Juan 7:37 - Tagbanwa

³⁷ Iyan kiyaꞌpusang aldaw nga kamataan it pistaꞌ, timnindeg si Jesus baw nanggaꞌmaran it dadakulaꞌ, nga magꞌaat, “Patpad sinit aken i kumpur pagbaꞌnekan ka minum.

Juan 7:37 Iomraidhean Croise

Isaias 40:2

Ibaritaꞌ mi duꞌun it mga taga Jerusalem i ipagkasagya it nakem nira. Aaten mi nga pagbilwaten ku na sira kat kagipitan nga piyalugtan kut kanira. Napasinsiya nat kanira i mga kasalaꞌan nira sabap it subraꞌ ngaytu nga panriga nga ipiyalabay ku it kanira.

Isaias 40:6

“Manuturan ka,” maat siꞌ it ampang it esang magꞌampang. Katubag aku, “Ay, unuy ituturan ku?” Maat i tubag ya, “Ipaꞌyag mu nga, muꞌsang taw, kabilangan nira, subung it dikut baw, kagayen nira, subung lamang it mga bura-burak it dikut ngaytu.

Isaias 55:1

Magtaꞌwag i AMPUꞌANG DIYUS, “Daliꞌ mi na! Wayni i danum, in siyu-siyuy pagbaꞌnekan. Kamu nga egay pangangalang, daliꞌ mi na! Misiꞌ kamu it pagꞌimnun nga letes it ubas baw gatas ngayni. Misiꞌ kamu maski egay ibayad, sabap egaytu kaꞌman bayadan.

Isaias 55:3

Pagneg kamu baw pasakep nat aken. Pagnegan mi aku isaꞌun may kaꞌgenan mi nga ega basta-basta. Ka may ipakiꞌupakat kut imyu, pakiꞌupakat nga egay kaskedan ya. Sabap iꞌildaw ku nat imyu i mga ega basta-bastang kagayenan nga isiyanggup ku it adiꞌ it tagnaꞌ nga si David it ega magkaꞌugad-ugad nga sanggup.”

Isaias 58:1

Maat it AMPUꞌANG DIYUS, “Gumaꞌuy ka it ubsu-ubsun muy gaꞌmaran mu. Sugidan muy mga taawan ku nga mga tungtung-inapuꞌ ni Jacob, nga ipaꞌyag mu it kanira i mga kasalaꞌan nira.

Mateo 11:28

Padangep kamu situt aken, kamung muꞌsa nga nalpuꞌan baw magkakuriꞌan ka subuk mabeꞌgat nga pirisiꞌen i mga ugaliꞌ baw pagliꞌyan mi. Mamayaꞌ baw sumarig it aken ka papaꞌnaen ku kamu.

Mateo 3:3

Si Juan na ngaytu i pagpaꞌiguꞌan it isiyugid it prupitaꞌ nga si Isaias, nga magꞌaat, “May magpanggaꞌmaran duꞌun it rugar nga kapupuyangtan, nga magꞌaat i pagꞌaaten, ‘Buwatan mit dalan i Ampuꞌan. Diritsuun baw gayen-gayenen mi i panawan ya ngaytu.’”

Mateo 5:6

Magkasagya i mga talagang kubwat nga pirmi it kaꞌirgan it Ampuꞌang Diyus, sabap talagang ibgay ya it kanira nga mabwat nira.

Juan 1:23

Pagtubag siꞌ ni Juan ngayti, may siyangpit ya nga isiyugid it esang prupitaꞌ it tagnaꞌ nga si Isaias, nga magꞌaat, “Aku ngaytu, kaꞌalimbawaan ku, esang gaꞌmaran nga magkagnegan duꞌun it rugar nga kapupuyangtan, nga magꞌaat i pagꞌaaten, ‘Gayen-gayenen mi i dalan nga panawan it Ampuꞌan.’”

Juan 14:6

Timnubag si Jesus, maat ya, “Aku na ngaytu i dalan, aku i kamatuudan baw aku gasiꞌ i kaꞌgenan. Egay kapaꞌaduꞌun it Diyus Amaꞌ in daꞌga akuy dalan nga panawan ya.

Juan 4:10

Mampang siꞌ si Jesus, maat yat babay ngayti, “In beteꞌ naꞌrutan mu lamang in magꞌuꞌunuy kadakulat ildaw nga ibgay it Ampuꞌang Diyus, baw in nakilalaan mu na in siyuy magꞌaat ngaytut imu, ‘Paꞌimnun aku,’ ikaw nay mangut situt aken isaꞌun mabgayan ka it egen nga danum nga magkabgay it kaꞌgenan.”

Juan 4:11

Pagkagneg it babay ngayti, maat ya, “Agalen, ararem bay tabud ngaytu, baw subuk egay sasaklut mu. Ta ariyen yan i mapisiꞌan mut egen ngayan nga danum?

Juan 4:14

Temed iyan minum it danum ngayan nga ibgay ku, ega na kumuꞌinum pat sumaꞌup, ka subung naytut esang tumbud duꞌun it seled ya, nga magbegay it kaꞌgenan nga egay kaskedan.”

