi nay ega basta-bastang kakayaan nga gumaring duꞌun it Ampuꞌang Diyus nga duꞌut langit.”

Lucas 3:16

Pagkamuya ni Juan kayti, maat ya it mga taw ngayti, “Pagbawtisen ku kamu situt danum. Temed yay matuud, iyan mabut nga magsusunud it aken, kanya nga ibawtis it imyu, Espiritu Santo baw apuy. Talagang landaw paꞌ kanya it aken. Kamatuudan, maski muꞌbad it seget it talumpaꞌ ya, ega mapakay nga mabwat ku, ka subrang banar i kataꞌasan ya.

Lucas 7:16

Pagkamuya it mga taw ngayti, inabut sirat iꞌlam baw biyantug nira i Ampuꞌang Diyus. “Miyabut situt aten i esang bantug nga prupitaꞌ. Talagang kita nga mga taawan it Ampuꞌang Diyus, inildawan ya na nga banar!”

Juan 1:21

“Ta in atkayan,” maat nira, “siyu ka ga? Unu, ega Prupitaꞌ ka nga si Elias?” “Bilaꞌ ega,” maat ni Juan ngayti. “Tay unu, ega Prupitaꞌ ka ngayan nga paꞌaaten?” “Bilaꞌ ega. Daꞌkuy aken mangambuꞌ.”

Juan 1:25

iningkut nira siꞌ si Juan ngayti, “Ta unuka magpamawtis ka it ega naga palan Cristo ka, nga Manriribring Adiꞌ ngayang isiyanggup it Ampuꞌang Diyus, daꞌka naga gasiꞌ si Elias baw daꞌka naga Prupitaꞌ ngayan nga paꞌaaten?”

Juan 1:33

Ega naꞌrutan ku nga kanya na. Temed Ampuꞌang Diyus nga timnaꞌeg it aken nga magbawtis it danum, kanya nagay nagꞌaat it aken, ‘Maltegan muy Espiritu Santo nga magpapasalu asan it esang taw baw pasarum nayan asat kanya. Ta, yanayan, yang taw i mamawtis nga Espiritu Santo i ipamawtis ya.’

Juan 12:16

Egaytu nasepsepan nga lagi it mga alagad ngayti ni Jesus nga pagtuman it magsusurat ngayti i itiꞌen. Temed pagꞌegen ni Jesus it paꞌuliꞌ, yapay kasepsep nirat iti nga magbebtang duꞌut kasuratan, nga palan egay beken nga pagpaꞌiguꞌan, kanya na ngayti, baw nagꞌabut nga muꞌsa it kanya.

Juan 12:23

Katubag si Jesus, nga maat ya, “Naꞌbut nay timpu nga makapaliꞌwan nay kabantugan it Taga Langit nga Ipiyanganak it Taw.

Juan 14:13

Baw in unuy angutun mi kat keseg it pakilagpit mit aken, talagang buwaten ku yan, isaꞌun maltegan i kabantugan it Amaꞌ kat buwaten ku nga Anak ya.

Juan 14:26

Temed iyan Manigtabang ngayting Espiritu Santo nga taꞌgen it Amaꞌ nga bilang gumanti it aken, kanya nay paꞌyag it imyu it muꞌsang mga bagay baw pademdem it imyu it muꞌsang inaat ku.

Juan 16:14

Ipalteg yay kadakulat kabantugan ku, ka purus garing situt aken i muꞌsang sugiden yat imyu, nga mga ampang baw buwat kuy ipaꞌyag ya.

Juan 16:7

Temed matuud nagaytu i ipagsugid kut imyu, nga pagliꞌid ku ngaytu, ikagayen mi naga, sabap ega paꞌasitut imyu i Manigtabang in ega limꞌid aku. Temed in magliꞌid aku, taꞌgen ku kanya nga paꞌasitut imyu.

Juan 17:1

Pagkatupus it iting pagꞌampangen ni Jesus, timningaraꞌ kanya duꞌut langit bawnga nanalangin. Maat ya, “Amaꞌ, naꞌbut nay timpu. Buwaten mu nga maltegan i kabantugan it Anak mu, isaꞌun kat buwaten ku nga Anak mu, ipalteg ku i kadakulat kabantugan mu.

Juan 17:5

Aypaꞌ kayti, Amaꞌ, in asan aku sit imu, ibgay mu sit aken i kabantugan nga aken nang lagi, iyan asan aku paꞌ ngayat imu, parabir giyuna i banwa ngaytu.”

Juan 20:22

Pagkaꞌampang ya kayti, inyepan ya sira baw maat ya, “Mapakay na nga matanggap mi nay pasarum kat bilug mi nga Espiritu Santo.

Juan 6:14

Pagkalteg it kadakel it tandaꞌanan ngayting kalililuꞌan nga binwat ni Jesus, maamaatan sira, “Siguru itu nay Prupitaꞌ ngayan nga mabut situt banwa.”

