Juan 6:5 - Tagbanwa

⁵ Paglawag ni Jesus, nalawag ya nga dakel nang mga taw i mamagꞌaꞌabut. Iningkut ya si Felipe, “Ariyen tuy maꞌalangan tami it pangaꞌen isaꞌun may makaꞌen it mga taw ngayan?”

Juan 6:5 Iomraidhean Croise

Mateo 15:33

“Aa bilaꞌ,” maat it mga alagad ngayti, “Ampuꞌan, ari nay mapisiꞌan ta kayan it pangaꞌen situt rugar ngaytung kapupuyangtan nga makaꞌustuꞌ it yanayan ngayang kadakel it taw?”

Marcos 6:32

Aypaꞌ simnakay sirat sakayan. Naꞌaduꞌun sirat rugar nga kapupuyangtan.

Lucas 9:10

Pagkaꞌuliꞌ it sang puluꞌ baw duwa ngayting mga alagad nga piyapanaw ni Jesus, itiyuturan nira duꞌut kanya i muꞌsa nga nabwat nira. Pagkaꞌanu kayti, naꞌaduꞌun sirat esang rugar nga ayun duꞌun it lansangan it Betsaida. Egay piyabayaꞌ ni Jesus nga beken, mga alagad ya lamang ngayti.

Juan 1:43

Pagꞌaldaw siꞌ, napikir ni Jesus nga paGalilea. Parabir napanaw tiyulus ya daꞌan i esang taw nga pagpangaranat ki Felipe, nga taga Betsaida, nga kabanwa na Andres duwa ni Simon ngayti. Pagkaparag ya inaat ya, “Felipe, mayaꞌ kat aken ka alagad ku na ikaw.”

Juan 1:45

Si Felipe ngayti, tiyulus yay esang taw nga pagpangaranat ki Natanael ka siyugidan ya, nga maat ya, “Naparagan namen i pagpapuntuꞌan it siyangpit ni Moises duꞌut mga isiyurat ya baw siyangpit gasiꞌ it mga prupitaꞌ kat mga isiyurat nira. Si Jesus tu nga taga Nazaret nga anak na Jose.”

Juan 1:46

“Bilaꞌ, unu nga sugi-sugid yan?” maat ni Natanael. “Subuk egay nasugid it mga prupitaꞌ nga may limiꞌwan duꞌun it Nazaret nga matataꞌas u mababantug.” Timnubag si Felipe, “Mayaꞌ ka bat aken ka paꞌaduꞌun tat kanya.”

Juan 1:48

Iningkut ni Natanael si Jesus, “Tabiꞌ it imu, magꞌuꞌunu naꞌrutan muy adat ku?” Timnubag si Jesus, “Parabir nasugidan ka ni Felipe, naltegan ku na ikaw duꞌut siꞌrung it kayu nga igos.”

Juan 4:35

Daꞌga baꞌ pagꞌaaten mi nga epat paꞌ nga bulan bawnga pakakayeg? Temed ituy ipagꞌaat kut imyu, kayti nga lagi kabilangan ya, papupgu naytu. Ka lawagen mi i bulyug-bulyug ngayan it taw nga magꞌelep situt aten. Sira ngaytu, kaꞌalimbawaan nira, luwak nga pupguun na.