Juan 7:1 - Tagbanwa

¹ Ega naꞌlay napanaw siꞌ na Jesus, nanlekep-lekep it Galilea. Pagtemden yang ega paꞌ paꞌaduꞌun it Judea ka kuꞌimatayen kanyat mga pagbayaꞌen it mga Judio duꞌun.

Juan 7:1 Iomraidhean Croise

Mateo 10:23

Ta in pakuriꞌan kamu duꞌun it esa nga lansangan, malagyu kamu duꞌun it sunud ya. Sabap matuud talagay iꞌaat ku ngaytut imyu, nga ega paꞌ natiwas mi i buwat mi nga magpangadal duꞌun it kada lansangan it mga Judio, mabut aku na nga Taga Langit nga Ipiyanganak it Taw.

Mateo 21:38

Arit pagkalteg it mga siyanaꞌan ya ngayti it anak ya na i miyabut, maamaatan sira, ‘Bilaꞌ, wayan nay manunubliyen ngayan! Sigi! Imatayen tami, isaꞌun maꞌaten nay ubasan ngaytu nga subliyen ya.’

Marcos 11:18

Nagnegan tu it mga pagbayaꞌen it sasirduti baw mga manigpaꞌyag it urdin. Garing sikayti, magtulus na sirat ikaꞌimatay nirat ki Jesus, ka magꞌiꞌlam na sirat kanya. Sabap kadakel, talagang magkasaga it panulduꞌ ya.

Juan 1:19

Kaꞌsa may piyapanaw it mga pagbayaꞌen it mga Judio nga taga Jerusalem. Piyapanaw nira, mga sasirduti baw mga Levita nga katabang nira nga manigbuwat duꞌun it Templo, ka ipagpaꞌingkut nira si Juan in unu kanya. Ituy pamatuud ni Juan nga tubag yat kanira.

Juan 4:3

Pakaꞌrut ni Jesus kayti, liminꞌid kanya duꞌut Judea. Miyuliꞌ sirat mga alagad ya duꞌun it Galilea.

Juan 4:54

Ituy ikadwang tandaꞌanan nga kalililuꞌang bagay nga binwat ni Jesus duꞌut Galilea. Binwat yaytu yan nagpaꞌuliꞌ siꞌ ngayti kanya nga garing duꞌut Judea.

Juan 6:1

Nagtaꞌlib i pirang bulan, naꞌaduꞌun si Jesus it sang dipag it Lapnaw it Galilea, nga pagpangaranan gasiꞌ it Lapnaw it Tiberias.

Juan 7:11

Duꞌun it pistaꞌan, pagtulusun kanya it mga Judio. “Ariyen bay taw ngayan?” maat nira.

Juan 7:13

Temed yanayti, ega ipagpabusak-busak nira duꞌun it kadadaklan ka magꞌiꞌlam sirat mga pagbayaꞌen nira.

Juan 7:19

Daꞌga baꞌ si Moises i nagbegay it imyu it mga urdin? Temed maski siyu it imyu, ega talagay kamatuudan nga pagsunud it mga urdin ngayti. In talagang kamatuudan i pagsunud mi, unuka kuꞌimatayen mi aku?”

Juan 7:25

Iyan magpanulduꞌ na ngayti si Jesus, maamaatan nay beken nga taga Jerusalem, maat nira, “Daꞌga baꞌ itu nay taw ngayan nga kuꞌimatayen nira?

Juan 7:35

Namagrunding-rundingen siꞌ i mga Judio ngayti, “Ay ari tuy aduꞌunan it taw ngaytu nga ega maparagan tami? Barang duꞌun i aduꞌunan ya it mga kaꞌibaan ta ngayan nga mga Judio nga nagpakilaꞌuk-laꞌuk nat mga Griego duꞌut banwa nira, ka duꞌun nat kanira i panulduꞌan ya.

Juan 8:37

Talagang urut ku nga mga tungtung-inapuꞌ kamu naga ni Abraham. Temed paribasay lamwat kamu, nga ega pagꞌintindiyen mi i mga ipagpanulduꞌ ku ngaytu, pagpaꞌresan mi aku nga maꞌimatay.

Juan 8:40

Ka ungaytu ga, masyaduy kuꞌimatay mit aken, it ipagsugid ku lamang i kamatuudan nga nagnegan ku duꞌut Ampuꞌang Diyus. Ega yan atkayan i ki Abraham nga buwat.

Mga Binwat 10:38

Si Jesus ngaytu nga taga Nazaret, piniliꞌ kanya baw ipiyasiguru it Ampuꞌang Diyus kat Espiritu Santo nga piyapasarum duꞌun it kanya baw kat ega basta-bastang guna nga ibinggay it kanya. Nanlepkep-lekep kanya it banwa namen, nga magbuwat it mga magagayeng buwat, baw piyagayen ya i pati mga pagpapulpugun it maraꞌe-raꞌet, kat keseg it tabang it Ampuꞌang Diyus nga duꞌun it kanya nga pirmi.