Juan 5:4 - Tagbanwa

⁴ Sabap katuturanan nira, magpanlampud sumang kaꞌanu i esang anghil it Ampuꞌang Diyus baw pagkawkawun yay danum ngayti. Siyu-siyuy makauꞌna it lumampud baw temegday it danum ngayti in makawkaw na, maski unu nga sarut i sarut ya, gumayen na.

Juan 5:4 Iomraidhean Croise

2 Mga Adiꞌ 5:10

Ega nanliꞌwan si Eliseo. Piyasugidan ya lamang nga magꞌaat, “Paꞌaduꞌun ka it danum it Jordan. Pagꞌabut mu, lemdep kat pitung ledep. Paniidan mu in daꞌga magꞌuliꞌnan siꞌ yan i lamilamit mu nga dati ka medek nayan i bangbang mu ngayan.”

Zacarias 13:1

Maat pay paꞌugdun it AMPUꞌANG DIYUS, “Kat aldaw ngayan, paburusun kuy tumbud nga ipaglimpiyuꞌ it kasalaꞌan baw karaꞌe-raꞌetan it muꞌsang mga kaduguꞌ-duguꞌan ni David, baw mga magtataꞌid duꞌun it Jerusalem.”

Mateo 11:12

Ka garing it pagpangadal ni Juan ngaytu nga uꞌna-uꞌnang namawtis seked kayti, talagang pagꞌapasen namen nga banar nga makalkep i kaꞌadiꞌan it Ampuꞌang Diyus, baw pagpatikesegan it mga taw i kapasakep kaytu.

Mateo 6:33

Aypaꞌ ipadaꞌeg mi nga pirmi kat nakem mi i kamatuudang pagpasakep mi it Ampuꞌang Diyus baw eꞌres nga pagsunud mi it pangaꞌgenang mataldeng nga ipiyagꞌurdin ya. Bawnga iꞌildaw yat imyu i mga bagay ngaytu nga pagkaꞌilanganen mi.

Lucas 13:24

“Talagang paꞌresan mi nga semled duꞌun it masupit nga puwirtaꞌan. Ka matuud i iꞌaat kut imyu nga mabut i aldaw nga dakel nay magreges nga kusled duꞌun it kaꞌadiꞌan it Ampuꞌang Diyus, temed ega na makasled ka nasauryan na.

Lucas 16:16

Iyan ega pay si Juan nga uꞌna-uꞌnang namawtis, iyan mga urdin ni Moises baw iyan mga isiyurat it mga prupitaꞌ i ipagpanulduꞌ. Temed garing it may si Juan na ngayti, iyan nay ipagpangadal, Magayen ngaytung Baritaꞌ pasar it kaꞌadiꞌan it Ampuꞌang Diyus. Baw pagpatikesegan it mga taw i kapasakep kaytu.

Juan 5:3

Magkatingped duꞌun i kadakel it mga sasarutun, mga beleg, mga pilay, baw mga may patay nga bagit bilug. Pagꞌelaten nira, rimimen i danum ngayti.

Juan 5:5

May duꞌun nga sang kataawan nga lalaki, nga tulung puluꞌ may walu nang taꞌun i kaꞌlay it siyarutan ya.

Juan 5:7

“Agalen, abaa, in ireg lamang,” katubag kanya, “takaꞌ ega bay magpalampud it aken in rimimen nay danum ngaytu. Magpaꞌere-eres aku nayan it manlampud temed it magkauꞌnaan aku.”

1 Corinto 6:11

Iyan katꞌesa may atkayan naga yan asat imyu. Temed kayti, linimpiyuꞌ kamu na kat mga kasalaꞌan mi, baw ipiyasiguru kamu na duꞌun it Ampuꞌang Diyus nga mga taawan ya na. Ipagpabetang ya na kamu nga ega nay kakasalaꞌan kat panleteg ya. Muꞌsa ngaytu, kat keseg it binwat it Ampuꞌan nga si Jesu-Cristo baw guna it Espiritu Santo it Ampuꞌang Diyus nga ipiyapasarum ya situt bilug ta.

1 Juan 1:7

Temed in pirmi ta nga magpangaꞌgenan uyun kat kaꞌyagan, nga alaid kat kasalaꞌan, subung nagat Ampuꞌang Diyus, nga kanya, purus kat kaꞌyagan talaga, magayen talagay pakiꞌiba-iba tami nga magpamayaꞌ it kanya. Baw iyan timnuruꞌ nga duguꞌ ni Jesus nga Anak ya, paglimpiyuꞌun ya kita, ka pagꞌawaꞌen yay muꞌsang kasalaꞌan ta.