Juan 6:27 - Tagbanwa

²⁷ Kaꞌilangan paꞌres kamu, ega sabap duꞌun it pangaꞌen nga magranggaꞌ, in daꞌga yay paꞌresan mi, pangaꞌen nga ega magranggaꞌ baw magkabgay it kaꞌgenan nga egay kaskedan. Ibgay tu it imyu it kanya nga Taga Langit nga Ipiyanganak it Taw, sabap kanya i binggayan it Diyus Amaꞌ it pudir.”

Juan 6:27 Iomraidhean Croise

Isaias 42:1

Maat it Ampuꞌang Diyus, “Waytu na i manigsirbi ku nga pagtabangen ku. Piniliꞌ ku kanya baw pagsagyaan ku kanya nga banar. Piyapasaruman ku kanya it Espiritu Santo ku baw kamatuudan nga kataldengan i ipapanaw ya kat muꞌsang mga bangsa.

Isaias 55:2

Unuka pagastaꞌen na lamang i pirak kat mga bagay nga ega ipagkaꞌgen? Unuka pagꞌubsun i piyakarigaan kat mga bagay nga egay kakapulusan? Pagneg kamu it aken it magayen, baw sunudun mi i pagꞌaaten ku, ka siguradu nga masaga kamu it piyakamagayen nga pangaꞌen.

Mateo 17:5

Magꞌampang paꞌ si Pedro ngayti, inlungan sira it esang magsilaw na nga kunum. Duꞌun it kunum ngayti i sinraꞌan it ampang nga magꞌaat, “Itu i pagmaꞌa-maꞌalen ku nga Anak, nga talagang kasasagyaan ku. Pagnegan mi kanya it magayen.”

Mateo 25:46

Ta, egay beken, idedeg na sira duꞌun it panriga nga egay katupusan. Temed iyan mga mataldeng ngaytu kat panleteg it Ampuꞌang Diyus, tumanggap sirat kaꞌgenan nga egay kaskedan.”

Mateo 3:17

Dengan it may ampang nga duꞌut langit i garing, nga magꞌaat, “Itu i pagmaꞌa-maꞌalen ku nga Anak nga talagang kasasagyaan ku.”

Mateo 6:19

“Beken paꞌ nga iꞌaat kut imyu, ayaw kamut pagrinut it kamanggadan situt banwa, ka situt banwa dakel-dakel na nga magranggaꞌ, nga subuk tanga, karat baw sumang kaꞌanu takawun.

Mateo 8:20

Katubag si Jesus, maat ya, “Unu, matuud yan? Magayen demdemen mu nga may mga luꞌguꞌ it mga bunglun baw mga manu-manuk, may mga pugad nirat kanira. Temed aku nga Taga Langit nga Ipiyanganak it Taw, egay tandaꞌ nga pagꞌistaran ku, in daꞌga maski ari na lamang.”

Marcos 1:11

Dengan it may ampang nga duꞌut langit i garing, nga magꞌaat, “Ikaw talagay pagmaꞌa-maꞌalen ku nga Anak. Talagang pagsagyaan ku ikaw nga banar.”

Marcos 9:7

Ta sakaling inlungan sirat esang kunum, baw may gaꞌmaran nga duꞌun nat kunum ngayti i sinraꞌan, nga magꞌaat, “Itu i pagmaꞌa-maꞌalen ku nga Anak. Pagnegan mi kanya it magayen.”

Lucas 3:22

Bawnga nagpasalu duꞌun it kanya i Espiritu Santo, nga subung it kalapatiꞌ i pamabilug. Dengan it may ampang nga duꞌut langit i garing, nga magꞌaat, “Ikaw talagay pagmaꞌa-maꞌalen ku nga Anak. Talagang pagsagyaan ku ikaw nga banar.”

Lucas 9:35

Bawnga may gaꞌmaran nga duꞌun nat kunum ngayti i sinraꞌan, nga magꞌaat, “Itu i Anak ku nga piniliꞌ ku nga sarigan ku. Pagnegan mi kanya it magayen.”

Juan 10:28

Pagbegayan ku sira it kaꞌgenan nga egay kaskedan baw seked it kaꞌnu-kaꞌnu daꞌsira maꞌilang. Baw daꞌsira maꞌagaw it maski siyu situt aken.

