Juan 6:41 - Tagbanwa

⁴¹ Pagkagneg it mga Judio kayti, remeteng-retengan sira sabap it iti nga inaat ni Jesus ngayti nga magꞌaat, “Aku i pangaꞌen nga limnampud nga garing duꞌut langit.”

Juan 6:41 Iomraidhean Croise

Lucas 15:2

Temed remeteng-retengan i mga Pariseo baw manigpaꞌyag it urdin. Maamaatan sira, “Talagang itung taw, pagpakikumbiꞌlidan yay mga makasalaꞌan baw magpakikaraꞌnen paꞌ it kanira.”

Lucas 19:7

Egay beken, muꞌsa nga nakalteg kayti, remeteng-retengan nga maamaatan, “Bilaꞌ, magpaꞌabut kanya duꞌun it esa nga makasalaꞌan!”

Lucas 5:30

Ta, mga Pariseo baw kaꞌibaan nira nga mga manigpaꞌyag it urdin nga nakamuya kaytu, mamagsitar na. Inaat niray mga alagad ngayti ni Jesus, “Unuka magpakidngan kamut kumaꞌen baw minum it mga malulupig nga manigpabayad it barayadan baw beken ngayang ega magsunud nga banar it mga urdin tami?”

Juan 1:19

Kaꞌsa may piyapanaw it mga pagbayaꞌen it mga Judio nga taga Jerusalem. Piyapanaw nira, mga sasirduti baw mga Levita nga katabang nira nga manigbuwat duꞌun it Templo, ka ipagpaꞌingkut nira si Juan in unu kanya. Ituy pamatuud ni Juan nga tubag yat kanira.

Juan 6:33

Sabap yay paꞌaaten nga pangaꞌen nga begay it Ampuꞌang Diyus, kanya nga limnampud nga gimnaring duꞌut langit baw magbegay it kaꞌgenan nga egay kaskedan kat muꞌsang katataawan.”

Juan 6:43

Ta it atkayti, inaat sira ni Jesus, “Ayaw kamut yeꞌye-yeꞌyepen nga remeteng-retengan kamu.

Juan 6:48

Aku i pangaꞌen nga magbegay it kaꞌgenan.

Juan 6:58

Sabap aku na ngaytu i matuud nga pangaꞌen nga garing duꞌut langit. Kayti, in siyu-siyuy kumaꞌen it itu nga pangaꞌen, may kaꞌgenan ya nga egay kaskedan. Ega matay nga subung it mga kagiyaringanan mi, maski maat nakakaꞌen na sira it manna ngayting pangaꞌen nga gimnaring duꞌut langit.”

Juan 6:60

Pagkagneg it mga pagtulduꞌan ngayti ni Jesus, dakel na sirang miyaat, “Mabeꞌgat naytu nga mga sugi-sugid i ituꞌun. Siyuy makatangeꞌ kaytu?”

Juan 6:66

Gimnaring duꞌun kayti, dakel na nga mga pagtulduꞌan ya ngayti i nangindiꞌ. Ega na mamagbaya-bayaꞌ it kanya.

Juan 7:12

Dakel-dakel na nga runding it mga taw pasar it kanya duꞌut mga linge-lingeb. May pirang magꞌaat nga “Bilaꞌ, magayen kanya nga taw.” Temed iyan beken, magꞌaat nga, “Bilaꞌ, ega bayan! Pagbuwaten ya ngayan, pagteꞌag-teꞌagen yay kadakel.”

1 Corinto 10:10

Ega gasiꞌ mamasul kamu, nga subung it binwat gasiꞌ it beken nga mga kaꞌibaan nira, nga egay beken nga liꞌwan ya, piyuuꞌ sira it anghil nga mamumuuꞌ.

Judas 1:16

Talagang itung mga taw, magsarit iway, nga egay pagsagyaan nira kat mga beken. Pagsumbayaꞌen niray sadiling kaꞌirgan nga maraꞌe-raꞌet. Malalandi-landi sira baw uba-ubas na niray mangilut-ilut it maꞌiba nira, isaꞌun lamang mapisiꞌ niray in unu nga pagꞌirgan nira.