Juan 5:7 - Tagbanwa

⁷ “Agalen, abaa, in ireg lamang,” katubag kanya, “takaꞌ ega bay magpalampud it aken in rimimen nay danum ngaytu. Magpaꞌere-eres aku nayan it manlampud temed it magkauꞌnaan aku.”

Juan 5:7 Iomraidhean Croise

Juan 5:2

Duꞌun it iting siyudad, adeꞌdeng duꞌun it pagpangaranan it Puwirtaꞌan it mga Tupa, may dakulaꞌ nga ipiyaldung nga danum. Pangaran it itiꞌen kat Hinebreo, Betesda. Lima i mga pagꞌaꞌatpan kat linibut ya.

Juan 5:3

Magkatingped duꞌun i kadakel it mga sasarutun, mga beleg, mga pilay, baw mga may patay nga bagit bilug. Pagꞌelaten nira, rimimen i danum ngayti.

Juan 5:4

Sabap katuturanan nira, magpanlampud sumang kaꞌanu i esang anghil it Ampuꞌang Diyus baw pagkawkawun yay danum ngayti. Siyu-siyuy makauꞌna it lumampud baw temegday it danum ngayti in makawkaw na, maski unu nga sarut i sarut ya, gumayen na.

Juan 5:6

Naltegan kanya ni Jesus. Urut ya nga naꞌlay na nga siyarutan it iting taw. Inlep ni Jesus baw iningkut ya, “Unu, ireg mu nga medek i sarut mu ngaytu?”

Roma 5:6

Panawun it pikiran mi i kadakulat raras ngaytut Ampuꞌang Diyus. Sabap, iyan ega talagay mabwat it taw isaꞌun maribri kat panriga sabap it kasalaꞌan nira, kat timpu nga ipiyabetang-betang it Ampuꞌang Diyus, ipiyalampud ya si Cristo nga paturuꞌ it duguꞌ ya ka tumanggung it kasalaꞌan it taw.

1 Corinto 9:24

In ipasubung tat kuntis i pagsunud tat Ampuꞌan, daꞌga baꞌ magkaꞌrutan mi nga iyan mga uyut it malagyu, mamagpalagyu nga muꞌsa, temed simpri iyan mandaꞌeg lamang i katanggap it pirimyuꞌ? Aypaꞌ gayen-gayenen mi nga palagyu isaꞌun mapirimyuꞌan kamu gasiꞌ i imyu.