Juan 6:2 - Tagbanwa

² Tiyundug kanya it dakel na nga mga taw sabap it magkaltegan nira ngayti nga mga tandaꞌanan nga kalililuꞌang bagay nga pagbuwaten ya, nga pagpagayenen ya i mga magsarut.

Juan 6:2 Iomraidhean Croise

Mateo 12:15

Ega nataguꞌ it ki Jesus i iti ngayti nga riyunding. Aypaꞌ ka liminꞌid kanya duꞌun. Dakel i mga taw nga dimnasun it kanya, baw piyagayen ni Jesus i muꞌsa nga may mga sarut.

Mateo 13:2

Nagsigꞌabut i dakel na nga mga taw duꞌun it kanya. Aypaꞌ binwat ya, nagpasakay duꞌun it sakayan nga maglultaw. Kadakel it taw ngayti, duꞌun nat binit.

Mateo 14:14

Aypaꞌ pagpanlampud ni Jesus duꞌut inabutan ya ngayti nga rugar, yay piyagꞌaꞌandaꞌan it mata ya, dakel na nga mga taw. Siyanguꞌan ya sira. Piyagayen ya i mga may sarut nga taba-taban it mga taw ngayti.

Mateo 8:1

Pagpanadsad ni Jesus duꞌun it bulud ngayti, dakel siꞌ nga taw nga magdasun-dasun it kanya.

Marcos 1:45

Temed pagpanaw it taw ngayti, ipiyanugid-sugid ya in magꞌuꞌunu mindek i sarut ya ngayti. Aypaꞌ biyaraꞌan, ega na magkapalansangan si Jesus it magparayag-rayag sabap gandur nat taw i mamagpaꞌaduꞌut kanya. Duꞌun na lamang kanya it liꞌwan it lansangan, kat mga rugar nga kapupuyangtan. Pagꞌaduꞌunun na kanya it mga taw nga maggaring kat paꞌari-aring rugar.

Marcos 6:33

Temed dakel nagay nakalteg it kanira nga gimnaring baw magkakilala gasiꞌ. Ta buwat nira, mamagpapalagyuy gimnaring duꞌut kanya-kanyang pagtataꞌidan, magpaꞌaduꞌun it padungguꞌan na Jesus.

Juan 11:47

Aypaꞌ tiningped it mga pagbayaꞌen it sasirduti baw mga Pariseo i mga kaꞌibaan nira nga manigꞌukuman, mga kaꞌuyutan it Sanedrin. Pagkatingped nira, maat nira, “Unuytuy magayen nga buwaten tami, it dakel nang tandaꞌanan nga mga kalililuꞌang bagay i pagbuwaten it itung taw?

Juan 12:18

Aypaꞌ dakel na nga mga taw nga simnusmu it ki Jesus, sabap nabaritaꞌan nira i binwat ya ngayti nga tandaꞌanan nga kalililuꞌang bagay.

Juan 12:37

Maski dakel na nga naltegan it mga katataawan ngayti nga binwat ni Jesus nga mga tandaꞌanan nga kalililuꞌang bagay, ega ga lamang pagpamayaꞌnen nira kanya.

Juan 2:11

Itu ngaytu nga binwat ni Jesus duꞌun it Cana nga sakep it Galilea, uꞌnaytu nga tandaꞌanan nga kalililuꞌang bagay nga binwat ya. Baw binwat ya ngaytu, ipiyagpamatuud it kabantugan ya, baw liꞌwan ya, namayaꞌ nat kanya i mga alagad ya ngayti.

Juan 2:23

Iyan duꞌun ngayti si Jesus it Jerusalem it Pistaꞌ ngaytit Tiyaꞌliban, dakel i mga namagpamayaꞌ it kanya, iyan naltegan nira i mga tandaꞌanan nga mga kalililuꞌang bagay nga pagbuwaten ya.

Juan 20:30

Dakel paꞌ i mga tandaꞌanan nga kalililuꞌang bagay nga binwat ni Jesus, nga nagpasar kat matat mga alagad ya ngayti, temed ega na nakabtang situt itu ngaytung kasuratan.

Juan 3:2

Kaꞌsang delem nanungbalay kanya duꞌut ki Jesus. Maat ya, “Manigtulduꞌ, magkaꞌrutan namen nga esa ka nga Manigtulduꞌ nga ipiyatindeg it Ampuꞌang Diyus, sabap egay magkabwat it mga kalililuꞌang bagay nga subuk imu nga pamagbuwaten, in daꞌga pagtabangen kanyat Ampuꞌang Diyus.”

Juan 6:14

Pagkalteg it kadakel it tandaꞌanan ngayting kalililuꞌan nga binwat ni Jesus, maamaatan sira, “Siguru itu nay Prupitaꞌ ngayan nga mabut situt banwa.”

Juan 6:22

Pagꞌeyag it aldaw, duꞌut sang dipag ngayti nga giyaringan na Jesus, duꞌun nagay kadaklan ngayti. Magꞌelat sirat ki Jesus ka namuyaan nira nga ega simnakay nga kaꞌibaan it mga alagad ya ngayti it nandipag, baw egay duꞌun nga beken nga masakayan ya.

Juan 6:26

Pagtubag ni Jesus, maat ya, “Matuud tuy iꞌaat ku ngaytut imyu, nga pagtulusun mi aku, ega sabap duꞌun it naltegan mi ngayti nga mga tandaꞌanan nga kalililuꞌan, in daꞌga sabap it nakakaꞌen kamu baw namagkaꞌgen.

Juan 6:30

Maat siꞌ it mga taw ngayti, “Ay unuy makapaliꞌwan mu nga tandaꞌanan nga kalililuꞌang bagay isaꞌun makapamayaꞌ kami it imu? Ta unu yan i mabwat mu nga subraꞌ paꞌ it pagpakaꞌnen i katataawan?