Juan 5:23 - Tagbanwa

²³ isaꞌun nga galangen it muꞌsang katataawan i Anak, subung nagat paggalang nira it Amaꞌ ya. Ka yay matuud, in siyu nga egay paggalang it Anak, ega gasiꞌ paggalangen yay Amaꞌ nga timnaꞌeg it Anak nga paꞌasitu.

Juan 5:23 Iomraidhean Croise

Isaias 42:8

Aku lamang nga AMPUꞌANG DIYUS i kamatuudan nga Ampuꞌan it muꞌsa. Ega ipalugut ku nga agawun it beken i kabantugan ku, u sambaen it maski siyu i mga pagbete-beteꞌen nga diyus.

Zacarias 9:9

Sumagya kamu nga sumagya, mga taga Sion. Igaꞌuy-gaꞌuy mi i kasagyaan mi, mga taga Jerusalem. Sabap magdadarapaꞌ na i magꞌadiꞌ situt imyu. Mataldeng kanya nga ruyut baw pirmi nga pagtabangen it Ampuꞌang Diyus isaꞌun mandaꞌeg. Mapiyalulus kanya baw kabayuꞌ nga asno i pagsasakayan ya, esang uꞌuybun nga uꞌuybun it asno.

Mateo 10:37

Iyan taw nga subrang pagmaꞌalen yay amaꞌ u inaꞌ ya, nga subraꞌ paꞌ it pagmaꞌal yat aken, ega mapakay kanya nga taawan ku. Baw iyan magmaꞌal it anak ya nga subraꞌ paꞌ it pagmaꞌal yat aken, ega mapakay kanya nga taawan ku.

Mateo 11:27

Pagkapanalangin, maat ya siꞌ, “Ipiyagꞌintergaꞌ it aken it Amaꞌ ku i muꞌsang mga bagay. Egay magkakilala nga banar it Anak in daꞌga Amaꞌ lamang. Baw ega gasiꞌ i magkakilala it Amaꞌ in daꞌga Anak, baw in siyu-siyu nga piliꞌen it Anak ngaytu nga paꞌyagan ya pasar it Amaꞌ.

Mateo 12:21

Baw iyan karibriyan nga pagꞌiꞌinawaren it muꞌsang bangsa, isarig nira it kanya.”

Mateo 15:8

‘Pagsirbi baw pagsamba it aken it itung mga taw, kat munung nira lamang nga egay kamatuudan nga pagmaꞌal nirat aken.

Mateo 28:19

Aypaꞌ buwaten mi, lekpen mi i muꞌsang mga bangsa, nga ipanulduꞌ mit kanira it eꞌres nga panulduꞌ i pasar it Magayeng Baritaꞌ isaꞌun masepsepan nirang banar baw kapasakep it aken it kamatuudan. Bawtisan mi i pasakep ngaytu, kat ngaran it Amaꞌ baw kat Anak baw kat Espiritu Santo.

Lucas 10:16

Maat pay paꞌugdun ni Jesus duꞌun it mga alagad ya, “Iyan magpagneg it imyu, aku yan i pagpagnegan nira. Iyan gasiꞌ magpandaꞌga it imyu, magpandaꞌga gasiꞌ yan it aken. Baw iyan magpandaꞌga it aken, magpandaꞌga gasiꞌ yan it Amaꞌ ku nga nagtaꞌeg it aken.”

Juan 14:1

Tiyulduꞌan siꞌ ni Jesus i mga alagad ya ngayti nga magꞌaat, “Ayaw kamu nat kasusa. Papaꞌgenen mi i pamayaꞌ mit Ampuꞌang Diyus. Papaꞌgenen mi gasiꞌ i pamayaꞌ mit aken.

Juan 16:14

Ipalteg yay kadakulat kabantugan ku, ka purus garing situt aken i muꞌsang sugiden yat imyu, nga mga ampang baw buwat kuy ipaꞌyag ya.

Juan 17:10

Iyan muꞌsa nga aken, imu nagaytu, baw kumpur imu, aken naga yan. Baw matanyag duꞌut kanira i kabantugan ku.

Roma 1:7

Aypaꞌ kamu naytung muꞌsa asan it Roma i pagꞌabutun it surat ku ngaytu, kamu nga pagrarasan nang banar it Ampuꞌang Diyus, mga taw nga piniliꞌ baw ipiyapinpin ya nga mga taawan ya na. Ipagpanalangin ku nga sana asat imyu nga pirmi i ildaw baw kaꞌimbengan it nakem nga ipagbegay it Amaꞌ ta nga Ampuꞌang Diyus baw Ampuꞌan nagang si Jesu-Cristo.

Roma 15:12

Ta, maat pay inaat gasiꞌ it prupitaꞌ nga si Isaias, “May tumubuꞌ siꞌ kat mga tungtung-inapuꞌ ni Jesse. Iyan i timindeg nga mamaalaꞌ it mga bangsa nga ega Judio. Duꞌut kanya i paniguru nirat kagayenan.”

Roma 6:22

Temed ta, kayti nga piyaliꞌwan kamu na kat pamegbeg it kasalaꞌan, kayti nga nagpaꞌuripen kamu na it Ampuꞌang Diyus, dakulay kapulusan ya ka magpangaꞌgenan kamu na uyun kat kaꞌirgan ya, nga egay beken nga uliꞌan kaytu, kaꞌgenang egay kaskedan.

Roma 8:9

Temed kamu, paribasay magsasarum nay Espiritu Santo asat bilug mi, daꞌkamu na pagbebegbegan it mga singkadan mi ngaytung kaꞌiꞌirgan in daꞌga Espiritu Santo na ngaytuy magbebegbeg it imyu. (In beteꞌ ega magsasarum kat bilug it esang taw i isiyanggup ni Cristo nga Espiritu Santo, ireg sugiden talagang ega paꞌ sakep ni Cristo.)