Juan 7:12

Dakel-dakel na nga runding it mga taw pasar it kanya duꞌut mga linge-lingeb. May pirang magꞌaat nga “Bilaꞌ, magayen kanya nga taw.” Temed iyan beken, magꞌaat nga, “Bilaꞌ, ega bayan! Pagbuwaten ya ngayan, pagteꞌag-teꞌagen yay kadakel.”

Juan 8:54

Tumubag siꞌ si Jesus, maat ya, “In sadili ku i pagbantugun ku, talagang egay kapulusan kayan. Temed iyan Amaꞌ ku, kanya naga nga pagꞌaaten mi nga Ampuꞌang Diyus mi, kanya bay magpabantug it aken.

Mga Binwat 19:2

Iningkut ya sira, “Unu,” maat ya, “pagpamayaꞌ mi, piyasaruman kamu nat Espiritu Santo?” Maat i tubag nira, “Daꞌgay masugid namen. Yapay kagneg namet paꞌaaten ngayang Espiritu Santo.”

Mga Binwat 2:17

‘Maat it Ampuꞌang Diyus, “Kat pangiyaꞌpusang timpu, parabir mabut i umur it banwa, ildawan ku nay muꞌsang taw, nga masaruman na sira it Espiritu Santo ku. Bawnga kat panakem yat kanira, mampang i mga anak mi, babay, lalaki, it ipagpaꞌrut kut katataawan. May ipanakem kut mangaꞌwaꞌen mi nga lamang magsusulag, subuk pagtagaynepen nira. Baw iyan magugurang mi, may ipanakem kut kanira nga tagaynepen nirat magꞌigaꞌ.

Mga Binwat 2:33

Kayti, binggayan na si Jesus it ega basta-bastang kataꞌasan duꞌun nat iwanang ayun it Diyus Amaꞌ. Baw tiyanggap na ni Jesus i isiyanggup it Diyus Amaꞌ nga pasaruman i bilug namen it Espiritu Santo. Ta, mga itu nga magkaltegan baw magkagnegan mi na ngaytu kayti, sabap tu it piyapasaruman kami ni Jesus it Espiritu Santo.

Mga Binwat 2:38

Tiyubag sira ni Pedro, nga magꞌaat, “Ta, kaꞌilangan, magsinguliꞌ kamu it mga kasalaꞌan mi, baw pabawtis nga magpamatuud it pakilagpit kamu nat ki Jesu-Cristo. Buwaten mi tu isaꞌun mapasinsiya i mga kasalaꞌan mi baw begayan kamu nga pasaruman it Espiritu Santo.

Mga Binwat 2:4

Piyasaruman na sirang muꞌsa it Espiritu Santo, baw kat panakem it Espiritu Santo ngayti, nagpapuꞌun sirat mampang it belag-belag nga mga ampang nga ega naꞌadalan nira.

Mga Binwat 3:13

Yay matuud, gunaytu it Ampuꞌang Diyus it mga kiyaꞌapuꞌ-apuꞌan ta nga si Abraham, si Isaac baw si Jacob. Ka Ampuꞌang Diyus ngaytu it mga kagiyaringanan tami, binggayan ya nat ega basta-bastang kabantugan i manigsirbi ya nga si Jesus, kanya naga nga ipiyaꞌalima mi duꞌun it gubirnadur nga si Pilato. Eeꞌ baꞌ, daꞌga basaꞌan maski napikir na ni Pilato ngayti nga ipaliꞌwan ya si Jesus, temed magpanduwa-duwa nay pandaꞌga mi?

Mga Binwat 4:31

Desang natupus i panalangin nira, yimnegyeg i piyagtingpedan nira ngayti. Baw muꞌsa sira, piyakseg nga matuud it Espiritu Santo nga magsasarum duꞌut kanira, nga subrang nagmaꞌiseg i nakem nira kat panuturan it ampang it Ampuꞌang Diyus.

Roma 8:9

Temed kamu, paribasay magsasarum nay Espiritu Santo asat bilug mi, daꞌkamu na pagbebegbegan it mga singkadan mi ngaytung kaꞌiꞌirgan in daꞌga Espiritu Santo na ngaytuy magbebegbeg it imyu. (In beteꞌ ega magsasarum kat bilug it esang taw i isiyanggup ni Cristo nga Espiritu Santo, ireg sugiden talagang ega paꞌ sakep ni Cristo.)

2 Corinto 3:8

daꞌga subraꞌ na nga mamuyaan i kabantugan ya kat baꞌgu ngaytung pakiꞌupakat, nga pagsasaruman nat Espiritu Santo i mga piyakiꞌupakatan ya?

Efeso 4:30

Paꞌalaidan mi na i maski unu nga buwat nga magkasmekan it Espiritu Santo nga ipiyapasarum it Ampuꞌang Diyus kat bilug mi, kanya nga pagpangaranat Santo ka alaid kanya kat muꞌsang kasalaꞌan. Dedemdemen mi nga Espiritu Santo ngaytu i subuk markaꞌ it Ampuꞌang Diyus it imyu nga kariꞌgenan mi it, kamu, maribri kat panriga ya sabap it kasalaꞌan mi in maꞌbut nay ipiyagtirminu nga aldaw.