Juan 5:46 - Tagbanwa

⁴⁶ In maat pagpamayaꞌnen mi si Moises, kaꞌilangan sana aku, pamayaꞌnen mi naga gasiꞌ, sabap mga isiyurat ya, aku talagay pagpaꞌiguꞌan.

Juan 5:46 Iomraidhean Croise

Genesis 12:3

Talagang ildawan ku gasiꞌ i kumpur mildaw it imu, temed iyan nga rumaꞌe-raꞌet it imu, ukumanan ku it panrigang sumpa ku. Yay matuud, garing it imu maꞌildawan i muꞌsang bangsat taw situt sinirungat langit.”

Genesis 18:18

Sabap piniliꞌ ku kanya nga garingan it esang dakulaꞌ nga bangsa. Baw muꞌsang bangsat taw kat sinirungat langit, talagang begayan kut dakulang ildaw nga subuk manggaring situt kanya.

Genesis 22:18

Baw manggaring kat mga tungtung-inapuꞌ mu, maꞌildawan i muꞌsang bangsa situt sinirungat langit, sabap siyunud mu i inaat ku it imu.”

Genesis 28:14

Matuud nga mga tungtung-inapuꞌ mu, dumakel sira nga subung it kapu-kapu it lugtaꞌ. Talagang lekpen nira i muꞌsang banwa, nga ayun kat sedpan, ayun kat lebatan, ayun duꞌut nurti, baw ayun duꞌut sur. Baw manggaring kat mga tungtung-inapuꞌ mu, maꞌildawan i muꞌsang bangsa kat sinirungat langit.

Genesis 3:15

Ipabetang-betang ku nang magkuntraꞌ kamu na it babay ngaytu, kaꞌanakan ya baw imung kaꞌanakan. May kaꞌanakan ya nga rumunut it ulu mu. Ikaw, kumagat it aꞌay ya.”

Lucas 24:27

Bawnga ipiyaꞌyag ni Jesus it kanira i muꞌsa nga inaat duꞌun it kasuratan nga ampang it Ampuꞌang Diyus, nga kanya i pagpaꞌiguꞌan, gimnaring duꞌun it mga isiyurat ni Moises seked duꞌun it isiyurat it muꞌsang mga prupitaꞌ.

Juan 1:45

Si Felipe ngayti, tiyulus yay esang taw nga pagpangaranat ki Natanael ka siyugidan ya, nga maat ya, “Naparagan namen i pagpapuntuꞌan it siyangpit ni Moises duꞌut mga isiyurat ya baw siyangpit gasiꞌ it mga prupitaꞌ kat mga isiyurat nira. Si Jesus tu nga taga Nazaret nga anak na Jose.”

Juan 5:47

Temed ta, it ega pagpakimatuudun mi i mga isiyurat ya, magꞌuꞌunu mi pakimatuudun i mga pagꞌaaten ku ngaytu?”

Mga Binwat 26:22

Temed yay matuud, daꞌku pagpabaya-bayaꞌan it Ampuꞌang Diyus. Talagang pagtabangen ya aku seked it kayti ngaytu, aypaꞌ ka situ aku naga magtitindeg, nga egen paꞌ. Baw magpamatuud aku kat muꞌsang taw, timawaꞌ u mataꞌas, nga egay beken nga ipagpangadal ku in daꞌga iyan lamang, mga bagay nga mabut nga ipiyagsugid ni Moises baw mga prupitaꞌ.

Roma 10:4

Ka si Cristo talaga i nakasunud it kaꞌustuꞌan it muꞌsang mga urdin it Ampuꞌang Diyus. Baw sabap it kataldengan ya ngaytu tumaldeng kat panleteg it Ampuꞌang Diyus i kumpur mamayaꞌ baw sumarig it binwat ya nga karibriyan.

Galacia 2:19

Kat paꞌres kut pagsunud it mga urdin it rilihiyun tami nga mga Judio natantuwan ku na nga palan, maski sang unuy paꞌres ku, ega ipagkapisiꞌ it tumaldeng kat panleteg it Ampuꞌang Diyus. Aypaꞌ ka, inindiꞌan ku nay pagsunud kut mga urdin ngayti. Baw pagpaꞌresan ku nay pangaꞌgenan nga uyun nga pirmi kat kaꞌirgan it Ampuꞌang Diyus, ka subuk natay aku na nga uyut ni Cristo duꞌut krus.

Galacia 3:10

Takaꞌ iyan muꞌsa nga pagsunud nirat mga urdin kat rilihiyun it mga Judio i pagpaꞌresan nira isaꞌun maribri, pagsasakpan sirat panriga it Ampuꞌang Diyus. Sabap magbebtang duꞌun it kasuratan nga magꞌaat, “Siguradung rigaen it Ampuꞌang Diyus i ega magsunud it kaꞌustuꞌan it muꞌsang mga urdin nga magbebtang situt kasuratan ngaytu.”

Galacia 3:13

Temed kayti, ipiyagribri ta na ni Cristo kat panriga it Ampuꞌang Diyus, panriga yat mga ega ngaytu magkasunud it kaꞌustuꞌan i mga urdin. Ka imbis kita, si Cristo ngaytu i riniga it Ampuꞌang Diyus sabap it kasalaꞌan tami, subung nagat magsusurat nga magꞌaat, “Siyu-siyu nga pangimatay it kanya, ipaggantung duꞌun it kayu nga ipagrugsuk, naꞌiguꞌ it isiyumpa it Ampuꞌang Diyus nga panriga.”

Galacia 3:24

Aypaꞌ, iyan mga urdin ngayti, iyan i subuk manigpadisir it aten nga magpatantu it aten it kadakulaꞌ it kasalaꞌan tami isaꞌun mandangep tami duꞌun it ki Cristo. Ka in mamayaꞌ baw sumarig tami it binwat ni Cristo ngaytu, tumaldeng tami na kat panleteg it Ampuꞌang Diyus.

Deuteronomio 18:15

Ka may ipatindeg it AMPUꞌANG DIYUS kat mga kabilug mi nga esang prupitaꞌ nga subung nagat aken. Kaꞌilangan pagnegan mi kanyat magayen.