Juan 5:40 - Tagbanwa

⁴⁰ Temed ta, it ega naga ireg mi nga sumunud it aken isaꞌun mabgayan ku kamu it kaꞌgenan nga egay kaskedan.

Juan 5:40 Iomraidhean Croise

Mateo 22:3

Iyan simpan na, singkat ya nay mga uripen ya nga pamaꞌrutan nay kumpur inimbitar, temed daꞌsira kuparagiꞌ.

Mateo 23:37

Bawnga maat ni Jesus, “Kaꞌildaw-ildaw kamu talaga nga taga Jerusalem! Kamu nga magꞌimatay it mga prupitaꞌ baw pagbatuun mi i pamagpaꞌasituun it imyu it Ampuꞌang Diyus! In pira ku na nga bisis pagpaꞌresan nga taraꞌnaen i mga taw nga taga situ, nga subung it pagtaraꞌna it upa nga pagleꞌge-leꞌgepan ya i mga duduꞌduy ya, temed it ega ireg mi.

Juan 1:11

Naꞌasitu kanyat bangsa nga piniliꞌ ya, temed maski sira, mga taw ngaytung piniliꞌ ya nga sadili ya, daꞌsira timnanggap it kanya.

Juan 10:10

Iyan inaat ku nga bilang mananakaw, egay beken nga pagꞌengden ya, kutakaw, kuꞌimatay baw manranggaꞌ. Temed aku, naꞌasitu aku isaꞌun iyan mga bilang tupa ku, mabgayan ku it kaꞌgenan, baw kaꞌgenan nga ibgay ku, talagang ega basta-basta.”

Juan 3:19

Ukumanan sira it atkaytu sabap kanya nga paꞌaateng tidaw, naꞌasitu nat banwa, temed yagay paglabiyen it katataawan, kadleman, ega kaꞌyagan ngaytu, sabap it sigi gang buwat nirat karaꞌe-raꞌetan.

Juan 5:39

Talagang ubus suliꞌen, suliꞌen mi i ampang it Ampuꞌang Diyus kat mga kasuratan mi, ka pagsisiguruun mi nga maparagan mi duꞌun in magꞌuꞌunu maꞌimyu i kaꞌgenan nga egay kaskedan. Takaꞌ mga itu ngaytu, magpamatuud lamang tu pasar it aken.

Juan 5:41

Ega maat iyan i pagꞌabaten ku, pagbantug it mga taw.

Juan 5:44

Ka iyan i pagꞌabaten mi, pagbantug it esa may esa, ega pagbantug nga garing duꞌun it matuud nga Ampuꞌang Diyus. Ta magꞌuꞌunu kamu yan makapamayaꞌ it aken?

Juan 6:27

Kaꞌilangan paꞌres kamu, ega sabap duꞌun it pangaꞌen nga magranggaꞌ, in daꞌga yay paꞌresan mi, pangaꞌen nga ega magranggaꞌ baw magkabgay it kaꞌgenan nga egay kaskedan. Ibgay tu it imyu it kanya nga Taga Langit nga Ipiyanganak it Taw, sabap kanya i binggayan it Diyus Amaꞌ it pudir.”

Juan 6:37

Pasakep it aken i kumpur ipagbegay it Amaꞌ it aken. Talagang egay imugawun ku nga maski siyu nga magpasakep it aken.

Juan 6:40

Sabap talagang itu i kaꞌirgan it Amaꞌ ku, iyan muꞌsa nga mamayaꞌ it aken nga Anak ya, baw sumarig it aken, begayan sira it kaꞌgenan nga egay kaskedan. Baw egnen ku sirang muꞌsa asan it umur nat banwa.”

Roma 6:23

Sabap maꞌyag nga kamataynen nga egay kaskedang panriga i liꞌwan it kasalaꞌan ngaytu. Temed maꞌyag gasiꞌ nga kaꞌgenang egay kaskedan i ipagꞌildaw ngaytut Ampuꞌang Diyus kat muꞌsang taw nga maglalagpit nat ki Cristo Jesus nga Ampuꞌan tami.

Mga Ipiyalteg 22:17

Pagꞌaaten it Espiritu Santo baw mga taawan it Ampuꞌang Diyus, sira nga subuk asawaen it paꞌaateng Uꞌuybun It Tupa, “Daliꞌ na!” Baw muꞌsa nga makagneg it itung mga bagay, kaꞌilangan maat gasiꞌ sira nga, “Daliꞌ na!” Melep sini i siyu-siyu nga pagbaꞌnekan. Misiꞌ lamang i iyan magꞌireg it danum ngaytu nga magbegay it kaꞌgenan. Egaytu kaꞌman bayadan.