Juan 11:42

Talagang magkaꞌrutan ku nga pirmi mu aku nga pagpapagnegan. Takaꞌ pagꞌampangen kuy atkaytu sabap it mga taw ngayni nga kaꞌibaan ku kayti, isaꞌun mamayaꞌ sira nga ikaw nga matuud i nagtaꞌeg it aken.”

Juan 14:6

Timnubag si Jesus, maat ya, “Aku na ngaytu i dalan, aku i kamatuudan baw aku gasiꞌ i kaꞌgenan. Egay kapaꞌaduꞌun it Diyus Amaꞌ in daꞌga akuy dalan nga panawan ya.

Juan 15:24

In beteꞌ daꞌga minwat akut mga buwat nga nagpasar kat mata nirang muꞌsa, nga ega nabwat it maski siyu it yanaytuy kaꞌlay, egay turubagen nira sabap it kasalaꞌan nga pandaꞌga nirat aken. Temed ta, talagang naltegan nira aku, baw subung nagat naltegan nira gasiꞌ i Amaꞌ ku kat nagpasar na kat mata nira nga mga buwat ku ngaytu. Temed yanagang, pagꞌisgan nira aku, pati Amaꞌ ku ngayti.

Juan 17:2

Subung nagat pagbegay mut aken it pagsakep it muꞌsang taw kat sinirungat langit, isaꞌun begayan kut kaꞌgenang egay kaskedan i muꞌsang ibinggay mut aken.

Juan 3:15

Temed ituy kaꞌirgan it Ampuꞌang Diyus isaꞌun in siyuy mamayaꞌ it aken, nga aku na lamang i pagsarigan ya, siguradung mabgayan na kanyat kaꞌgenan nga egay kaskedan.”

Juan 3:33

Temed iyan namayaꞌ nat ipagpamatuud ya ngaytu, iyan i magpamatuud gasiꞌ nga Ampuꞌang Diyus, purus kamatuudan i kanyang pagꞌampangen.

Juan 6:40

Sabap talagang itu i kaꞌirgan it Amaꞌ ku, iyan muꞌsa nga mamayaꞌ it aken nga Anak ya, baw sumarig it aken, begayan sira it kaꞌgenan nga egay kaskedan. Baw egnen ku sirang muꞌsa asan it umur nat banwa.”

Juan 6:47

Kamatuudan tuy iꞌaat ku ngaytut imyu. Iyan nga mamayaꞌ baw pasakep it aken, may kaꞌgenan ya nga egay kaskedan.

Juan 6:51

Aku i pangaꞌen ngaytu nga magbegay it kaꞌgenan, nga limnampud nga garing duꞌut langit. May kaꞌgenan nga egay kaskedan it in siyu-siyuy kumaꞌen kaytu. Iyan pangaꞌen ngaytu nga ibgay ku, nga megay it kaꞌgenan nga egay kaskedan kat muꞌsang katataawan, sadili kung bilug.”

Juan 6:53

Aypaꞌ ka inaat sira ni Jesus, “Kamatuudan tuy iꞌaat ku ngaytut imyu. Magpuyrat makaꞌen mi i isi it Taga Langit nga Ipiyanganak it Taw baw maꞌinum mi i duguꞌ ya, talagang ega maꞌimyu i matuud nga kaꞌgenan.

Juan 6:54

Iyan magkaꞌen it isi ku baw magꞌinum it duguꞌ ku, may kaꞌgenan ya nga egay kaskedan, baw talagang egnen ku kanya it paꞌuliꞌ asan it umur nat banwa.

Juan 6:58

Sabap aku na ngaytu i matuud nga pangaꞌen nga garing duꞌut langit. Kayti, in siyu-siyuy kumaꞌen it itu nga pangaꞌen, may kaꞌgenan ya nga egay kaskedan. Ega matay nga subung it mga kagiyaringanan mi, maski maat nakakaꞌen na sira it manna ngayting pangaꞌen nga gimnaring duꞌut langit.”

Juan 6:62

Magꞌuꞌunu yan in maltegan mi nga patibung siꞌ i Taga Langit nga Ipiyanganak it Taw ka muliꞌ na duꞌun it giyaringan ya?

Juan 6:68

Katubag si Simon Pedro ngayti, “Ampuꞌan,” maat ya, “ay ari aduꞌunan namen it panulduꞌ mu gay magkabgay it kaꞌgenan nga egay kaskedan?

Juan 8:18

Ta aku i esa, ka magpamatuud aku pasar it sadili ku. Yay ikadwa nga magpamatuud gasiꞌ, Amaꞌ ku nga nagtaꞌeg it aken.”

