Juan 7:20 - Tagbanwa

²⁰ Maat it kadakel ngayti, “Pagsasaruman ka baytut maraꞌe-raꞌet! In daꞌga pagsasaruman ka, siyuy kuꞌimatay it imu?”

Juan 7:20 Iomraidhean Croise

Mateo 10:25

Ta, it aku nga Ampuꞌan mi, pagtaꞌwagen nira nga si Beelzebub, nga pagbayaꞌen it mga mararaꞌe-raꞌet, ta simpri kamu nga mga taawan ku, magꞌuꞌunu paꞌ ipabetang nira it magayen? Talagang regda-regdaen nira nayan kamu.

Mateo 12:24

Nadenge-dengegan it mga Pariseo i pamagrundingen it mga katataawan ngayti. Aypaꞌ ka maat nira, “Bilaꞌ, unu bay imyut, magkaꞌimugaw bayan it maraꞌe-raꞌet ka may asat kanya nga kakayaan ni Beelzebub nga pagbayaꞌen it muꞌsang mararaꞌe-raꞌet!”

Mateo 9:34

“Aaꞌ,” maat it mga Pariseo, “iyan bay minggay it kanya it kakayaan ngayan nga magkaꞌimugaw it maraꞌe-raꞌet, pagbayaꞌen naga ngayan bayan it maraꞌe-raꞌet.”

Marcos 3:30

Miyampang si Jesus it atkayti sabap pagꞌaaten it beken nga pagpapulpugun kanya it maraꞌe-raꞌet. Ta it atkayti, ipagpabetang nira nga maraꞌe-raꞌet i Espiritu Santo nga magsasarum duꞌun it ki Jesus.

Juan 10:20

Dakel it kanira i magꞌaat, “Talagang pagpapulpugun kanyang matuud it maraꞌe-raꞌet. Unuka pasibangayan mi yat pagneg i magpulpug ngayan?”

Juan 8:48

Inaat siꞌ si Jesus it mga Judio ngayti, “Daꞌga baꞌ matuud i pagꞌaaten namen nga Samaritano ka, baw pagpapulpugun ka it maraꞌe-raꞌet?”

Juan 8:49

“Daꞌku baytu pagpapulpugun it maraꞌe-raꞌet,” maat ni Jesus ngayti. “Paggalangen ku talagay Amaꞌ ku, temed kamu, egay galang mit aken.

Juan 8:52

Inaat siꞌ kanya it mga Judio ngayti, “Daꞌga baꞌ maꞌyag na nga magpulpug ka! Ka naꞌlay nang natay si Abraham baw mga prupitaꞌ. Ta unuka magkaꞌaat mu nga ega matay it seked kaꞌnu-kaꞌnu i in siyu-siyu nga magpangaꞌgenan uyun kat mga ipagtulduꞌ mu?

Mga Binwat 26:24

Ta, ega paꞌ natupus ni Pablo i pangataldengan ya ngayti, miyampang si Festo it dadakulaꞌ. Maat ya, “Magpulpug ka na, Pablo! Yanay ipagpulpug mu, kadakulat napagꞌadalan mu.”