Juan 5:39 - Tagbanwa

³⁹ Talagang ubus suliꞌen, suliꞌen mi i ampang it Ampuꞌang Diyus kat mga kasuratan mi, ka pagsisiguruun mi nga maparagan mi duꞌun in magꞌuꞌunu maꞌimyu i kaꞌgenan nga egay kaskedan. Takaꞌ mga itu ngaytu, magpamatuud lamang tu pasar it aken.

Juan 5:39 Iomraidhean Croise

Mateo 22:29

Katubag si Jesus, “Talagang kamaliꞌ i pasepsep mi, paribasay ega magkaꞌrutan mi i isiyurat nga ampang it Ampuꞌang Diyus, baw keseg it guna ya.

Marcos 10:3

Katubag si Jesus, maat ya, “Ay unuy ipiyagꞌurdin ni Moises it imyu?”

Marcos 12:10

Bawnga miningkut si Jesus, “Unu, ega paꞌ nabasa mi i itu nga ipiyagꞌaat duꞌun it isiyurat nga ampang it Ampuꞌang Diyus ngayan nga magꞌaat, ‘Iyan batu nga ega napakay it mga manigpatindeg it balay, palan yanagay giyamit nga piyakapakseg it balay.

Lucas 16:29

Temed katubag si Abraham, maat ya, ‘Mabasa it mga sulsug mu i isiyurat ni Moises baw mga prupitaꞌ nga ampang it Ampuꞌang Diyus. Duꞌun i mapisiꞌan nirat paꞌimbanda, basta pakimatuudun nira lamang.’

Lucas 16:31

Tiyubag siꞌ kanya ni Abraham, nga magꞌaat, ‘In talagang ega pagpakimatuudun niray mga isiyurat ngayti ni Moises baw mga prupitaꞌ gasiꞌ, simpri ega naga mapapamayaꞌ sira it maski esang patay na nga nagꞌegen manat paꞌuliꞌ.’”

Lucas 24:25

Mampang si Jesus, maat yat kanira, “Abaa, kadsen it ulu mi ngaytu! Subuk ega paꞌ magkaꞌbut it pikir mi ka ega pagpakimatuudun mi i kapuꞌsaan it ipagꞌaat it mga prupitaꞌ.

Lucas 24:27

Bawnga ipiyaꞌyag ni Jesus it kanira i muꞌsa nga inaat duꞌun it kasuratan nga ampang it Ampuꞌang Diyus, nga kanya i pagpaꞌiguꞌan, gimnaring duꞌun it mga isiyurat ni Moises seked duꞌun it isiyurat it muꞌsang mga prupitaꞌ.

Lucas 24:44

Bawnga inaat ni Jesus i mga alagad ya ngayti, maat ya, “Itu naytu i pagpaꞌiguꞌan ku it inaat ku it iyan magbaya-bayaꞌen tami paꞌ ngayan. Daꞌga basaꞌan maat ku nga kaꞌilangan nga matuman i muꞌsang isiyurat duꞌun it ampang it Ampuꞌang Diyus nga akuy pagpaꞌiguꞌan, muꞌsa ngayan nga ipiyasurat it ki Moises baw mga prupitaꞌ baw duꞌun it kasuratan nga pagpangaranat Mga Awit?”

Juan 1:45

Si Felipe ngayti, tiyulus yay esang taw nga pagpangaranat ki Natanael ka siyugidan ya, nga maat ya, “Naparagan namen i pagpapuntuꞌan it siyangpit ni Moises duꞌut mga isiyurat ya baw siyangpit gasiꞌ it mga prupitaꞌ kat mga isiyurat nira. Si Jesus tu nga taga Nazaret nga anak na Jose.”

Juan 5:32

Temed may beken nga magpamatuud it aken baw magkaꞌrutan ku nga talagang matuud i ipagpamatuud ya.

Juan 5:36

Temed may pamatuud pasar it aken nga subraꞌ paꞌ it pamatuud ngaytu ni Juan. Iyan mga pagbuwaten ku nga ipagpabwat it aken it Amaꞌ ku, iyan i magpamatuud nga aku, tiyaꞌeg it Amaꞌ it paꞌasitu.

Juan 5:40

Temed ta, it ega naga ireg mi nga sumunud it aken isaꞌun mabgayan ku kamu it kaꞌgenan nga egay kaskedan.

Juan 5:46

In maat pagpamayaꞌnen mi si Moises, kaꞌilangan sana aku, pamayaꞌnen mi naga gasiꞌ, sabap mga isiyurat ya, aku talagay pagpaꞌiguꞌan.

Juan 7:52

“Aa bilaꞌ,” maat i tubag it mga kaꞌibaan ya ngayti. “Unuytu? Unu, pati ikaw, esa nagat mga sisindiren ngayting taga Galilea? Saꞌup-saꞌupun mut masa i mga kasuratan tami, mamuyaan mu yan asan nga egay prupitaꞌ nga manggaring kat Galilea.”