Mga Binwat 10:38

Si Jesus ngaytu nga taga Nazaret, piniliꞌ kanya baw ipiyasiguru it Ampuꞌang Diyus kat Espiritu Santo nga piyapasarum duꞌun it kanya baw kat ega basta-bastang guna nga ibinggay it kanya. Nanlepkep-lekep kanya it banwa namen, nga magbuwat it mga magagayeng buwat, baw piyagayen ya i pati mga pagpapulpugun it maraꞌe-raꞌet, kat keseg it tabang it Ampuꞌang Diyus nga duꞌun it kanya nga pirmi.

Mga Binwat 2:22

Maat paꞌ ni Pedro, “Kamung mga kabilug ku nga tungtung-inapuꞌ ni Israel, pagnegan mit magayen i ipagꞌaat ku ngaytu. Si Jesus ngayan nga taga Nazaret, maꞌyag nga siyarigan kanya it Ampuꞌang Diyus. Kamatuudan, kat keseg it guna it Ampuꞌang Diyus ngaytu, talagang ega basta-basta i nabwat ya situt imyu nga mga tandaꞌanan nga kalililuꞌang bagay. Urut mi nagaytu ka nagpasar kat mata mi.

Roma 4:11

Baw iyan miyabut na nga nanuriꞌ kanya, turiꞌ ya ngayti, katandaꞌ lamang it maski ega pay turiꞌ ya ipagpabetang kanya nang lagi it Ampuꞌang Diyus nga taw nga mataldeng sabap it pamayaꞌ baw pagsarig ya. Aypaꞌ, si Abraham ngaytu, subuk piyakaꞌamaꞌ it muꞌsa nga magpamayaꞌ baw magsarig it Ampuꞌang Diyus, maski ega sakep sirat urdin nga pagturiꞌ. Sira gasiꞌ, ipabetang nga mataldeng sabap it pamayaꞌ baw pagsarig nira.

Roma 6:23

Sabap maꞌyag nga kamataynen nga egay kaskedang panriga i liꞌwan it kasalaꞌan ngaytu. Temed maꞌyag gasiꞌ nga kaꞌgenang egay kaskedan i ipagꞌildaw ngaytut Ampuꞌang Diyus kat muꞌsang taw nga maglalagpit nat ki Cristo Jesus nga Ampuꞌan tami.

1 Corinto 6:13

Maat siꞌ it beken, “Iyan pangaꞌen, talagang ipagbetang lamang kat tinaꞌi, baw egay beken nga pagꞌargan it tinaꞌi in daꞌga pagbetangan it pangaꞌen. Aypaꞌ in paggetmanan, simpri kumaꞌen. Tutal, mabut i aldaw nga awaꞌen it Ampuꞌang Diyus i pangaꞌen, pati tinaꞌi ta ka ega nay pagꞌargan. Atkayan naga i bilug ta. Unuka ega sumbayaꞌen tami i kaꞌirgan ya nga manguꞌi-kuꞌit it maski siyu nga magꞌireg gasiꞌ? Tutal, mabut i aldaw nga maꞌawaꞌ gasiꞌ i bilug ta, pati mga kaꞌirgan ya ngaytu.” Temed ega talaga magayen yan. Sabap ega yay pagꞌargan it bilug ta, pamakun duꞌun it ega asawa ta. In daꞌga iyan i pagꞌargan, ikabantug it Ampuꞌan. Baw Ampuꞌan ngaytu i kat ikagayen it bilug ta.

1 Corinto 9:2

Maski ega pagkilalaen it beken i pagkaꞌapustul ku temed kamu siguru, pagkilalaen mit imyu. Ka pamayaꞌ mi ngaytu it Ampuꞌan i magpamatuud it pagkaꞌapustul ku.

2 Corinto 4:18

Aypaꞌ ka ega iyan i ipagpadaꞌeg kat nakem namen, mga bagay situt banwa nga magkaltegan it mata, in daꞌga mga bagay duꞌut langit nga ega paꞌ magkaltegan. Ka mga bagay situt banwa, ega magpaneꞌteꞌ, temed mga bagay duꞌut langit, magpaneꞌteꞌ yan it manupusan.

Galacia 5:6

In maglalagpit tami nat ki Cristo Jesus talagang ega nay kuwintaꞌ it pagturiꞌ ngaytu in naturiꞌan u ega. Iyan i ega matuduꞌ, kamatuudang pamayaꞌ baw pagsarig it ki Cristo ngaytu nga magkamuyaan kat kadakulat raras tat masigkataw ta.

