Juan 7:30 - Tagbanwa

³⁰ Pagkagneg it mga taw ngayti, pagkudakpen nira si Jesus, temed ega naga nabwat nira, sabap ega paꞌ miyabut i ipiyabetang-betang nga timpu.

Juan 7:30 Iomraidhean Croise

Mateo 12:14

Temed nagliꞌid i mga Pariseo, ka namagrunding sira in magꞌuꞌunu maꞌimatay si Jesus ngayti.

Mateo 21:46

Egay beken, kudakpen na nira si Jesus. Temed magꞌiꞌlam sira it kadakel it mga taw ngayti, sabap pagkilalaen it kadakel ngayti nga prupitaꞌ si Jesus.

Marcos 11:18

Nagnegan tu it mga pagbayaꞌen it sasirduti baw mga manigpaꞌyag it urdin. Garing sikayti, magtulus na sirat ikaꞌimatay nirat ki Jesus, ka magꞌiꞌlam na sirat kanya. Sabap kadakel, talagang magkasaga it panulduꞌ ya.

Lucas 20:19

Egay beken, mga manigpaꞌyag it urdin baw mga pagbayaꞌen it sasirduti, kudakpen nira si Jesus ngayti it iti nga uras, ka nasepsepan nira nga siray pagpaꞌiguꞌan it iti nga pagꞌalimbawaen. Temed magꞌiꞌlam naga sira it kadakel it mga taw ngayti, aypaꞌ daꞌsira naga magkaꞌurum.

Lucas 22:53

It aldaw-aldaw magpanulduꞌ aku duꞌun it Templo, temed ega naga diyakep mi aku duꞌun. Takaꞌ kayti na ngaytu nga delem, piyaꞌintulutan kamu nga makatimpu. Baw piyabayaꞌan na si Satanas nga tabusun yay kubwaten ya nga karaꞌe-raꞌetan.”

Juan 10:31

Pagkagneg it mga Judio ngayti, nagsigkuꞌmit siꞌ sirat batu, ka pagkubatuun nira siꞌ kanya.

Juan 10:39

Pagkagneg nira kayti, kudakpen nira siꞌ si Jesus, temed it nagpaꞌalikaꞌsut naga kanya.

Juan 11:57

Sabap ipiyagpaꞌimbanda it mga pagbayaꞌen it mga sasirduti baw mga Pariseo nga in siyu-siyuy magkaꞌrut it in ariyen si Jesus, kaꞌilangan itulduꞌ ya, isaꞌun madakep nira kanya.

Juan 7:19

Daꞌga baꞌ si Moises i nagbegay it imyu it mga urdin? Temed maski siyu it imyu, ega talagay kamatuudan nga pagsunud it mga urdin ngayti. In talagang kamatuudan i pagsunud mi, unuka kuꞌimatayen mi aku?”

Juan 7:32

Naringid-ringidan it mga Pariseo i pamagrundingen it mga katataawan ngayti pasar it ki Jesus. Aypaꞌ binwat it mga Pariseo ngayti baw mga pagbayaꞌen it mga sasirduti, piyapaꞌaduꞌunan nira it mga taawan nira nga guwardiya it Templo ka dakpen si Jesus ngayti.

Juan 7:6

Maat i tubag ni Jesus it kanira, “Ega paꞌ kayti i ibinggay it aken nga iꞌaduꞌun. Iyan imyu, maski unu nga timpu mapakay nga paꞌaduꞌun kamu.

Juan 7:8

Muꞌna kamu nay pakipistaꞌ. Aken, ega na daꞌan, ka subung nat inaat ku, ega paꞌ kayti i ibinggay it aken nga timpu.”

Juan 8:20

Mga itu ngaytu, inampang ni Jesus iyan magpanulduꞌ kanya duꞌun it esang bagiꞌ it Templo nga duꞌun manggid it adeꞌdeng it mga berebtangan it bilang ipagbegay it mga taw duꞌun it Ampuꞌang Diyus. Temed ega naga diyakep kanya it maski siyu, ka ega paꞌ naꞌbut i ipiyabetang-betang nga timpu.

Juan 8:37

Talagang urut ku nga mga tungtung-inapuꞌ kamu naga ni Abraham. Temed paribasay lamwat kamu, nga ega pagꞌintindiyen mi i mga ipagpanulduꞌ ku ngaytu, pagpaꞌresan mi aku nga maꞌimatay.

Juan 8:59

Pagkagneg nira kayti, nagsigkuꞌmit nay mga Judio ngaytit batu ka batuun na kanya. Temed nagpalingeb-palingeb na si Jesus duꞌut katataawan ka nanliꞌwan na duꞌun it Templo ngayti.

Juan 9:4

Kaꞌilangan kita, buwaten tami i mga ipagpabwat it Ampuꞌang Diyus, kanya nga nagtaꞌeg ngaytit aken it paꞌasitu. Kaꞌilangan buwaten tami mintras egen tami paꞌ ka yay subuk aldawun. Sabap in patay na, ega nay rugar nga muwat, kabilangan ya delemen na. Ta, siyu pay makabwat? Daꞌga ega na?