Juan 6:29 - Tagbanwa

²⁹ “Ta itu bay ipagpabwat it Ampuꞌang Diyus, kaꞌilangan nga mamayaꞌ kamu it tiyaꞌeg ya nga paꞌasitu,” maat i tubag ni Jesus it kanira.

Juan 6:29 Iomraidhean Croise

Mateo 17:5

Magꞌampang paꞌ si Pedro ngayti, inlungan sira it esang magsilaw na nga kunum. Duꞌun it kunum ngayti i sinraꞌan it ampang nga magꞌaat, “Itu i pagmaꞌa-maꞌalen ku nga Anak, nga talagang kasasagyaan ku. Pagnegan mi kanya it magayen.”

Marcos 16:16

Siyu-siyu nga pakimatuud baw mamayaꞌ baw pabawtis, siguradu yan nga maribri. Temed in siyuy ega mamayaꞌ, siguradu yan nga ukumanan it panriga.

Juan 3:36

Iyan magpamayaꞌ baw magsarig nat Anak ngaytut Ampuꞌang Diyus, may kaꞌgenan ya na nga egay kaskedan. Temed iyan nga ega magpamayaꞌ it Anak ngaytu, ega makanya i itung kaꞌgenan. Siguradung ega kaꞌbut duꞌut kagayenan nga duꞌun it langit. Magtetdek paꞌ duꞌun it kanya i iseg it Ampuꞌang Diyus.

Juan 5:39

Talagang ubus suliꞌen, suliꞌen mi i ampang it Ampuꞌang Diyus kat mga kasuratan mi, ka pagsisiguruun mi nga maparagan mi duꞌun in magꞌuꞌunu maꞌimyu i kaꞌgenan nga egay kaskedan. Takaꞌ mga itu ngaytu, magpamatuud lamang tu pasar it aken.

Juan 6:28

Pagkagneg it kadakel ngayti, miningkut sira. Maat nira, “Ta unu bayan i magayen nga paꞌresan namen nga buwaten, isaꞌun nga masunud namen i kaꞌirgan it Ampuꞌang Diyus?”

Juan 6:38

Sabap nanlampud aku nga garing duꞌut langit, ega enged ku, buwaten ku i sadili ku nga kaꞌirgan, in daꞌga iyan kaꞌirgan it nagtaꞌeg it aken.

Juan 6:57

Egen talagay Amaꞌ nga timnaꞌeg it aken it paꞌasitu baw aku, egen gasiꞌ sabap it kanya. Atkayan nagay in siyu-siyu nga kumaꞌen it aken. Egen kanya sabap it aken.

Mga Binwat 16:31

Tiyubag nga lagi na Pablo i ingkut ya ngayti, nga maat nira, “Mamayaꞌ baw sumarig ka nat Ampuꞌan nga si Jesus. Iyan i ikaribri mu, pati sira nga kat seled it pamalay-balay mu.”

1 Tesalonica 1:3

Sabap pagdedemdemen namen nga pirmi i buwat mi nga buwaꞌ it pamayaꞌ mi, mga paꞌres mi nga magbayaꞌ it raras mit esa may esa, baw pagsagkaꞌ mit kakuriꞌan it magayen i nakem. Pagsagkaꞌ mi ngaytu, tanaꞌan ya, mapaꞌgen nga paniguru mi. Ka pagsisiguruun mi nga, sabap it pagsarig baw pamayaꞌ mi it Ampuꞌan tami nga si Jesu-Cristo, maribri kamu asan it umur nat banwa, nga duꞌun kamu na it adapan it Ampuꞌang Diyus nga Amaꞌ tami.

Hebreo 5:9

Ta paribasay nasunud ya i muꞌsa it egay kakurangan, nagbaraꞌ na kanya nga piyanggaringan it karibriyan nga kaꞌgenang egay kaskedan, nga ibgay yat muꞌsa nga may kamatuudan nga pagsunud it kanya.

Santiago 2:22

Duꞌun it iti ngayti, magkaltegan ta nga kat pamayaꞌ ni Abraham egay beblagan it pakimatuud baw mga pagbuwaten nga magpamatuud it pamayaꞌ ya ngayti. Iyan binwat ya ngayti i magpakilala nga egay kurang it pamayaꞌ ya it Ampuꞌang Diyus.

1 Juan 3:23

Ituytu i ipiyagꞌurdin ya, nga mamayaꞌ ta baw sumarig it Anak yang si Jesu-Cristo, baw magsigraras tami it esa may esa nga subung it ipiyagꞌurdin it aten ni Jesu-Cristo ngaytu.

1 Juan 5:1

In siyu-siyuy magpamayaꞌ nga si Jesus, kanya nay paꞌaateng Cristo ngayti nga Manriribring Adiꞌ nga isiyanggup, subung na kanyat ipiyanganak it Ampuꞌang Diyus. Baw yay matuud, in pagmaꞌalen ta kanya ngaytu nga bilang nanganak, simpri rarasan ta na i kumpur bilang ipiyanganak ya nga beken.

Mga Ipiyalteg 2:26

Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, baw magsunud nga pirmi it kaꞌirgan ku seked it umur, ibgay kut kanya i pamegbeg nga subung it tiyanggap ku nga ibinggay it aken it Amaꞌ ku, iyan pamegbeg it muꞌsang bangsa.