Juan 6:9 - Tagbanwa

⁹ “May situ bayan nga waꞌwaꞌ nga laa-lalaki nga may balun, takaꞌ unuꞌun i limang batu bay tina-tinapay baw duwang batuy seda-sedaꞌ? Talagang ega manepay-tepay it yanang kadakel it taw.”

Juan 6:9 Iomraidhean Croise

Mateo 14:17

Katubag i mga alagad ya ngayti, maat nira, “Ampuꞌan, ta, magꞌuꞌunu yan it ega talagay situ, puyrat limang batu i tina-tinapay baw duwang batuy seda-sedaꞌ?”

Mateo 16:9

Unu, ega paꞌ pagꞌabutun it pikir mi? Unu, nalipatan mi nay iyan limang batu nga tinapay nga biyagiꞌ-bagiꞌ ku, nga ipiyakaꞌen it limang ribung kataawan? Ta, pirang kabaꞌayan i simnubraꞌ?

Marcos 6:38

Temed inaat sira ni Jesus, “Pira naga bay tinapay mi? Imuyaꞌnen mi duꞌun.” Pagkaꞌimuyaꞌ nira, maat nira, “Lima mana bayting batu baw duway seda-sedaꞌ.”

Marcos 8:19

Iyan basaꞌan biyagiꞌ-bagiꞌ kuy limang batu nga tinapay nga ipiyakaꞌen it limang ribung kataawan, ta pira nga kabaꞌayan i napnuꞌ it simnubraꞌ?” “Sang puluꞌ may duwang kabaꞌayan,” tubag nira.

Lucas 9:13

Temed katubag si Jesus it kanira, “Kamu nay megay it makaꞌen nira.” Katubag i mga alagad ya ngayti, maat nira, “Ampuꞌan, ta magꞌuꞌunu yan it ega talagay situ puyrat limang batu i tina-tinapay baw duwang batuy seda-sedaꞌ? Ta daꞌga mangalang kami gat ipakaꞌen it atkaytung kadakel it taw?”

Juan 11:21

Mampang si Marta, maat ya, “Ampuꞌan, in beteꞌ situ ka lamang, ega natay i sulsug ku.

Juan 11:32

Pagꞌabut ni Maria duꞌut ki Jesus, nanluud kanya duꞌun it tepad it aꞌay ni Jesus bawnga miyampang kanya nga magꞌaat, “Ampuꞌan, in beteꞌ situ ka lamang, ega natay i sulsug ku.”

Juan 21:10

“Tumaban kamu sini,” maat ni Jesus, “it sedaꞌ ngayang napisiꞌ mi.”

Juan 21:13

Kiyuꞌmit ni Jesus i tinapay ngayti bawnga piyamgayan yay mga alagad ngayti. Bawnga sedaꞌ siꞌ ngayti i ipiyamgay ya.

Juan 21:9

Pagkatingdal nira duꞌun it binit, letganan nira, may apuy nga may magꞌiꞌyaw na nga sedaꞌ baw may pirang batu nga tinapay nga magdadaꞌtun.

Juan 6:11

Inangut ni Jesus i tina-tinapay ngayti. Pagkatupus yat nagpasalamat duꞌut Ampuꞌang Diyus, biyagiꞌ-bagiꞌ yay tina-tinapay baw seda-sedaꞌ ngayti. Piyamgayan i muꞌsang mga taw ngayti. Binggayan sirat kumpur ireg nira.

Juan 6:7

Katubag si Felipe, maat ya, “Bilaꞌ, maski beteꞌ tagdedekeyeꞌ lamang i ipamgay it kanira, tinapay nga maꞌalang it tangdan it balit walung bulan i binwatan, ega talaga manepay-tepay it yanayan ngayang kadakel it taw.”

2 Corinto 8:9

Ka daꞌga baꞌ magkaꞌrutan mi na in sang unu talaga i kadakulaꞌ it kaꞌildaw it Ampuꞌan tami nga si Jesu-Cristo, nga maski ega babasta-bastaen i kabantugan baw kataꞌasan ya duꞌut langit, nagpabalyu nga subuk timawaꞌ nga miskin isaꞌun, kat pagkamiskin ya ngayti, magmanggaden kamu it kagayenan nga duꞌun it langit.

Mga Ipiyalteg 6:6

May nagnegan ku nga ampang nga sinraꞌan duꞌun it pagꞌaꞌanuꞌan it epat ngayting may ginawa nga giyuna, nga magꞌaat, “Sang lataꞌ lamang nga arina it tirigu i maꞌalang it tangdan it sang aldaw nga urnal. Subung naga tulung lataꞌ lamang i maꞌalang nga arina it sebaba it iyan nagang kantidad. Temed ega pakurangan muy lana it olibo baw irimnun nga letes it buwaꞌ it ubas!”