Juan 5:32 - Tagbanwa

³² Temed may beken nga magpamatuud it aken baw magkaꞌrutan ku nga talagang matuud i ipagpamatuud ya.

Juan 5:32 Iomraidhean Croise

Mateo 17:5

Magꞌampang paꞌ si Pedro ngayti, inlungan sira it esang magsilaw na nga kunum. Duꞌun it kunum ngayti i sinraꞌan it ampang nga magꞌaat, “Itu i pagmaꞌa-maꞌalen ku nga Anak, nga talagang kasasagyaan ku. Pagnegan mi kanya it magayen.”

Mateo 3:17

Dengan it may ampang nga duꞌut langit i garing, nga magꞌaat, “Itu i pagmaꞌa-maꞌalen ku nga Anak nga talagang kasasagyaan ku.”

Marcos 1:11

Dengan it may ampang nga duꞌut langit i garing, nga magꞌaat, “Ikaw talagay pagmaꞌa-maꞌalen ku nga Anak. Talagang pagsagyaan ku ikaw nga banar.”

Lucas 3:22

Bawnga nagpasalu duꞌun it kanya i Espiritu Santo, nga subung it kalapatiꞌ i pamabilug. Dengan it may ampang nga duꞌut langit i garing, nga magꞌaat, “Ikaw talagay pagmaꞌa-maꞌalen ku nga Anak. Talagang pagsagyaan ku ikaw nga banar.”

Juan 1:33

Ega naꞌrutan ku nga kanya na. Temed Ampuꞌang Diyus nga timnaꞌeg it aken nga magbawtis it danum, kanya nagay nagꞌaat it aken, ‘Maltegan muy Espiritu Santo nga magpapasalu asan it esang taw baw pasarum nayan asat kanya. Ta, yanayan, yang taw i mamawtis nga Espiritu Santo i ipamawtis ya.’

Juan 12:50

Baw talagang magkaꞌrutan ku nga iyan mga ampang ya ngaytu i puꞌun it kaꞌgenan nga egay kaskedan. Aypaꞌ in unuy ipagpasugid it Amaꞌ, simpri iyan i pagꞌampangen ku.”

Juan 5:34

Ega maat kaꞌilangan kuy pamatuud it in siyung taw. Pagsangpiten ku lamang i pamatuud ni Juan isaꞌun maribri kamu in pamayaꞌnen mi.