Juan 5:2 - Tagbanwa

² Duꞌun it iting siyudad, adeꞌdeng duꞌun it pagpangaranan it Puwirtaꞌan it mga Tupa, may dakulaꞌ nga ipiyaldung nga danum. Pangaran it itiꞌen kat Hinebreo, Betesda. Lima i mga pagꞌaꞌatpan kat linibut ya.

Juan 5:2 Iomraidhean Croise

Juan 19:13

Pagkagneg ni Pilato kayti it inaat it mga Judio ngayti, ipiyataban ya na si Jesus duꞌun sit liꞌwan. Bawnga miyadung kanya duꞌun it araꞌdungan it gubirnadur in magpangukuman, duꞌut rugar nga pagpangaranat Batu nga Kadaꞌtagan, nga kat Hinebreong ampang, Gabata.

Juan 19:17

Manliꞌwan si Jesus duꞌut siyudad ngayti, pagpapasaꞌnen ya nay krus ya. Tabanen na kanya duꞌun it rugar nga pagpangaranat Rugar it Barungutan. (Golgota in kat Hinebreo.)

Juan 19:20

Giyamit nga ampang duꞌut surat ngayti, Hinebreo, Liyatin baw Ginirego. Dakel i mga Judio nga magkabasa kayti, sabap adeꞌdeng duꞌun it siyudad i riyansangan it ki Jesus ngayti.

Juan 20:16

“Maria,” maat ni Jesus ngayti. Egay beken, nanarunga kanya baw nakagaꞌuy. Yanay naꞌampang ya, “Raboni!” (Ireg sugiden it Hinebreo ngayting ampang, Manigtulduꞌ.)

Juan 5:3

Magkatingped duꞌun i kadakel it mga sasarutun, mga beleg, mga pilay, baw mga may patay nga bagit bilug. Pagꞌelaten nira, rimimen i danum ngayti.

Juan 7:21

“Esa lamang nga bagay i binwat ku it Aldaw it Kapaꞌnaan, temed daꞌkamu na mamagkabaraꞌan baw naliluꞌan mi na,” maat siꞌ ni Jesus ngayti.

Mga Binwat 21:40

Ta, it piyalugtan kanya, timnindeg kanya duꞌun it ulun-ulunan it agdan baw ipiyatindeg yay alima ya ka may kuꞌampangen ya. Bawnga iyan ega nay magtingeg, miyampang na kanya kat Hinebreo nga ampang.

Mga Ipiyalteg 16:16

Ta tiningped na it mga mararaꞌe-raꞌet ngayti i muꞌsa ngayting kiyukus nira nga mga adiꞌ, pati mga sundaluꞌ nira, duꞌun it rugar nga pagpangaranat Armagedon in kat Hinebreo nga ampang.

Mga Ipiyalteg 9:11

Adiꞌ it mga iti ngayti, esang anghil nga magpamaalaꞌ duꞌun it siwang ngayting piyakamalgeb. Ngaran ya in kat Hinebreo nga ampang, si Abadon. In kat Ginirego nga ampang, si Apolion.