Juan 5:16 - Tagbanwa

¹⁶ Ta paribasay binwat ni Jesus i atkayti kat Aldaw it Kapaꞌnaan, timnalaluꞌ nay kupakuriꞌ it mga pagbayaꞌen it mga Judio it ki Jesus ngayti.

Juan 5:16 Iomraidhean Croise

Mateo 12:13

Bawnga inaat ni Jesus i taw ngayti nga kimay, “Ibtir muy alima mu.” Ibintir ya nga matuud, langkuy it kimay ya ngayti gimnayen it gayen banar, nga subung nat sangbat nga alima ya.

Marcos 3:6

Namagliꞌwan nga lagi i mga Pariseo, nangupakat sira it mga kakampiꞌ ni Herodes. Namagrunding sira in magꞌuꞌunu maꞌimatay si Jesus ngayti.

Lucas 6:11

Ereꞌeret nang pangise-iseg it mga magniid ngayti. Namagrunding sira in unuy mabwat nirat ki Jesus ngayti.

Juan 1:19

Kaꞌsa may piyapanaw it mga pagbayaꞌen it mga Judio nga taga Jerusalem. Piyapanaw nira, mga sasirduti baw mga Levita nga katabang nira nga manigbuwat duꞌun it Templo, ka ipagpaꞌingkut nira si Juan in unu kanya. Ituy pamatuud ni Juan nga tubag yat kanira.

Juan 10:39

Pagkagneg nira kayti, kudakpen nira siꞌ si Jesus, temed it nagpaꞌalikaꞌsut naga kanya.

Juan 15:20

Dedemdemen mi i ipiyagꞌaat ku ngaytut imyu nga egay manigsirbi nga mataꞌas pat agalen ya. In aku, pagpakuriꞌan nira, simpri kamu atkayan naga yan, pakuriꞌan nira gasiꞌ. In pagsunudun niray ipagpanulduꞌ ku, sunudun nira gasiꞌ yan i imyung mga ipagpanulduꞌ.

Juan 5:10

Aypaꞌ ka inaat it mga pagbayaꞌen it mga Judio i lalaki ngayti nga piyagayen ni Jesus i sarut ya, “Unuka pagpiri-pirisiꞌnen mu i pagliliꞌtidan mu ngayan? Daꞌga basaꞌan pagliꞌyan i atkayan in Aldaw ngaytut Kapaꞌnaan ka kuntraꞌ it urdin?”

Juan 5:13

Temed ega magkakilalaan it lalaki ngayti i nagpagayen ngaytit sarut ya, sabap it nakalaꞌuk-laꞌuk siꞌ si Jesus duꞌut kadaklan it taw.

Juan 5:15

Nanliꞌwan i lalaki ngayti ka nanugid duꞌut mga Judio ngayting mamagꞌingkut nga palan si Jesus i nagpagayen ngaytit kanya.

Juan 5:17

Ta it atkayti, inaat sira ni Jesus, “Iyan Amaꞌ ku, sigi nga buwat nga pangildaw. Ta atkayan naga i aken.”

Juan 5:18

Pagkagneg it mga Judio ngayti, miyereꞌeret nay iseg nira. Kuꞌimatayen nira nang banar si Jesus, sabap ega lamang riyanggaꞌ yay urdin nira pasar it Aldaw it Kapaꞌnaan, in daꞌga pagꞌaaten ya paꞌ nga Amaꞌ yay Ampuꞌang Diyus, intuntis nga magpasbung kanya it Ampuꞌang Diyus.

Juan 7:21

“Esa lamang nga bagay i binwat ku it Aldaw it Kapaꞌnaan, temed daꞌkamu na mamagkabaraꞌan baw naliluꞌan mi na,” maat siꞌ ni Jesus ngayti.

Juan 7:25

Iyan magpanulduꞌ na ngayti si Jesus, maamaatan nay beken nga taga Jerusalem, maat nira, “Daꞌga baꞌ itu nay taw ngayan nga kuꞌimatayen nira?