Juan 5:30 - Tagbanwa

³⁰ Talagang ega mapakay nga may pagbuwaten ku nga pagsadiliyen ku lamang. Magꞌukuman aku uyun nga pirmi kat ipagꞌaat nagat aken it Amaꞌ. Aypaꞌ ka magayen i pangukuman ku, ka ega maat sadili ku nga kaꞌirgan i pagsunudun ku, in daꞌga iyan i pagsunudun ku, iyan nga kaꞌirgan it nagtaꞌeg it aken it paꞌasitu.”

Juan 5:30 Iomraidhean Croise

Genesis 18:25

Siguru ega nagaytu mapakay nga imatayen muy mga mataldeng ngaytu nga ipaꞌuyut mu na it mga mamagbuwat it karaꞌe-raꞌetan. Ta daꞌga, in buwaten mu nay atkayan, ega nagay piyagbelagan it mga mataldeng baw ega? Sana alaid naga kat pikir muytu! Daꞌga baꞌ kataldengan lamang i ipapanaw it Manigꞌukuman it sang kinleban?”

Mateo 26:39

Nagpaꞌala-alaid si Jesus duꞌut kanira. Kiminleb kanya bawnga nanalangin, nga magꞌaat, “Amaꞌ ku, in mapakay sana, ipaꞌalaid mut aken i itu nga labayen ku nga kakuriꞌan. Takaꞌ ega aken nga kaꞌirgan i masunud, in daꞌga imu nga kaꞌirgan.”

Juan 14:10

Unu, daꞌka magpamayaꞌ nga aku baw Amaꞌ ku, sang kagina-ginawaan kami? Iyan mga pagꞌampangen ku ngaytu nga ipagꞌaat kut imyu, egaytu pagsadiliyen ku na lamang, in daꞌga iyan Amaꞌ nga kasagpun kut ginawa ku, iyan i magbuwat it mga buwaten ya ngaytu.

Juan 17:4

Ipiyalteg ku na sinit sinirungat langit i kabantugan mu ka nakumplitu ku nay kumpur ipagpabwat mut aken.

Juan 18:11

Siyabatan ni Jesus si Pedro ngayti, maat ya, “Iꞌangkap muy yuꞌgut ngayan, ka ega daꞌgaen kuy kakuriꞌan ngaytu nga ipagpalabay it aken it Amaꞌ ku.”

Juan 4:34

Pagkamuya ni Jesus kayti, maat yat kanira, “Iyan bay paꞌaaten ku ngayan nga pangaꞌen ku, sunudun kuy kaꞌirgan it nagtaꞌeg it aken it paꞌasitu baw tumanen i iyan nga ipagpabwat yat aken.

Juan 5:19

Ta it atkayti, inaat ni Jesus i mga Judio ngayti, “Kamatuudan tuy pagꞌaaten ku ngaytut imyu, nga egay magkabwat it Anak in kat sadili ya na lamang, in daꞌga iyan i pagbuwaten ya, iyan nga magkaltegan ya nga pagbuwaten it Amaꞌ. Iyan pagbuwaten it Amaꞌ ya, simpri iyan naga i buwaten ya.

Juan 6:38

Sabap nanlampud aku nga garing duꞌut langit, ega enged ku, buwaten ku i sadili ku nga kaꞌirgan, in daꞌga iyan kaꞌirgan it nagtaꞌeg it aken.

Juan 8:28

Aypaꞌ maat siꞌ ni Jesus it kanira, “Basta makapatindeg mi na i krus nga pagraransangan it kanya nga Taga Langit nga Ipiyanganak it Taw, sikayan payan matantuwan mi nga talagang matuud i ipagsugid ku nga in siyu aku. Maꞌrutan mi nga egaytuy pagbuwaten ku nga kat sadili ku na lamang, in daꞌga pagꞌampangen ku, iyan nga ipagtulduꞌ it aken it Amaꞌ ku.

Juan 8:42

“Ta in atkayan,” maat siꞌ ni Jesus ngayti, “in talagang mga anak kamu it Ampuꞌang Diyus, kaꞌilangan maꞌalen mi aku, sabap duꞌun it Ampuꞌang Diyus i giyaringan ku. Garing duꞌut kanya, naꞌasitu aku nat imyu. Ega naꞌasitu aku kat kaꞌirgan ku na lamang, in daꞌga matuud nga tiyaꞌeg ya aku.

Juan 8:50

Egaytu magtulus aku it sadili kung kabantugan. Amaꞌ ku i baalaꞌ kayan. Kanya i magpanindeg it aken baw magꞌukuman it imyu.

Roma 15:3

Sabap, maski si Cristo, iyan situ paꞌ kanyat banwa, ega sadili yang kaꞌirgan i kat nakem ya. Ka subuk natuman duꞌut kanya i magsusurat duꞌun it kasuratan nga magꞌaat, “Mga panibabaꞌ nirat imu, Ampuꞌang Diyus, aku ngaytu i naꞌiguꞌ.”

Roma 2:2

Talagang magkaꞌrutan ta nga purus mataldeng i ukuman nga ibetangan it Ampuꞌang Diyus kat mga magbuwat ngaytut atkaytu.

Roma 2:5

Yay matuud, sabap it kadsen it ulu mi baw, iyan daꞌkamu na ngayan magsinguliꞌ, pagpabeꞌgaten mi na talagay panriga nga ibetangan it imyu in asan nat aldaw nga ipatantu nat Ampuꞌang Diyus i iseg ya baw ukumanan yat ega basta-bastang kataldengan i kasalaꞌan it taw.