Juan 6:26 - Tagbanwa

²⁶ Pagtubag ni Jesus, maat ya, “Matuud tuy iꞌaat ku ngaytut imyu, nga pagtulusun mi aku, ega sabap duꞌun it naltegan mi ngayti nga mga tandaꞌanan nga kalililuꞌan, in daꞌga sabap it nakakaꞌen kamu baw namagkaꞌgen.

Juan 6:26 Iomraidhean Croise

Juan 3:3

Katubag si Jesus, nga maat ya, “Itu talagay kamatuudan nga isugid kut imu. Egay makaꞌuyut duꞌun it kaꞌadiꞌan it Ampuꞌang Diyus, in daꞌga iyan lamang nga ipiyanganak it sumaꞌup.”

Juan 3:5

Timnubag si Jesus, “Kamatuudan tuy iꞌaat ku ngaytut imu. Egay makaꞌuyut duꞌun it kaꞌadiꞌan it Ampuꞌang Diyus in daꞌga kanya lamang nga ipiyanganak it danum baw Espiritu Santo.

Juan 6:14

Pagkalteg it kadakel it tandaꞌanan ngayting kalililuꞌan nga binwat ni Jesus, maamaatan sira, “Siguru itu nay Prupitaꞌ ngayan nga mabut situt banwa.”

Juan 6:15

Iyan namuyaan ni Jesus nga may kubwaten nat kadakel ngayti, nga regesen na kanya ka ipaꞌdung na kat pagkaꞌadiꞌ, tiyananan ya na sira, nanungul nat esa-esa ya.

Juan 6:2

Tiyundug kanya it dakel na nga mga taw sabap it magkaltegan nira ngayti nga mga tandaꞌanan nga kalililuꞌang bagay nga pagbuwaten ya, nga pagpagayenen ya i mga magsarut.

Juan 6:24

Aypaꞌ iyan namuyaan it mga taw nga ega na duꞌun si Jesus baw mga alagad ya ngayti, binwat nira, namagsakay nga nandipag duꞌun it Capernaum, ka tulusun nira si Jesus.

Juan 6:30

Maat siꞌ it mga taw ngayti, “Ay unuy makapaliꞌwan mu nga tandaꞌanan nga kalililuꞌang bagay isaꞌun makapamayaꞌ kami it imu? Ta unu yan i mabwat mu nga subraꞌ paꞌ it pagpakaꞌnen i katataawan?

Juan 6:36

Temed daꞌga baꞌ inaat ku na it imyu, unu pay daꞌawa mi it naltegan mi na aku, temed it ega magpamayaꞌ kamut aken?

Juan 6:47

Kamatuudan tuy iꞌaat ku ngaytut imyu. Iyan nga mamayaꞌ baw pasakep it aken, may kaꞌgenan ya nga egay kaskedan.

Juan 6:53

Aypaꞌ ka inaat sira ni Jesus, “Kamatuudan tuy iꞌaat ku ngaytut imyu. Magpuyrat makaꞌen mi i isi it Taga Langit nga Ipiyanganak it Taw baw maꞌinum mi i duguꞌ ya, talagang ega maꞌimyu i matuud nga kaꞌgenan.

Juan 6:64

Temed ta, may mga situ nga ega kamatuudan i pamayaꞌ nirat aken.” Miyampang si Jesus it atkayti ka, garing paꞌ it tagnaꞌ, urut ya na in siyu may siyu i ega matuud i pamayaꞌ it kanya, baw in siyu i subuk dumagang it kanya.

Roma 16:18

Yay matuud atkayan nga mga taw, ega magsirbi it Ampuꞌan tami nga si Jesu-Cristo in daꞌga mga sadili nirang kaꞌiꞌirgan nga maraꞌe-raꞌet. Magkaꞌrut talaga sira mampang baw mangilut-ilut it maꞌiba nira, aypaꞌ madaliꞌ mateꞌag-teꞌag nira i mga kurang pat kasepsep, nga egay maski unu nga tandes it aꞌakal kat baꞌbaꞌ it masigkataw nira.

Filipos 2:21

Ka kadaklan it mga beken, iyan lamang i pagsarungaen nirang pirmi, sadili nirang kaꞌirgan, ega maat mga bagay nga ikasagya ni Jesu-Cristo.

Filipos 3:19

Temed nakasiguru nayan nga kamataynen nga egay kaskedang panriga i abutun nira. Itung mga taw, sadili nira nga bilug i piyakadiyus nira, ka pirmi nira nga pagsumbayaꞌen i maraꞌe-raꞌet nga kaꞌirgan it bilug nira. Ipagpatuꞌgud nira paꞌ i mga dapat sana nga eyaꞌan nira, baw ta, yanayan yay paglabiyen nira, mga bagay nga situt banwa.

1 Timoteo 6:5

Mga taw ngaytu, pirmi na nga magpakidaꞌeg ka karaꞌe-raꞌetan nay nakapnuꞌ it pikir nira. Talagang naꞌlam nat kanira i kamatuudan. Pananu-tanud nira, pagsunud nirat Ampuꞌang Diyus, panulus nga ipagmanggad.