Juan 7:17 - Tagbanwa

¹⁷ Kumpur magꞌireg sumunud it kaꞌirgan it Ampuꞌang Diyus, matantuwan tu nira in unu, garing talaga duꞌun it Ampuꞌang Diyus i ipagpanulduꞌ ku ngaytu, u in kat sadi-sadili ku na lamang.

Juan 7:17 Iomraidhean Croise

Mateo 6:22

Madungag ku paꞌ nga beken, iyan i bilang tidaw it bilug, mata. In egay dipirinsiya, simpri maꞌyag i muꞌsang panleteg mu.

Lucas 8:15

Baw itu, paꞌaaten ngaytu nga nasaꞌbugan nga magayeng lugtaꞌ, mga taw nga magayen i adat, nga pagpamayaꞌnen nirat kamatuudan i nagnegan nira nga ampang it Ampuꞌang Diyus. Ta it ipagdawaꞌ na duꞌun it ulu, baw pagpaꞌresan it pagsunudun, aypaꞌ ka magbuwaꞌ it magayen i pamayaꞌ nirat kanira.”

Juan 3:21

Temed iyan nga magpangaꞌgenan na kat kataldengan, ega nay pagꞌaliꞌan ya it patpad it tidaw ngaytu, isaꞌun matanyag i buwat ya nga magsunud it kaꞌirgan it Ampuꞌang Diyus.

Juan 8:43

Unuka ega magkasepsepan mi i pagꞌaaten ku? Sabap siguru it ega kutanggapen mi i ipagpangadal ku ngaytu.

Juan 8:44

Munugat si Satanas i amaꞌ mi. In unuy ireg ya, iyan i pagkubwaten mi. Yay matuud, mangingimatay kanyat taw garing paꞌ it tagnaꞌ baw kalaban it kamatuudan, ka ega talaga maparagan duꞌut kanya i kamatuudan ngaytu seked it kaꞌnu-kaꞌnu. In magꞌambut kanya, ta it yan nagay adat ya, sabap talagang maꞌambut kanya baw puꞌun kanyat kaꞌambutan.

Juan 8:47

Iyan kat Ampuꞌang Diyus nga mga taw, talagang magpagneg sira it ampang ya. Temed daꞌkamuy imyu kat Ampuꞌang Diyus. Aypaꞌ ka daꞌkamu magpagneg it ampang ya ngaytu.”

Mga Binwat 17:11

Talagang magagayen i adat it mga taga Berea, nga magayen pat mga taga Tesalonica. Ka masasagya sirang magpagneg it panulduꞌ ngayti na Pablo, baw aldaw-aldaw talagang pagꞌadalan nirat magayen i mga kasuratang ampang it Ampuꞌang Diyus, in unu, matuud i muꞌsa ngayting pagꞌaaten.