Juan 5:5 - Tagbanwa

⁵ May duꞌun nga sang kataawan nga lalaki, nga tulung puluꞌ may walu nang taꞌun i kaꞌlay it siyarutan ya.

Juan 5:5 Iomraidhean Croise

Marcos 9:21

Iningkut ni Jesus i amaꞌ it waꞌwaꞌ ngayti. Maat ya, “Kaꞌnu bay pagpapuꞌun it pulpug ya ngaytu?” “Garing paꞌ bayan it deke-dekeyeꞌ paꞌ,” tubag it amaꞌ it waꞌwaꞌ ngayti.

Lucas 13:16

Ta kayti, itu nga babay nga tungtung-inapuꞌ naga ni Abraham, sang puluꞌ baw walu na nga taꞌun i kaꞌlay it subuk pagbabayukun kanya ni Satanas. Daꞌga baꞌ kaꞌilangan nga subuk uꞌbadan na kanya, maski Aldaw it Kapaꞌnaan?”

Lucas 8:43

May esa gasing babay duꞌun nga sang puluꞌ may duwang taꞌun na nga pagduguꞌun it ega na ugaliꞌ. Maski siging paꞌubaꞌubat ya temed egay magkapdek.

Juan 5:14

Ega naꞌlay, naltegan ni Jesus i piyagayen ya ngayti duꞌun it Templo nga papagsambaan. Pagkalteg ya, inaat ya, “Ta, magayen ka na kayti. Iyan indiꞌan mu nay kasalaꞌan. Ka in kayliyan mu paꞌ, subraꞌ payan sikayan i mabetangan mu nga kakuriꞌan.”

Juan 5:4

Sabap katuturanan nira, magpanlampud sumang kaꞌanu i esang anghil it Ampuꞌang Diyus baw pagkawkawun yay danum ngayti. Siyu-siyuy makauꞌna it lumampud baw temegday it danum ngayti in makawkaw na, maski unu nga sarut i sarut ya, gumayen na.

Juan 5:6

Naltegan kanya ni Jesus. Urut ya nga naꞌlay na nga siyarutan it iting taw. Inlep ni Jesus baw iningkut ya, “Unu, ireg mu nga medek i sarut mu ngaytu?”

Juan 9:1

Kaꞌsang magpanaw si Jesus, may napsagan ya nga beleg nga lalaki. Sekad yay beleg ya ngayti.

Juan 9:21

Temed ega magkaꞌrutan namen in unuka magkalteg na kanya kayti, baw ega gasiꞌ magkaꞌrutan namen in siyuy nagpagayen ngaytit kanya. Magayen kanya nay ingkutun mi, tutal ega na waꞌwaꞌ kanya. Makasugid ya nayan it magayen i pasar it bilug ya.”

Mga Binwat 14:8

Duꞌun it Listra may esang taw nga pilay. Buwat yat kanya, magꞌaꞌdung na lamang, ka ega magkapanaw. Sekad ya i pilay ya ngayti.

Mga Binwat 3:2

Ta, may esang taw nga pilay, nga pilay ya ngayti, sekad ya. Iting taw, aldaw-aldaw pagtabanen kanyat beken duꞌun it salakwatan it piyakakamaꞌyagan it Templo nga pagpangaranat Salakwatang Magayen, ka magpaꞌildaw-ildaw it kumpur mamagseled.

Mga Binwat 4:22

Ka piyagayen ngayti nga sekad yay pilay ya, subraꞌ nat epat nga pulung taꞌun i idad.

Mga Binwat 9:33

Ta, may naltegan ya nga esang lalaki nga pagpangaranat ki Eneas. Walung taꞌun nay kaꞌlay it biyuntulan ya, ka may patay nga bagit bilug ya.