1 Corinto 1:3

Ipagpanalangin ku nga sana asat imyu nga pirmi i ildaw baw kaꞌimbengan it nakem nga ipagbegay it Ampuꞌang Diyus nga Amaꞌ tami baw Ampuꞌan nga si Jesu-Cristo.

1 Corinto 10:31

Ega maat magꞌaꞌatkayan. Sana, kat muꞌsang pagbuwaten mi, in magkaꞌen, magꞌinum, u maski unu, magꞌintur nga kat ikabantug nga muꞌsa it Ampuꞌang Diyus.

1 Corinto 16:22

Rigaen it Ampuꞌang Diyus it ega pateng nga panriga i maski siyu nga egay kamatuudan nga pagmaꞌal ya it Ampuꞌan. Mabut ka na sana, Ampuꞌan namen!

1 Corinto 6:19

Unu, ega paꞌ magkaꞌrutan mi nga bilug mi, kabilangan ya, ega basta-bastang balay nga pagtataꞌidan it Espiritu Santo nga ipiyapasarum it Ampuꞌang Diyus? Aypaꞌ talagang ega nayan imyu i bilug mi in daꞌga, kat Ampuꞌang Diyus na.

2 Corinto 1:9

Tanud namen naꞌbut nay amen nga kapaladan. Palan, nakabetang kami lamang it atkayti isaꞌun daꞌkami sumarig it sadili namen nga kakayaan, in daꞌga guna lamang it Ampuꞌang Diyus, kanya nga manigꞌegen it maski miyatay na.

2 Corinto 5:14

Talagang kat muꞌsang pagbuwaten namen, yay magdadaꞌeg kat nakem namen, iyan nga kadakulat raras ni Cristo it aten. Ka in sangbat nga taw, natay nga biyatuꞌan yay muꞌsang taw, aypaꞌ kamataynen ya ngayti, ipagpabetang na nga kamataynen it puꞌsa.

2 Corinto 5:19

Ipagpanulduꞌ namen nga, kat kamataynen ni Cristo inabriyan it Ampuꞌang Diyus i dalan it ipagkagayen it taw duꞌut kanya. Ka sabap it kamataynen ngaytu ni Cristo, mapakay na nga ipabetang it Ampuꞌang Diyus i taw nga ega nay kakasalaꞌan nira. Baw ipiyakarguꞌ ya it amen i pangadal it kamatuudan sabap it ituꞌun ngaytu.

Efeso 6:24

Ipagpanalangin ku gasiꞌ nga subraꞌ nga begayan it ildaw it Ampuꞌang Diyus i muꞌsa nga may kamatuudang pagmaꞌal it Ampuꞌan tami nga si Jesu-Cristo.

2 Timoteo 1:12

Baw sabap it pagsarunga kut katengdanan ku ngaytu, nakabetang akut kakuriꞌan ngaytung atkaytu. Temed egaytu ipagpabetang ku nga kaꞌeꞌyaꞌan, sabap talagang kilalang-kilala kuy piyamayaꞌ ku ngaytu nga si Cristo Jesus. Baw pagsisiguruun ku nga kaya ya talaga nga tarimaen ya aku nga makateꞌteꞌ, isaꞌun pagꞌabut it aldaw ngayang ipangukuman, maꞌaken i karibriyan nga isiyarig kut kanya.

Hebreo 1:6

Baw ta, yan adeꞌdeng na nga palampudun na it Ampuꞌang Diyus situt banwa i Anak yang egay kasbung, maat siꞌ i inaat ya, “Talagang dapat kanya nga sambaen it muꞌsang mga anghil ku.”

2 Pedro 1:1

Aku nagang si Simon Pedro, nga manigsirbi baw apustul ni Jesu-Cristo, i garing kaytu. Pagsuratan ku kamung muꞌsa nga kasubung namen nga magpamayaꞌ baw magsarig it ki Jesu-Cristo. Kanyay Ampuꞌang Diyus baw Manriribri tami. Baw paribasay egay pagbidaꞌen ya, surubung tami nga inildawan ya it pamayaꞌ ngaytu.

2 Pedro 3:18

In daꞌga, kaꞌilangan pasigi kamu nga pagpapaꞌgenen mi i pamayaꞌ mi it Ampuꞌan baw Manriribri tami nga si Jesu-Cristo, kat ildaw nga ipagbegay ya. Baw paꞌresan mi i pagkilala mit kanya, isaꞌun dumakulaꞌ i kasepsep mi it kaꞌirgan baw adat ya. Dapat nga bantugun kanya kayti baw seked it kaꞌnu-kaꞌnu. Kamatuudan tu.

1 Juan 2:23

Ka in siyuy ega magpamatuud nga Anak it Ampuꞌang Diyus si Jesus, ega gasiꞌ mapakay nga pagtanggapen kanya it Diyus Amaꞌ. Temed kanya nga magpamatuud nga Anak talagat Ampuꞌang Diyus si Jesus ngaytu, simpri yay matuud, kanya gasing Amaꞌ i Ampuꞌang Diyus.

2 Juan 1:9

Iyan ega magpaneꞌteꞌ kat panulduꞌ ni Cristo, ka magpasaꞌli ga, talagang alaid kanya duꞌun it Ampuꞌang Diyus. Takaꞌ in siyu-siyuy magpaneꞌteꞌ kat panulduꞌ ngaytu ni Cristo, talagang pagteꞌteꞌan kanya it Diyus Amaꞌ baw Anak.