Juan 7:16 - Tagbanwa

¹⁶ Tiyubag sira ni Jesus, nga magꞌaat, “Ipagpanulduꞌ ku ngaytu, egaytu sadili ku, in daꞌga garing tu duꞌut kanya nga nagtaꞌeg it aken ita paꞌasitu.

Juan 7:16 Iomraidhean Croise

Juan 14:10

Unu, daꞌka magpamayaꞌ nga aku baw Amaꞌ ku, sang kagina-ginawaan kami? Iyan mga pagꞌampangen ku ngaytu nga ipagꞌaat kut imyu, egaytu pagsadiliyen ku na lamang, in daꞌga iyan Amaꞌ nga kasagpun kut ginawa ku, iyan i magbuwat it mga buwaten ya ngaytu.

Juan 14:24

Iyan egay pagmaꞌal it aken, ega yan sumunud it mga pagꞌaaten ku ngaytu. Mga nagnegan mi ngaytu nga pagꞌampangen ku, egaytu pagbuwat-buwaten ku na lamang. Ampang tu nga matuud it Amaꞌ nga nagtaꞌeg it aken it paꞌasitu.

Juan 17:14

Nakaꞌaat ku nat kanira i mga ampang mu, aypaꞌ ka pagꞌisgan na sirat kadakel nga ega magpamayat aken, sabap ega na magpakiꞌuyun sirat kadakel. Kabilangan nira, subung na sirat aken nga ega taga sinit banwa ngayni.

Juan 17:8

Sabap itiyulduꞌ ku nat kanira i panulduꞌ nga ipiyakarguꞌ mut aken, baw pagpamayaꞌnen talaga nira. Talagang pagsisiguruun na nira nga aku, garing asan it imu, baw pagpamayaꞌnen nira nga ikaw i nagtaꞌeg it aken.

Juan 3:11

Kamatuudan i ipagꞌaat kut imu. Itu ngaytung ipagpamatuud namen it imyu, talagang magkaꞌrutan baw naltegan namen. Temed ta, daꞌga pagpamayaꞌnen mi i pamatuud namen ngaytu.

Juan 3:31

Iyan taga denaꞌ, simpri kat denaꞌ lamang yan, baw mga pagsugiden ya, purus mga bagay nga magkatantuwan ta situt denaꞌ. Temed iyan garing duꞌut langit, iyan i mabantug pat muꞌsa.

Juan 5:30

Talagang ega mapakay nga may pagbuwaten ku nga pagsadiliyen ku lamang. Magꞌukuman aku uyun nga pirmi kat ipagꞌaat nagat aken it Amaꞌ. Aypaꞌ ka magayen i pangukuman ku, ka ega maat sadili ku nga kaꞌirgan i pagsunudun ku, in daꞌga iyan i pagsunudun ku, iyan nga kaꞌirgan it nagtaꞌeg it aken it paꞌasitu.”

Juan 6:44

Ka egay makapasakep it aken magpuyra it panakman kanya it Amaꞌ, nga kanyay nagtaꞌeg it aken. Baw iyan nga pasakep it aken, egnen ku kanyat paꞌuliꞌ asan it umur nat banwa.

Juan 8:28

Aypaꞌ maat siꞌ ni Jesus it kanira, “Basta makapatindeg mi na i krus nga pagraransangan it kanya nga Taga Langit nga Ipiyanganak it Taw, sikayan payan matantuwan mi nga talagang matuud i ipagsugid ku nga in siyu aku. Maꞌrutan mi nga egaytuy pagbuwaten ku nga kat sadili ku na lamang, in daꞌga pagꞌampangen ku, iyan nga ipagtulduꞌ it aken it Amaꞌ ku.

2 Juan 1:9

Iyan ega magpaneꞌteꞌ kat panulduꞌ ni Cristo, ka magpasaꞌli ga, talagang alaid kanya duꞌun it Ampuꞌang Diyus. Takaꞌ in siyu-siyuy magpaneꞌteꞌ kat panulduꞌ ngaytu ni Cristo, talagang pagteꞌteꞌan kanya it Diyus Amaꞌ baw Anak.

Mga Ipiyalteg 1:1

Itung mga magsusurat nga magbebtang situt kasuratan ngaytu, mga bagay nga ipiyaꞌrut it Ampuꞌang Diyus it ki Jesu-Cristo pasar it ipiyabetang-betang nga mabut asat pagdadarapaꞌen, ka ipalteg ya nat mga magsirbi it kanya. Muꞌsa ngaytu ipiyalteg nga matuud ni Jesu-Cristo it ki Juan nga manigsirbi ya, ka may tiyaꞌeg yang anghil ya nga palteg kaytu.