Juan 6:68 - Tagbanwa

⁶⁸ Katubag si Simon Pedro ngayti, “Ampuꞌan,” maat ya, “ay ari aduꞌunan namen it panulduꞌ mu gay magkabgay it kaꞌgenan nga egay kaskedan?

Juan 6:68 Iomraidhean Croise

Mateo 16:16

Katubag si Simon Pedro, maat ya, “Anak ka talaga it Ampuꞌang Diyus nga egen it egay kaskedan. Ikaw talagay isiyanggup ya nga Cristo.”

Marcos 8:29

“Ta kamu,” maat ni Jesus ngayti, “unuy masugid mi pasar it aken nga in siyu aku?” Katubag si Pedro, maat ya, “Ikaw talagay isiyanggup nga Cristo.”

Lucas 9:20

“Ta kamu,” maat ni Jesus ngayti, “unuy masugid mi sabap it aken nga in siyu aku?” Katubag si Pedro, maat ya, “Ikaw talagay isiyanggup nga Cristo nga siyarigan it Ampuꞌang Diyus.”

Juan 12:49

Sabap egay pagꞌampangen ku nga pagsadiliyen ku lamang, in daꞌga iyan Amaꞌ nga nagtaꞌeg it aken it paꞌasitu, iyan i magꞌaat in unuy ampangen ku baw ipaꞌyag ku.

Juan 12:50

Baw talagang magkaꞌrutan ku nga iyan mga ampang ya ngaytu i puꞌun it kaꞌgenan nga egay kaskedan. Aypaꞌ in unuy ipagpasugid it Amaꞌ, simpri iyan i pagꞌampangen ku.”

Juan 17:8

Sabap itiyulduꞌ ku nat kanira i panulduꞌ nga ipiyakarguꞌ mut aken, baw pagpamayaꞌnen talaga nira. Talagang pagsisiguruun na nira nga aku, garing asan it imu, baw pagpamayaꞌnen nira nga ikaw i nagtaꞌeg it aken.

Juan 5:24

Talagang matuud tuy itu nga ipagꞌaat kut imyu. Iyan magpagneg it mga pagꞌampangen ku baw magpamayaꞌ it nagtaꞌeg ngaytit aken, iyan i may kaꞌgenan nga egay kaskedan. Ega na ukumanan kanya it mabeꞌgat. Imbis nga panriga nga kamataynen, siguradung may magꞌaꞌareg nat kanya nga kaꞌgenan nga egay kaskedan.

Juan 6:40

Sabap talagang itu i kaꞌirgan it Amaꞌ ku, iyan muꞌsa nga mamayaꞌ it aken nga Anak ya, baw sumarig it aken, begayan sira it kaꞌgenan nga egay kaskedan. Baw egnen ku sirang muꞌsa asan it umur nat banwa.”

Juan 6:63

Mga ipagtulduꞌ ku ngaytu, egay beken nga uliꞌan, mga bagay pasar it kiyarurwa baw kaꞌgenan nga egay kaskedan. Yay matuud, mga bagay nga pagpaꞌiguꞌan it panulduꞌ ku ngaytu, iyan i mapisiꞌan it kaꞌgenan ngaytu. Egaytu makabgay it isi nga pagkaꞌnen.

Mga Binwat 13:26

Mga kasulsugan nga mga tungtung-inapuꞌ ni Abraham, baw beken nga may iꞌlam it Ampuꞌang Diyus, talagang kita ngaytu i pagpaꞌabutan it itung ampang, magsugid ngaytu it karibriyan.

Mga Binwat 4:12

Yay matuud, talagang egay maski siyu nga magkapisiꞌan it karibriyan kat panrigat kasalaꞌan, puyrat ki Jesu-Cristo ngaytu. Ka egay maski siyung beken situt sinirungat langit nga ibinggay it Ampuꞌang Diyus nga magkaribri it aten, in daꞌga kanya lamang ngaytu.”

Mga Binwat 5:20

Bawnga inaat ya sira, “Paꞌaduꞌun kamu sit Templo, baw tulduꞌan mi siꞌ i kadakel pasar it kaꞌgenan ngaytu nga egay kaskedan.”

Mga Binwat 7:38

Baw iyan namagtingped nay mga kagiyaringanan ta ngayti duꞌun it Bukid it Sinai nga duꞌun it kapupuyangtan nga rugar, si Moises naga ngayti i piyakisugidan it Anghil it Ampuꞌang Diyus. Ipiyaskel it kanya i mga egay kaꞌawaꞌan nga ampang it Ampuꞌang Diyus nga ipagkusugid yat aten.

Mga Binwat 8:37

Katubag si Felipe, “Ta, mapakay bayan, in nasepsepan mu na baw kamatuudan na talaga i pamayaꞌ mut Magayen ngaytung Baritaꞌ.” “Kamatuudan baytu talaga”, maat i taga Etiope ngayti. “Talagang magpamayaꞌ aku nga si Jesu-Cristo, Anak kanya nga matuud it Ampuꞌang Diyus.”