Juan 7:26 - Tagbanwa

²⁶ Kayti, waytu na, magpanulduꞌ na kanya kat kadadaklan, temed ega nagay pagꞌampangen nira nga kuntraꞌ it kanya. Barang magkakilalaan nat mga pagbayaꞌen tami nga kanya nay paꞌaaten ngayang Cristo nga isiyanggup it Ampuꞌang Diyus.

Juan 7:26 Iomraidhean Croise

Mateo 22:16

Binwat nira, may piyapaꞌaduꞌun nira nga mga manigsunud nira, sang siraan it beken nga kakampiꞌ ni Herodes. Pagꞌabut, maat nira, “Manigtulduꞌ, magkaꞌrutan namen nga purus matuud i imu, baw kamatuudan talagay ipagpanulduꞌ mu nga kaꞌirgan it Ampuꞌang Diyus. Kamatuudan, mataꞌas u raꞌyat nga taw, surubung i panulduꞌ mu.

Lucas 23:13

Tiningped ni Pilato i mga pagbayaꞌen it sasirduti, mga mataꞌas nga ginuꞌu baw kadakel it mga taw.

Lucas 7:30

Temed kadaklan it mga Pariseo baw manigpaꞌyag it urdin, diyaꞌga nira i pabetang-betang it Ampuꞌang Diyus sabap it kanira, nga daꞌsira nagpabawtis it ki Juan.

Juan 12:42

Takaꞌ maski atkayti na, maski mga pagbayaꞌen it mga Judio, dakel na nga namayaꞌ it ki Jesus ngayti. Temed pataguꞌ-taguꞌ lamang i pamayaꞌ nira, ega pagꞌaminen nira, ka magpaꞌelak sirat mga Pariseo, ka barang awaꞌen sira duꞌun it papagsambaan, nga ega na uyut it pagkaJudio.

Juan 18:20

Katubag si Jesus, maat ya, “Muꞌsang ipagpanulduꞌ ku, purus kat muyagan. Pirmi akung magpanulduꞌ duꞌun it mga papagtingpedan it mga Judio, nga duꞌun it mga papagsambaan, pati duꞌun it Templo. Egay inampang ku kat malingeb.

Juan 3:1

May esang pagbayaꞌen it mga Judio, ngaran ya si Nicodemo. Uyut kanyat mga pagtaꞌwageng Pariseo.

Juan 4:29

“Daliꞌ mi na! Mayaꞌ kamut aken! May taw baꞌ duꞌun nga nakasugid yay kumpur nabwat ku. Barang yanayti i Cristo ngayang isiyanggup.”

Juan 7:25

Iyan magpanulduꞌ na ngayti si Jesus, maamaatan nay beken nga taga Jerusalem, maat nira, “Daꞌga baꞌ itu nay taw ngayan nga kuꞌimatayen nira?

Juan 7:31

Temed dakel naga sira nga magpakimatuud it kanya. Maamaatan sira, “Unu sadaw, in paꞌasitu na ngayan i Cristo ngayang paꞌaaten, makabwat kanya it mga tandaꞌanan nga kalililuꞌang bagay nga subraꞌ paꞌ it magkabwat it itung taw?”

Juan 7:48

“Kami ngaytu nga mga pagbayaꞌen baw mga Pariseo, siyuy namuyaan mit amen nga may pamayaꞌ it kanya? Daꞌga ega?

Juan 9:22

Atkayti i pangampang it mga giyaringan ya ngayti ka magꞌiꞌlam sirat mga pagbayaꞌen ngaytit mga Judio, sabap may piyagꞌunyunan it mga Judio ngayti nga in siyu-siyuy liꞌwanan it si Jesus na ngayti i Cristo nga Manriribring Adiꞌ ngayang isiyanggup, awaꞌen na duꞌut papagsambaan nira. Ega na uyut it pagkaJudio.

Mga Binwat 4:13

Iyan namuyaan it mga pagbayaꞌen ngaytit mga Judio nga ega magꞌengke-engkeꞌ i ampang na Pedro, duwa ni Juan, namagkaliluꞌ sira, beken it naꞌrutan nira nga, duwa ngayti, ega nakapagꞌadal, timawaꞌ paꞌ. Baw nakilalaan nira naga nga, duwa ngayti, kaꞌiba-iba ni Jesus.

Filipos 1:14

Baw subung naga i kadaklan it mga sulsug ta kat pamayaꞌ sini. Aypaꞌ, kayti, subrang nagmapaꞌgen i pamayaꞌ baw pagsarig nira it Ampuꞌan. Ega lamang desang nagmapaꞌgen, in daꞌga nagmaꞌiseg pay nakem nira nga ipangadal i ampang it Ampuꞌang Diyus it egay pagꞌiꞌlaman nira.