Juan 6:53 - Tagbanwa

⁵³ Aypaꞌ ka inaat sira ni Jesus, “Kamatuudan tuy iꞌaat ku ngaytut imyu. Magpuyrat makaꞌen mi i isi it Taga Langit nga Ipiyanganak it Taw baw maꞌinum mi i duguꞌ ya, talagang ega maꞌimyu i matuud nga kaꞌgenan.

Juan 6:53 Iomraidhean Croise

Mateo 18:3

Bawnga miyampang kanya, nga magꞌaat, “Dedemdemen mi tu. Basta daꞌkamu magbaꞌgu it adat mi ngaytu nga magtulus it kataꞌasan, baw basta ega pasbung kamu it mga dedekeyeꞌ paꞌ nga mangaꞌwaꞌ, talagang egang-ega makaꞌuyut kamu nga masinakepan it Ampuꞌang Diyus duꞌun it kaꞌadiꞌan ya.

Mateo 5:18

Ka ituy matuud nga iꞌaat kut imyu. Talagang maꞌawaꞌ i langit baw banwa, takaꞌ talagang egay kaꞌawaꞌan it maski piyakadekeyeꞌ nga bagiꞌ it mga urdin it Ampuꞌang Diyus seked it ega matuman i muꞌsa.

Mateo 8:20

Katubag si Jesus, maat ya, “Unu, matuud yan? Magayen demdemen mu nga may mga luꞌguꞌ it mga bunglun baw mga manu-manuk, may mga pugad nirat kanira. Temed aku nga Taga Langit nga Ipiyanganak it Taw, egay tandaꞌ nga pagꞌistaran ku, in daꞌga maski ari na lamang.”

Lucas 13:3

Talagang ega maat atkayan. Ka basta ega singuliꞌan mi baw indiꞌan i mga kasalaꞌan mi, surubung kamu nga muꞌsa nga mapuuꞌ!

Lucas 13:5

Talagang ega maat atkayan. Ka basta ega singuliꞌan mi baw indiꞌan i mga kasalaꞌan mi, surubung kamu nga muꞌsa nga mapuuꞌ!”

Juan 13:8

Maat siꞌ ni Pedro ngayti, “Talagang subung bat ega bagay nga paꞌugasan ku it imu i aꞌay ku.” Maat siꞌ ni Jesus, “Temed in ega malimpiyuꞌ ku ikaw, siguradung daꞌka na alagad ku. Egay kabagiꞌan mu nga gumaring situt aken.”

Juan 15:4

Teꞌteꞌan mi aku. Teꞌteꞌan ku naga kamu. Ka ega magkabwaꞌ i sanga it esa-esa ya lamang in daꞌga magpupꞌun duꞌun it begtek. Kamu, atkayan naga. Daꞌkamu magtarubwaꞌ in daꞌga maneꞌteꞌ kamu situt aken.

Juan 3:3

Katubag si Jesus, nga maat ya, “Itu talagay kamatuudan nga isugid kut imu. Egay makaꞌuyut duꞌun it kaꞌadiꞌan it Ampuꞌang Diyus, in daꞌga iyan lamang nga ipiyanganak it sumaꞌup.”

Juan 3:36

Iyan magpamayaꞌ baw magsarig nat Anak ngaytut Ampuꞌang Diyus, may kaꞌgenan ya na nga egay kaskedan. Temed iyan nga ega magpamayaꞌ it Anak ngaytu, ega makanya i itung kaꞌgenan. Siguradung ega kaꞌbut duꞌut kagayenan nga duꞌun it langit. Magtetdek paꞌ duꞌun it kanya i iseg it Ampuꞌang Diyus.

Juan 3:5

Timnubag si Jesus, “Kamatuudan tuy iꞌaat ku ngaytut imu. Egay makaꞌuyut duꞌun it kaꞌadiꞌan it Ampuꞌang Diyus in daꞌga kanya lamang nga ipiyanganak it danum baw Espiritu Santo.

Juan 6:47

Kamatuudan tuy iꞌaat ku ngaytut imyu. Iyan nga mamayaꞌ baw pasakep it aken, may kaꞌgenan ya nga egay kaskedan.

Juan 6:51

Aku i pangaꞌen ngaytu nga magbegay it kaꞌgenan, nga limnampud nga garing duꞌut langit. May kaꞌgenan nga egay kaskedan it in siyu-siyuy kumaꞌen kaytu. Iyan pangaꞌen ngaytu nga ibgay ku, nga megay it kaꞌgenan nga egay kaskedan kat muꞌsang katataawan, sadili kung bilug.”

Juan 6:55

Sabap iyan isi ku, pangaꞌen nga matuud, baw iyan duguꞌ ku, pagꞌimnun nga matuud.

Juan 6:62

Magꞌuꞌunu yan in maltegan mi nga patibung siꞌ i Taga Langit nga Ipiyanganak it Taw ka muliꞌ na duꞌun it giyaringan ya?

1 Juan 5:12

Iyan nga maglalagpit nat Anak it Ampuꞌang Diyus, iyan i may kaꞌgenan ngayan nga egay kaskedan. Temed iyan ega maglalagpit it Anak ngaytut Ampuꞌang Diyus, talagang daꞌgay kanya.

Mga Ipiyalteg 2:17

Ta it pagꞌargan it talinga ipagpagneg, kaꞌilangan pagnegan mit magayen i pagꞌaaten ngaytu nga ipagpatantu it Espiritu Santo kat mga magpamayaꞌ baw magsarig it aken. Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, siguradung may ibgay kut kanya nga magꞌaꞌareg sinit langit nga ega paꞌ magkaltegan it taw, iyan manna nga ipagkaꞌgen it egay kaskedan. Begayan ku gasiꞌ kanya it maputiꞌ nga batu nga pagsusuratan it esang ngaran nga baꞌgu nga egay maski siyung makaꞌrut, in daꞌga iyan lamang nga nabgayan kayan.’ ”

Mga Ipiyalteg 2:7

Aypaꞌ it pagꞌargan it talinga, ipagpagneg, kaꞌilangan pagnegan mit magayen i pagꞌaaten ngaytu, nga ipagpatantu it Espiritu Santo kat mga magpamayaꞌ baw magsarig it aken. Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, begayan ku kanyat pudir nga makakaꞌen it buwaꞌ it kayu nga magbegay it kaꞌgenan, nga duꞌun it kalu-kalulwakan it Ampuꞌang Diyus.’ ”