Juan 7:19 - Tagbanwa

¹⁹ Daꞌga baꞌ si Moises i nagbegay it imyu it mga urdin? Temed maski siyu it imyu, ega talagay kamatuudan nga pagsunud it mga urdin ngayti. In talagang kamatuudan i pagsunud mi, unuka kuꞌimatayen mi aku?”

Juan 7:19 Iomraidhean Croise

Mateo 12:14

Temed nagliꞌid i mga Pariseo, ka namagrunding sira in magꞌuꞌunu maꞌimatay si Jesus ngayti.

Mateo 21:38

Arit pagkalteg it mga siyanaꞌan ya ngayti it anak ya na i miyabut, maamaatan sira, ‘Bilaꞌ, wayan nay manunubliyen ngayan! Sigi! Imatayen tami, isaꞌun maꞌaten nay ubasan ngaytu nga subliyen ya.’

Marcos 11:18

Nagnegan tu it mga pagbayaꞌen it sasirduti baw mga manigpaꞌyag it urdin. Garing sikayti, magtulus na sirat ikaꞌimatay nirat ki Jesus, ka magꞌiꞌlam na sirat kanya. Sabap kadakel, talagang magkasaga it panulduꞌ ya.

Marcos 3:4

Bawnga iningkut yay mga taw ngayti, maat ya, “Ari manggid i uyun kat urdin, muwat it magayen u muwat it maraꞌe-raꞌet in Aldaw it Kapaꞌnaan? Unu, rimibri it ginawa u mimatay?” Temed daꞌgay timnubag it kanya nga mga taw ngayti.

Marcos 3:6

Namagliꞌwan nga lagi i mga Pariseo, nangupakat sira it mga kakampiꞌ ni Herodes. Namagrunding sira in magꞌuꞌunu maꞌimatay si Jesus ngayti.

Juan 1:17

Sabap ibinggay it Ampuꞌang Diyus i mga urdin ya duꞌut ki Moises nga ipiyagꞌurdin yat aten, temed iyan ildaw ya baw kamatuudan pasar it sadili ya, ipiyatantu yat aten duꞌun it ki Jesu-Cristo.

Juan 10:39

Pagkagneg nira kayti, kudakpen nira siꞌ si Jesus, temed it nagpaꞌalikaꞌsut naga kanya.

Juan 11:53

Garing it iting aldaw, pagtulusun na nira in magꞌuꞌunu nira maꞌimatay si Jesus.

Juan 5:16

Ta paribasay binwat ni Jesus i atkayti kat Aldaw it Kapaꞌnaan, timnalaluꞌ nay kupakuriꞌ it mga pagbayaꞌen it mga Judio it ki Jesus ngayti.

Juan 5:18

Pagkagneg it mga Judio ngayti, miyereꞌeret nay iseg nira. Kuꞌimatayen nira nang banar si Jesus, sabap ega lamang riyanggaꞌ yay urdin nira pasar it Aldaw it Kapaꞌnaan, in daꞌga pagꞌaaten ya paꞌ nga Amaꞌ yay Ampuꞌang Diyus, intuntis nga magpasbung kanya it Ampuꞌang Diyus.

Juan 5:45

Ega pikiren mi nga akuy dimimanda it imyu duꞌun it Amaꞌ. In daꞌga iyan si Moises, nga mga kasuratan yay pagpanggaringan it pagꞌiꞌinawaren mi, kanya i dimimanda it imyu.

Juan 7:1

Ega naꞌlay napanaw siꞌ na Jesus, nanlekep-lekep it Galilea. Pagtemden yang ega paꞌ paꞌaduꞌun it Judea ka kuꞌimatayen kanyat mga pagbayaꞌen it mga Judio duꞌun.

Juan 7:25

Iyan magpanulduꞌ na ngayti si Jesus, maamaatan nay beken nga taga Jerusalem, maat nira, “Daꞌga baꞌ itu nay taw ngayan nga kuꞌimatayen nira?

Mga Binwat 7:38

Baw iyan namagtingped nay mga kagiyaringanan ta ngayti duꞌun it Bukid it Sinai nga duꞌun it kapupuyangtan nga rugar, si Moises naga ngayti i piyakisugidan it Anghil it Ampuꞌang Diyus. Ipiyaskel it kanya i mga egay kaꞌawaꞌan nga ampang it Ampuꞌang Diyus nga ipagkusugid yat aten.

Galacia 3:19

Ta daꞌga in atkayan, unuka ibinggay pat Ampuꞌang Diyus i mga urdin ya? Unuy kapulusan nira? Ta, itu ngaytu, ipiyaꞌrut ya i mga urdin ya ngaytu isaꞌun maꞌyagan it mga taw i in unu may unu i kasalaꞌan nga pagbuwaten nira kat pangaꞌgenan nira. Pagsasakpan i mga taw it mga urdin ngaytu seked it mabut na i paꞌaaten ngayting kaꞌanakan ni Abraham, nga duꞌut kanyay katumanan it sanggup. Iyan ibinggay it Ampuꞌang Diyus i mga urdin ya, mga anghil baw si Moises i bilang suruꞌan ya.

Galacia 6:13

Temed maski iyan mga magpaturiꞌ, ega naga pagsunudun nirat kamatuudang pagsunud i mga urdin ngayti. Pagregesen nira lamang kamu it paturiꞌ isaꞌun tuꞌgudun sira sabap nakumbinyu nira kamu nga pasakep it kanirang dalan nga pagsunudun.