Juan 5:40

Temed ta, it ega naga ireg mi nga sumunud it aken isaꞌun mabgayan ku kamu it kaꞌgenan nga egay kaskedan.

Juan 6:35

“Aku i paꞌaateng pangaꞌen ngayan nga magkabgay it kaꞌgenan,” maat ni Jesus. “Iyan pasakep it aken, ega na maat getmanan paꞌ, baw iyan nga mamayaꞌ nat aken, seked kaꞌnu-kaꞌnu ega na kumuꞌinum.

Juan 6:37

Pasakep it aken i kumpur ipagbegay it Amaꞌ it aken. Talagang egay imugawun ku nga maski siyu nga magpasakep it aken.

Juan 6:55

Sabap iyan isi ku, pangaꞌen nga matuud, baw iyan duguꞌ ku, pagꞌimnun nga matuud.

Juan 7:28

Ta it atkayti, nanggaꞌmaran na si Jesus ngayti, nga magpanulduꞌ duꞌun it Templo. Maat ya, “Unu baꞌ, magkakilalaan mi aku? Unu, magkaꞌrutan mi in ari talagay giyaringan ku? Yay matuud, egaytu naꞌasitu aku it sadi-sadili ku na lamang, in daꞌga may timnaꞌeg it aken. Purus kamatuudan i kanya ngaytu temed ta, ega magkakilalaan mi kanya.

1 Corinto 10:21

Ka talagang ega mapakay nga paꞌuyut kamu it pagꞌimnun baw pagkaꞌnen nga pagdemdem it ega basta-bastang kamataynen it Ampuꞌan, baw pakiragiꞌ gasiꞌ it pagkaraꞌnen nga ipagsamba nirat mga taraꞌgen ni Satanas.

1 Corinto 10:4

Atkayan naga i maꞌinum nira. Subung nagat kaꞌsa ngayti nga piyabugasꞌas i danum duꞌun it batu nga duꞌut Horeb. Batu ngayti, ladawan ni Cristo ngaytu nga bilang keseg nira nga magꞌiba-iba baw magtatarima nga pirmi it kanira.

1 Corinto 11:25

Pagkatupus it kaꞌen nira singkel ya i iꞌimnan. Maat ya, “Rugud it iꞌimnan ngaytu, keseg it baꞌgung pakiꞌupakat it Ampuꞌang Diyus kat katataawan nga egay beken nga keseg ngaytu in daꞌga sadili ku nga duguꞌ nga ipaturuꞌ ku. Kada imnun mi tu, buwaten mi nga pirmi nga atkaytu nga pagdemdem mi gasit aken.”

1 Corinto 12:13

Sabap kita nga muꞌsa, Judio u daꞌga, uripen u ega uripen, esa-esa talaga i Espiritu Santo nga subuk ibiyawtis it aten isaꞌun magbaraꞌ tami nga subuk esa-esa lamang nga bilug. Ka talagang esa-esa na ngaytung Espiritu Santo it Ampuꞌang Diyus i ipiyapasarum situt aten nga muꞌsa.

Efeso 5:18

Raꞌwayen mi nay adat nga palangu, ka iyan i magtaban it imyu kat pangaꞌgenang ega nay kaꞌayusan. Kaꞌilangan ega na irimnun i magbebegbeg baw magpanakem it imyu, in daꞌga Espiritu Santo na.

Mga Ipiyalteg 21:6

Baw maat pay beken nga inaat yat aken, “Kayti natuman naytung muꞌsa. Ka akuy uꞌna it muꞌsa baw aku naga i kat sinauryan. Aku i gimnuna it muꞌsa baw kat pudir ku i kaꞌbusan ya. In siyu nga pagbaꞌnekan, siguradu nga begayan ku kanyat danum nga egay bayad nga garing duꞌun it tumbud nga magbegay it kaꞌgenan.

Mga Ipiyalteg 22:1

Ipiyalteg gasit aken it anghil i magburus nga danum nga magbegay it kaꞌgenan. Talagang maliꞌgaw nga maliꞌgaw subung nat pirmirang salamin. Magtumbud ti duꞌun it araꞌdungan it Ampuꞌang Diyus baw paꞌaaten ngaytung Uꞌuybun it Tupa kat pagkaꞌadiꞌ nira.

Mga Ipiyalteg 22:17

Pagꞌaaten it Espiritu Santo baw mga taawan it Ampuꞌang Diyus, sira nga subuk asawaen it paꞌaateng Uꞌuybun It Tupa, “Daliꞌ na!” Baw muꞌsa nga makagneg it itung mga bagay, kaꞌilangan maat gasiꞌ sira nga, “Daliꞌ na!” Melep sini i siyu-siyu nga pagbaꞌnekan. Misiꞌ lamang i iyan magꞌireg it danum ngaytu nga magbegay it kaꞌgenan. Egaytu kaꞌman bayadan.