Mga Binwat 13:27

Sira nga magtataꞌid duꞌut Jerusalem, pati mga pagbayaꞌen nira, ega inabut it pikiran nira nga si Jesus na ngaytuy Manriribri. Maski pagbasaen niray isiyurat it mga prupitaꞌ it kada matingped sira duꞌun it papagsambaan, ega natantuwan nira nga si Jesus naga i pagpapuntuꞌan it ampang ngayti nga pagbasaen. Temed ta, natuman nira talagay magbebtang duꞌun ka inukumanan nira si Jesus ngayti it kamataynen.

Mga Binwat 17:11

Talagang magagayen i adat it mga taga Berea, nga magayen pat mga taga Tesalonica. Ka masasagya sirang magpagneg it panulduꞌ ngayti na Pablo, baw aldaw-aldaw talagang pagꞌadalan nirat magayen i mga kasuratang ampang it Ampuꞌang Diyus, in unu, matuud i muꞌsa ngayting pagꞌaaten.

Mga Binwat 26:27

Bawnga nagpalingdan si Pablo duꞌun it ki Agripa. Maat ya, “Siguru, kagalang-galang nga Adiꞌ, pagpamayaꞌnen mu i magbebtang ngayti duꞌut mga isiyurat it mga prupitaꞌ. Talagang urut ku nga pagpamayaꞌnen mu.”

Roma 1:2

Itu nga kabagayan, pasar it karibriyan ngaytu, garing it tagnaꞌ pay banwa isiyanggup naytung lagi it Ampuꞌang Diyus duꞌut kasuratan nga purus ampang ya nga ipiyasurat yat mga prupitaꞌ ya.

Roma 3:2

Tubag ku, dakulaꞌ nagay kapulusan it pagkaJudio ta. Uꞌnat muꞌsa, mga Judio ngaytu i piyaskelan it Ampuꞌang Diyus it ampang ya it tagnaꞌ.

Deuteronomio 18:15

Ka may ipatindeg it AMPUꞌANG DIYUS kat mga kabilug mi nga esang prupitaꞌ nga subung nagat aken. Kaꞌilangan pagnegan mi kanyat magayen.

Deuteronomio 18:18

May ipatindeg ku kat mga kabilug nira nga esang prupitaꞌ nga subung nagat imu. Ipanakem ku it kanya i ipagpaꞌampang ku it kanya. Bawnga kumpur ipagꞌurdin ku, isugid yat imyu.’

Colosas 3:16

Iyan mga ampang ni Cristo, pasigi nga idawaꞌ mit magayen asat ulu mi, isaꞌun masepsepan mi nga banar. Kat kasepsep nga begay it Espiritu Santo it imyu, pirmi kamung magtuldu-tulduꞌun baw magsulag-sulagen it esa may esa. Subung naga i pagkantaꞌ mit mga ampang nga magbebtang duꞌut kasuratan nga pagpangaranan it Mga Awit, baw beken nga mga kantaꞌ nga ipagbantug mi it Ampuꞌan baw ikseg it pamayaꞌ mi. Makiyantaꞌen kamu nga ipagsugid i pagbantug baw pasalamat mi duꞌut kanya.

Hebreo 11:16

Temed ega, in daꞌga subraꞌ pang magayen nga banwa i pagpaꞌbutun nira, nga egay beken, langit tuy paꞌaaten ngaytu. Aypaꞌ talagang ega ipagꞌeyaꞌ it Ampuꞌang Diyus nga mataꞌwag kanya nga kanirang Ampuꞌan, sabap talagang inargan ya sira it pirmaminting banwa nga mataꞌidan nira.

Hebreo 11:35

Sabap gasiꞌ it pamayaꞌ baw pagsarig duꞌun it Ampuꞌang Diyus, may mga babay nga nakanira naga i mga pagmaꞌa-maꞌalen nira nga miyatay na, ka inggen it paꞌuliꞌ. Iyan beken gasiꞌ miyataꞌmis nira pay matay kat pakuriꞌ it kanira, ega gat mangindiꞌ sira, ka urut nira nga egnen naga sira it paꞌuliꞌ baw begayan pat subrang piyakamagayen nga kaꞌgenan ka ega na matay.

Josue 1:8

Ega mu lipa-lipaten, pagbasaen mu nga pirmi baw ipagpademdem duꞌun it kadakel i magsusurat na ngaytu nga mga urdin ku. Kaꞌilangan, iyan i pagpipikiren mu it delem-aldaw, isaꞌun masunud mut magayen i kumpur magbebtang duꞌun, ka in atkayan, siguradu yan nga manggayen i pangaꞌgenan mu baw magayen i lapusan it muꞌsang buwaten mu.

Mga Ipiyalteg 19:10

Pagkagneg ku, nanluud aku duꞌun it sarungaan it magpakisugi-sugid ngaytit aken, ka sambaen ku kanya. Temed maat yat aken, “Ayaw! Ega mu buwaten i atkayan. Kaꞌilangan Ampuꞌang Diyus lamang i sambaen mu. Ka aku, manigsirbi ya gasiꞌ subung it imu baw subung it mga sulsug mu kat pamayaꞌ, sira nga magpamatuud it panulduꞌ nga ipiyaꞌrut ni Jesus. Sabap kamatuudan ngayting ipiyaꞌrut ni Jesus, itu nay pagpatalandagan it ampang it mga prupitaꞌ.”