Juan 7:12 - Tagbanwa

¹² Dakel-dakel na nga runding it mga taw pasar it kanya duꞌut mga linge-lingeb. May pirang magꞌaat nga “Bilaꞌ, magayen kanya nga taw.” Temed iyan beken, magꞌaat nga, “Bilaꞌ, ega bayan! Pagbuwaten ya ngayan, pagteꞌag-teꞌagen yay kadakel.”

Juan 7:12 Iomraidhean Croise

Mateo 10:25

Ta, it aku nga Ampuꞌan mi, pagtaꞌwagen nira nga si Beelzebub, nga pagbayaꞌen it mga mararaꞌe-raꞌet, ta simpri kamu nga mga taawan ku, magꞌuꞌunu paꞌ ipabetang nira it magayen? Talagang regda-regdaen nira nayan kamu.

Mateo 21:46

Egay beken, kudakpen na nira si Jesus. Temed magꞌiꞌlam sira it kadakel it mga taw ngayti, sabap pagkilalaen it kadakel ngayti nga prupitaꞌ si Jesus.

Mateo 27:63

Pagꞌabut maat nira, “Tabing galang it imu, palan nademdeman namen nga inaat it magpangambuꞌ ngayan it iyan egen paꞌ, nga egnen naga kanya it paꞌuliꞌ pagꞌikatlung aldaw.

Lucas 18:19

Pagtubag ni Jesus, maat ya, “Talagang ega basta-basta nga ipabetang mu it magayen i esang taw, maski aku ngaytu, in daꞌga sepsepen mu daꞌan i paꞌaaten nga ‘magayen’. Ka Ampuꞌang Diyus lamang i talagang magayen.

Lucas 23:47

Pagkamuya it kapitan it mga sundaluꞌ it iti nga mga biyaraꞌan, biyantug yay Ampuꞌang Diyus, nga magꞌaat, “Matuud talaga nga mataldeng i itung taw.”

Lucas 23:50

Ta, may esang lalaki nga si Jose i ngaran ya. Taga Arimatea kanya, nga esang lansangan it mga Judio. Iti nga taw, nakman kanya baw mataldeng, baw esa kanya nga magpaꞌbut it kaꞌadiꞌan it Ampuꞌang Diyus. Kaꞌuyutan naga kanya it Sanedrin ngayti, temed ega uyun kanya it ukuman nga ibiyetangan it ki Jesus it mga kaꞌibaan ya ngayti.

Lucas 6:45

Ta atkayan naga i taw. Sabap taw nga magayen i adat, pirmi nga magayen i magliꞌwan kat baꞌbaꞌ ya, sabap purus magayen i ipagdawaꞌ ya kat nakem ya. Takaꞌ taw nga purus maraꞌe-raꞌet i magdadawaꞌ kat nakem ya, purus naga maraꞌe-raꞌet i magliꞌwan kat baꞌbaꞌ ya. Ka makilalaan kat ampang it taw i in unuy magdadawaꞌ kat nakem ya.”

Lucas 7:16

Pagkamuya it mga taw ngayti, inabut sirat iꞌlam baw biyantug nira i Ampuꞌang Diyus. “Miyabut situt aten i esang bantug nga prupitaꞌ. Talagang kita nga mga taawan it Ampuꞌang Diyus, inildawan ya na nga banar!”

Juan 6:14

Pagkalteg it kadakel it tandaꞌanan ngayting kalililuꞌan nga binwat ni Jesus, maamaatan sira, “Siguru itu nay Prupitaꞌ ngayan nga mabut situt banwa.”

Juan 7:32

Naringid-ringidan it mga Pariseo i pamagrundingen it mga katataawan ngayti pasar it ki Jesus. Aypaꞌ binwat it mga Pariseo ngayti baw mga pagbayaꞌen it mga sasirduti, piyapaꞌaduꞌunan nira it mga taawan nira nga guwardiya it Templo ka dakpen si Jesus ngayti.

Juan 7:47

“Talagang pati palan kamu, nateꞌag-teꞌag na gasiꞌ!” maat it mga Pariseo ngayti.

Juan 7:52

“Aa bilaꞌ,” maat i tubag it mga kaꞌibaan ya ngayti. “Unuytu? Unu, pati ikaw, esa nagat mga sisindiren ngayting taga Galilea? Saꞌup-saꞌupun mut masa i mga kasuratan tami, mamuyaan mu yan asan nga egay prupitaꞌ nga manggaring kat Galilea.”

Juan 9:16

Maat i beken nga mga Pariseo ngayti, “Talagang ega garing duꞌun it Ampuꞌang Diyus i iyang taw, sabap it ega pagꞌintindiyen yay Aldaw it Kapaꞌnaan ngaytu.” Temed beken, magꞌaat gasiꞌ nga magꞌuꞌunu makabwat it atkaytung mga tandaꞌanan nga kalililuꞌang bagay i esang makasalaꞌan? Sikayti ega siꞌ magparag-paragen sira it pagsugiden.

Mga Binwat 11:24

Ka si Bernabe ngayti, talagang taw nga magayen i adat. Makseg i pamayaꞌ ya baw talagang masunud it Espiritu Santo nga magsasarum duꞌun it kanya. Aypaꞌ dimnungag nang dimnungag i mga magpamayaꞌ it Ampuꞌan duꞌun.

Roma 5:7

Talagang makuriꞌ tu mabwat it maski siyu nga iganti yay ginawa ya kat ginawa it beken nga taw, maski na maat mataldeng i taw ngayting paggantiyan ya. Sabagay barang may mangaas nagaytut muwat it atkaytu in talagang magayen i adat it taw ngaytung paggantiyan ya.

Filipos 2:14

Temed ta, ega buwaten mi it magkaregesan lamang, nga may pakibatir baw pakidaꞌeg. In daꞌga, sumunud kamu it magayen i nakem,