Juan 6:30 - Tagbanwa

³⁰ Maat siꞌ it mga taw ngayti, “Ay unuy makapaliꞌwan mu nga tandaꞌanan nga kalililuꞌang bagay isaꞌun makapamayaꞌ kami it imu? Ta unu yan i mabwat mu nga subraꞌ paꞌ it pagpakaꞌnen i katataawan?

Juan 6:30 Iomraidhean Croise

Exodo 4:8

Inaat siꞌ it AMPUꞌANG DIYUS, “Ta in daꞌka pamayaꞌnen nira it uꞌna ngayan nga kalililuꞌang bagay, siguru pamayaꞌnen ka nayan nira it ikadwa ngayan.

Exodo 7:9

“Basta aaten kamu it adiꞌ nga palteg kamu it kalililuꞌang bagay nga katandaꞌ it talagang pagtaꞌgen ku kamu, aaten mu si Aaron nga ibuntal yay sungkud ya duꞌut adapan it adiꞌ ngayan. Magbalyu yan nga dukul.”

Marcos 15:32

Simpri, basta maltegan tami nga maglampud na asan it krus i Cristo ngayan nga Adiꞌ it Israel, simpri mamayaꞌ tami nat kanya.” Sigi gasiꞌ nga regda-regda it kanya it mga kadengan ya ngaytit iriyansang.

Marcos 8:11

May miyabut nga mga Pariseo nga magpakidaꞌeg it ki Jesus. Ireg nira nga sukda-sukdanan kanya, aypaꞌ magꞌangut nga paltegan ya sira it esang tandaꞌanan nga pasar duꞌun it langit.

Juan 10:38

Temed in pagbuwaten kuy buwat ya ngaytu, maski ega pagpamayaꞌnen mi aku, kaꞌilangan nga pamayaꞌnen mi i mga pagbuwaten ku ngaytu ka sikayan mi matantuwan baw masiguru nga aku baw Amaꞌ ku, sang kagina-ginawaan kami.”

Juan 12:37

Maski dakel na nga naltegan it mga katataawan ngayti nga binwat ni Jesus nga mga tandaꞌanan nga kalililuꞌang bagay, ega ga lamang pagpamayaꞌnen nira kanya.

Juan 2:18

Ta, it atkayti i binwat ni Jesus, iningkut kanya it mga pagbayaꞌen it mga Judio, “Unuy tandaꞌanan nga makapalteg mut amen nga kalililuꞌang bagay, nga kamatuudan it may pudir mu it muwat it atkaytu?”

Juan 4:8

(Egay duꞌun nga mga alagad ya ngayti, ka namagpangalang it makaꞌen duꞌun it lansangan.)

Juan 6:14

Pagkalteg it kadakel it tandaꞌanan ngayting kalililuꞌan nga binwat ni Jesus, maamaatan sira, “Siguru itu nay Prupitaꞌ ngayan nga mabut situt banwa.”

Juan 6:2

Tiyundug kanya it dakel na nga mga taw sabap it magkaltegan nira ngayti nga mga tandaꞌanan nga kalililuꞌang bagay nga pagbuwaten ya, nga pagpagayenen ya i mga magsarut.

Juan 6:36

Temed daꞌga baꞌ inaat ku na it imyu, unu pay daꞌawa mi it naltegan mi na aku, temed it ega magpamayaꞌ kamut aken?

Mga Binwat 4:30

Itanyag muy guna mu isaꞌun mapagayen namen i mga magsarut baw may mabwat nga mga tandaꞌanan nga kalililuꞌang bagay, kat keseg nagat guna it manigsirbi mu nga si Jesus nga alaid kat muꞌsang kasalaꞌan.”

1 Corinto 1:22

Ka iyan mga Judio, mamagꞌangut sira it mga kalililuꞌang bagay nga bilang iyan i kamatuudan it ipagꞌampang. Ta kat mga Griego, mga matꞌed nga pasepsep i pamagtulusun nira.

Hebreo 2:4

Pati Ampuꞌang Diyus, ipiyagpamatuud ya gasiꞌ i panulduꞌ nira kat dakel-dakel nga mga tandaꞌanan nga kalililuꞌang bagay nga ipiyabwat yat kanira, baw kat mga kakayaan gasiꞌ nga begay it Espiritu Santo kat in siyu-siyu i ireg it Ampuꞌang Diyus ngaytu.