Juan 7:36 - Tagbanwa

³⁶ Unu yan i ireg sugiden it iyan ngayang sugi-sugid ya nga maat, ‘Tegelen mi yan akut tulus, temed ega nayan maparagan mi aku, ka daꞌkamu kaꞌaduꞌun it uliꞌan ku ngayti’?”

Juan 7:36 Iomraidhean Croise

Juan 12:34

Katubag i mga taw ngayti, maat nira, “Naꞌrutan namen i inaat duꞌun it kasuratan nga ampang it Ampuꞌang Diyus, nga Cristo ngayang isiyanggup, maneꞌteꞌ kanya it egay kaskedan. Ta unuka inaat mu nga ipadibwat duꞌun it krus i kanya nga Taga Langit nga Ipiyanganak it Taw? Unu bayan nga kalasing taw i paꞌaaten ngayan nga Taga Langit nga Ipiyanganak it Taw?”

Juan 13:33

Mga pagmaꞌalen nga bilang mga anak ku, dekeyeꞌ mana nga timpu nga iba mi paꞌ aku. Tegelen mi akut tulus temed, subung it ipiyagꞌaat kut mga kabilug mi nagang mga Judio i iꞌaat kut imyu kayti, nga daꞌkamu makaꞌaduꞌun it aduꞌunan ku.

Juan 3:4

Iningkut ni Nicodemo, “Magꞌuꞌunu ipanganak it sumaꞌup i esang taw nga gurang na? Unu, makasled paꞌ it sumaꞌup duꞌun it panganganakan it inaꞌ ya bawnga ipanganak siꞌ?”

Juan 3:9

Iningkut siꞌ ni Nicodemo, maat ya, “Tabing galang it imu, magꞌuꞌunu mabwat i atkayan?”

Juan 6:41

Pagkagneg it mga Judio kayti, remeteng-retengan sira sabap it iti nga inaat ni Jesus ngayti nga magꞌaat, “Aku i pangaꞌen nga limnampud nga garing duꞌut langit.”

Juan 6:52

Sabap siꞌ it iti nga inampang ni Jesus nagdaꞌe-daꞌegen siꞌ i mga Judio, ka maamaatan sira, “Magꞌuꞌunu ibgay it itung taw i bilug ya nga kaꞌnen tami?”

Juan 6:60

Pagkagneg it mga pagtulduꞌan ngayti ni Jesus, dakel na sirang miyaat, “Mabeꞌgat naytu nga mga sugi-sugid i ituꞌun. Siyuy makatangeꞌ kaytu?”

Juan 7:34

Tegelen mi yan aku it tulus, temed ega nayan maparagan mi aku, ka ega yan kaꞌaduꞌun kamu it uliꞌan ku ngayti.”

Juan 8:21

Saꞌup siꞌ nga inaat ni Jesus it mga katataawan, “Talagang limꞌid aku. Tulusun mi yan aku it temegel, temed matay kamu lamang it ega napasinsiya i kasalaꞌan mi. Daꞌkamu talaga kaꞌaduꞌun it aduꞌunan ku.”

1 Corinto 2:14

Takaꞌ iyan mga taw nga ega paꞌ nabaꞌgu it Espiritu Santo i nakem nira, ega pagtanggapen nira i mga panulduꞌ nga magpanggaring duꞌut Espiritu Santo ngaytu it Ampuꞌang Diyus. Ka pagꞌaaten ga nira nga kaꞌengel-engelan lamang. Talagang ega magkasepsepan nira, sabap, mga bagay ngaytu, masepsepan lamang kat tabang it Espiritu Santo.