Juan 7:22 - Tagbanwa

²² “Ibinggay ni Moises it imyu i urdin nga pasar it pagturiꞌ. (Egaytu maat garing it ki Moises. Garing nagaytut mga kagiyaringanan mi paꞌ.) Bawnga pagbuwaten mi it maski Aldaw it Kapaꞌnaan.

Juan 7:22 Iomraidhean Croise

Genesis 21:4

Pagꞌikawalu nga aldaw, tiyuriꞌan ni Abraham i anak ya ngayti, uyun kat ipiyagꞌurdin ngaytit Ampuꞌang Diyus it kanya.

Mga Binwat 7:8

Bawnga pasar it pakiꞌupakat it Ampuꞌang Diyus duꞌun it ki Abraham, ipiyagꞌurdin it Ampuꞌang Diyus nga, magtungtung-magꞌinapuꞌ, turiꞌan nira i kada lalaki duꞌun it kanira nga imandaꞌan it sakep naga sira it pakiꞌupakat ya ngayti. Aypaꞌ, pagpanganak nirat ki Isaac, pagꞌikawalung aldaw, tiyuriꞌan na kanya. Ta, si Isaac ngayti i amaꞌ ni Jacob, baw si Jacob i amaꞌ it sang puluꞌ baw duwang kalalakiyan nga sira na ngaytu i piyanggaring-garingan it mga kuyunan tami nga mga Judio.

Galacia 3:17

Ituytu i ipagpasepsep kut imyu. Garing it timpu it pakiꞌupakat it Ampuꞌang Diyus it ki Abraham, nga duꞌun ipiyagꞌunay yay sanggup yat kanya, may epat nga gatus baw tulung puluꞌ nga taꞌun bawnga ipiyaskel it Ampuꞌang Diyus it ki Moises i mga urdin ya. Ta it naꞌlay nang ipiyagꞌunay it Ampuꞌang Diyus, daꞌga maꞌyag nga ega naparaw it urdin i upakat baw sanggup ngayti?