Juan 5:44 - Tagbanwa

⁴⁴ Ka iyan i pagꞌabaten mi, pagbantug it esa may esa, ega pagbantug nga garing duꞌun it matuud nga Ampuꞌang Diyus. Ta magꞌuꞌunu kamu yan makapamayaꞌ it aken?

Juan 5:44 Iomraidhean Croise

Mateo 23:5

Buwat nira, purus paleteg-leteg lamang it masigkataw nira. Iyan ipagbegkes kat ulu baw alima nga pagbetangan it isiyurat nga in pirang tagaꞌ nga ampang it Ampuꞌang Diyus, pagpalabgen niray kanira. Baw iyan mga ipagkabit duꞌun it sagyaden it gulamen, arubwatay i kanira.

Lucas 19:17

‘Magayen!’ maat it agalen ya ngayti. ‘Pagsagyaan kuy binwat mu ngayan. Kayti it namuyaan ku nga magkasarigan ka it maski dekeyeng bagay, papamaalaꞌen ku ikaw it sang puluꞌ nga kalansanganan.’

Juan 12:43

Ireg paꞌ nirang sagyaan sirat masigkataw nira, ega gat Ampuꞌang Diyus i sumagya it kanira.

Juan 17:3

Ituy mapisiꞌan nirat kaꞌgenang egay kaskedan, kamatuudang pagkilala nira it imu nga esa-esang matuud nga Ampuꞌang Diyus baw aku nga si Jesu-Cristo gasiꞌ nga tiyaꞌeg mu.

Juan 3:20

Iyan magbuwat ngaytut karaꞌe-raꞌetan, talagang ega ireg yay tidaw ngaytu. Ega ireg yang patpad ka maꞌyagan i buwat ya nga maraꞌe-raꞌet.

Juan 5:41

Ega maat iyan i pagꞌabaten ku, pagbantug it mga taw.

Juan 8:43

Unuka ega magkasepsepan mi i pagꞌaaten ku? Sabap siguru it ega kutanggapen mi i ipagpangadal ku ngaytu.

Roma 2:10

Temed kamatuudan talaga nga kabantugan, kaꞌimbengan it nakem, baw paggalang it kanira i matanggap it kumpur magbuwat ngaytu it magayen, uꞌna nay mga Judio, subung naga i beken nga bangsa.

Roma 2:29

In daꞌga kamatuudang Judio nga pagsagyaan it Ampuꞌang Diyus i esang taw in kat seled ya i pagkaJudio baw pagturiꞌ ya, nga nakem ya i subuk naturiꞌan ka nabaꞌgu it Espiritu Santo. Aypaꞌ pagsagyaan kanya it Ampuꞌang Diyus ka pagsunudun yay kaꞌirgan it Ampuꞌang Diyus it tingled i nakem ya, ega maat pagsunud nga desang paleteg-leteg lamang isaꞌun tuꞌgudun it masigkataw.

Roma 2:7

May mga taw nga mapiyaꞌres it buwat it magagayeng pagbuwaten ka iyan nagay kat nakem nira, nga galangen sira nga sakpen it ega basta-bastang kabantugan duꞌun it langit, baw begayan it egay kaskedang kaꞌgenan. Ta, sira ngaytu, siguradung begayan it kaꞌgenan ngaytu nga egay kaskedan.

1 Corinto 4:5

Aypaꞌ ega betanganan mit ukuman i maski siyu in magayen u ega i pagsirbi nira. Elaten mi i timpu nga ipangukuman kat pamaꞌuliꞌ it Ampuꞌan. Siguradu yan nga ipalbaw ya i mga bagay nga kayti magtataguꞌ paꞌ kat kadleman. Baw ipalbaw ya gasiꞌ i maski pagꞌantapen it nakem it kada esa. Bawnga tumanggap na i kada esa it kabantugan nga gumaring duꞌun it Ampuꞌang Diyus nga bagay it kanya-kanyang binwatan.

2 Corinto 10:18

Ka ega iyan magbantug it sadili ya i kilalaen nga magayen i adat, in daꞌga iyan pagbantugun it Ampuꞌang Diyus.

Filipos 2:3

Kaꞌilangan, egay buwaten mi nga maski unu nga bagay nga, antap it nakem mi, ipagpadaꞌeg i sadili u patuꞌgud lamang. In daꞌga, iyan i magayen, mapiyababaꞌ kamu, baw subraꞌ pat paggalang mit sadili mi i paggalang mi it maꞌiba mi.

1 Tesalonica 2:6

Ega gasiꞌ kanget it nakem namen i tuꞌgudun kami it taw, maski kamu u in siyu pang beken,

1 Timoteo 1:17

Aypaꞌ bantugun baw galangen it egay katupusan i Adiꞌ tami nga egay pinꞌunan, egay kaskedan, kanya nga egay kamataynen, nga ega magkaltegan it mata ta. Kanya lamang i Ampuꞌang Diyus, ega nay beken. Kamatuudan tu.

Hebreo 3:12

Aypaꞌ, mga kasulsugan, magꞌintur kamu nga pirmi isaꞌun sana egay maski siyu it imyu i may adat nga maraꞌway, nga ega tingled i nakem ya kat pamayaꞌ ya. Ka iyan nay tumaban it kanya it mangindiꞌ it Ampuꞌang Diyus nga egen it egay kaskedan.

Santiago 2:1

Mga kasulsugan ku, ta sana kat pamayaꞌ mi it mabantug nga Ampuꞌan tami nga si Jesu-Cristo, ega na adaten mi i may pagbidaꞌen nga taw.

1 Pedro 1:7

Ka mga kakuriꞌan ngaytu, bilang sukda-sukdan it pamayaꞌ mi, in unu matuud na nga talaga. Ka pagdedemdemen mi nga pirmi nga maski bulawan, kaꞌilangan nga sukdanan duꞌun it apuy isaꞌun masiguru nga talagang bulawan nga banar, ka simpri maꞌawaꞌ nat apuy i ega naga bulawan. Temed bulawan, maski marga nga bagay, may karanggaꞌan naga, ka pandenaꞌ lamang. Talagang marga pang banar it bulawan i pamayaꞌ mi, aypaꞌ kaꞌilangan naga nga masiguruwan. Bawnga, in nasukdanan na baw mamuyaan nga teꞌteꞌ talaga i pamayaꞌ mi ngaytu, bantugun baw galangen kamu in asan nat ipaꞌuliꞌ ni Jesu-Cristo.

Judas 1:25

Eeꞌ baꞌ, bantugun kanya, kanya nga esa-esa lamang nga Ampuꞌang Diyus, nga Manriribri tami kat keseg it binwat it Ampuꞌan tami nga si Jesu-Cristo. Duꞌut kanya nga pirmi i kabantugan, ega masbungan nga kataꞌasan, ega basta-bastang pamegbeg baw guna, garing paꞌ it tagnaꞌ baw seked it kaꞌnu-kaꞌnu nga egay katupusan. Kamatuudan tu.

1 Samuel 15:30

Kaꞌampang siꞌ si Saul, maat ya, “Talagang nagkasalaꞌan aku na baytung matuud, temed asi-asi pat imu, ireg ku kayti ngaytu, begayan aku nagat maski dekeyeꞌ mana nga paggalang kat adapan it mga ginuꞌu baw kadakel it mga Israelita. Bayaꞌen mu naga aku nga muliꞌ nga sumamba it AMPUꞌANG DIYUS mu.”