Juan 6:54 - Tagbanwa

⁵⁴ Iyan magkaꞌen it isi ku baw magꞌinum it duguꞌ ku, may kaꞌgenan ya nga egay kaskedan, baw talagang egnen ku kanya it paꞌuliꞌ asan it umur nat banwa.

Juan 6:54 Iomraidhean Croise

Juan 4:14

Temed iyan minum it danum ngayan nga ibgay ku, ega na kumuꞌinum pat sumaꞌup, ka subung naytut esang tumbud duꞌun it seled ya, nga magbegay it kaꞌgenan nga egay kaskedan.”

Juan 6:27

Kaꞌilangan paꞌres kamu, ega sabap duꞌun it pangaꞌen nga magranggaꞌ, in daꞌga yay paꞌresan mi, pangaꞌen nga ega magranggaꞌ baw magkabgay it kaꞌgenan nga egay kaskedan. Ibgay tu it imyu it kanya nga Taga Langit nga Ipiyanganak it Taw, sabap kanya i binggayan it Diyus Amaꞌ it pudir.”

Juan 6:47

Kamatuudan tuy iꞌaat ku ngaytut imyu. Iyan nga mamayaꞌ baw pasakep it aken, may kaꞌgenan ya nga egay kaskedan.

Juan 6:55

Sabap iyan isi ku, pangaꞌen nga matuud, baw iyan duguꞌ ku, pagꞌimnun nga matuud.

Juan 6:63

Mga ipagtulduꞌ ku ngaytu, egay beken nga uliꞌan, mga bagay pasar it kiyarurwa baw kaꞌgenan nga egay kaskedan. Yay matuud, mga bagay nga pagpaꞌiguꞌan it panulduꞌ ku ngaytu, iyan i mapisiꞌan it kaꞌgenan ngaytu. Egaytu makabgay it isi nga pagkaꞌnen.

Galacia 2:20

Ta kayti, maski egen aku paꞌ ngaytu, pagkilalaen ku nga subung it ega na akuy egen in daꞌga si Cristo na i egen kat bilug ku. Ka ega na aken nga kaꞌirgan i pagsunudun ku, in daꞌga kaꞌirgan ya na. Aypaꞌ mintras situ aku pat banwa, magpangaꞌgenan aku kat keseg it pamayaꞌ baw pagsarig ku it kanya nga Anak it Ampuꞌang Diyus, kanya nga nagpagtas it ginawa ya kat kadakulat raras ya it aken.