Filipos 2:13

Sabap Ampuꞌang Diyus ngaytu i magpanakem it imyu it makusunud baw magbegay it imyu it kakayaan nga mabwat mi i kaꞌirgan ya.

Colosas 1:29

Aypaꞌ pagpaꞌresan ku nga banar i katengdanan ku ngaytu kat keseg it ega basta-bastang kakayaan nga ipagbegay ni Cristo it aken.

Colosas 2:22

Itung mga panulduꞌ, tuturan-manuturan lamang it taw. Ega talagay kapulusan, ka itung mga bagay nga pagbawalen nira, basta nakaꞌen u naꞌinum na, yanay seked ipaliꞌwan nat bilug ta. Egay pakinabang nira in pasar it mga bagay nga pagsagyaan it Ampuꞌang Diyus kat pangaꞌgenan ta.

Colosas 3:2

Eeꞌ baꞌ, pagpipikiren mi nga pirmi i mga panlangit nga bagay, ega na maat mga bagay nga situt banwa.

1 Tesalonica 1:3

Sabap pagdedemdemen namen nga pirmi i buwat mi nga buwaꞌ it pamayaꞌ mi, mga paꞌres mi nga magbayaꞌ it raras mit esa may esa, baw pagsagkaꞌ mit kakuriꞌan it magayen i nakem. Pagsagkaꞌ mi ngaytu, tanaꞌan ya, mapaꞌgen nga paniguru mi. Ka pagsisiguruun mi nga, sabap it pagsarig baw pamayaꞌ mi it Ampuꞌan tami nga si Jesu-Cristo, maribri kamu asan it umur nat banwa, nga duꞌun kamu na it adapan it Ampuꞌang Diyus nga Amaꞌ tami.

2 Timoteo 2:19

Temed talagang mapaꞌgeng-mapaꞌgen i kamatuudan nga garing duꞌut Ampuꞌang Diyus baw magꞌuꞌunay sikaytu i pamayaꞌ it mga taawan ya. Binggayan ya paꞌ sirat kariꞌgenan nga magꞌaat, “Magkakilalaan it Ampuꞌang Diyus i kumpur taawan ya nga matuud.” Baw paꞌugdun ya paꞌ, “Kaꞌilangan nga in siyuy magpamatuud nga nagpasakep na kanyat Ampuꞌan, paꞌalaidan yay muꞌsang karaꞌe-raꞌetan.”

Hebreo 12:16

Magꞌintur kamu gasiꞌ nga egay asat imyu nga mapiyamakun kat ega asawa ya. Baw sana egay maski siyu it imyu nga ega magꞌintindi it mga bagay nga ega basta-basta kat panleteg it Ampuꞌang Diyus, subung it ki Esau nga, pudir ya kat pagkapanganay, itiyukar yat sang pinggan lamang i pangaꞌen.

Hebreo 4:11

Aypaꞌ paꞌres tami nga makaꞌuyut it kapaꞌnaan ngaytu, isaꞌun daꞌtami makasbung it beken ngayting mga Israelita nga nariga-riga lamang sabap it ega namagsunud it mga inaat it Ampuꞌang Diyus.

Santiago 1:11

Daꞌga baꞌ, iyan dikut, magpanluyus in masgaꞌ nga masgaꞌ i init? Ta in nanluyus mana, matagar nay burak ya nga magpagayen it kanya nga pagletganan. Ta atkayan i kabilangan it manggaden ngaytu. Mabut talagay matay kanya, maski maat magkasasaw paꞌ it mga kubwaten ya nga panulus.

1 Pedro 1:24

Ka inaat ngayan it kasuratan, “Muꞌsang taw, kabilangan nira, subung it dikut, baw, kagayen nira, subung lamang it mga bura-burak it dikut ngaytu. Ka dikut, magpanluyus, baw magkatagar i burak.

2 Pedro 1:17

Sabap kaꞌibaan ya naga kami, iyan ipiyalteg it Diyus Amaꞌ i kataꞌasan baw kabantug ni Jesu-Cristo ngaytu. Baw nagnegan namen i ampang yat kanya, nga duꞌun it ega basta-bastang kabantugan ya nga duꞌut langit i garing. Ampang ya ngayting magꞌaat, “Itu i pagmaꞌa-maꞌalen ku nga anak ku, nga talagang kasasagyaan ku.”