Juan 5:15 - Tagbanwa

¹⁵ Nanliꞌwan i lalaki ngayti ka nanugid duꞌut mga Judio ngayting mamagꞌingkut nga palan si Jesus i nagpagayen ngaytit kanya.

Juan 5:15 Iomraidhean Croise

Marcos 1:45

Temed pagpanaw it taw ngayti, ipiyanugid-sugid ya in magꞌuꞌunu mindek i sarut ya ngayti. Aypaꞌ biyaraꞌan, ega na magkapalansangan si Jesus it magparayag-rayag sabap gandur nat taw i mamagpaꞌaduꞌut kanya. Duꞌun na lamang kanya it liꞌwan it lansangan, kat mga rugar nga kapupuyangtan. Pagꞌaduꞌunun na kanya it mga taw nga maggaring kat paꞌari-aring rugar.

Juan 1:19

Kaꞌsa may piyapanaw it mga pagbayaꞌen it mga Judio nga taga Jerusalem. Piyapanaw nira, mga sasirduti baw mga Levita nga katabang nira nga manigbuwat duꞌun it Templo, ka ipagpaꞌingkut nira si Juan in unu kanya. Ituy pamatuud ni Juan nga tubag yat kanira.

Juan 4:29

“Daliꞌ mi na! Mayaꞌ kamut aken! May taw baꞌ duꞌun nga nakasugid yay kumpur nabwat ku. Barang yanayti i Cristo ngayang isiyanggup.”

Juan 5:10

Aypaꞌ ka inaat it mga pagbayaꞌen it mga Judio i lalaki ngayti nga piyagayen ni Jesus i sarut ya, “Unuka pagpiri-pirisiꞌnen mu i pagliliꞌtidan mu ngayan? Daꞌga basaꞌan pagliꞌyan i atkayan in Aldaw ngaytut Kapaꞌnaan ka kuntraꞌ it urdin?”

Juan 5:12

“Siyuyti, nagꞌaat ngaytit imu,” maat siꞌ it mga Judio ngayti, “nga pirisiꞌnen mu baw mapanaw ka?”

Juan 5:16

Ta paribasay binwat ni Jesus i atkayti kat Aldaw it Kapaꞌnaan, timnalaluꞌ nay kupakuriꞌ it mga pagbayaꞌen it mga Judio it ki Jesus ngayti.

Juan 5:18

Pagkagneg it mga Judio ngayti, miyereꞌeret nay iseg nira. Kuꞌimatayen nira nang banar si Jesus, sabap ega lamang riyanggaꞌ yay urdin nira pasar it Aldaw it Kapaꞌnaan, in daꞌga pagꞌaaten ya paꞌ nga Amaꞌ yay Ampuꞌang Diyus, intuntis nga magpasbung kanya it Ampuꞌang Diyus.

Juan 9:15

Siyumarya kanya it mga Pariseo it in magꞌuꞌunu magkalteg na kanya. “Ta yanayan baꞌ,” maat ya, “piyaꞌidan yat rusuꞌ i mga mata ku ngaytu, bawnga nanraꞌmus aku. Ta atkaytu na nga magkalteg aku na.”

Juan 9:25

Katubag siꞌ kanya, nga magꞌaat, “Ta ega bayan magkaꞌrutan ku in makasalaꞌan kanya baw ega. Basta iyan lamang i magkaꞌrutan ku, talagang beleg aku temed kayti magkalteg aku na. Daꞌku na beleg.”

Juan 9:30

Katubag siꞌ i beleg ngayti, maat ya, “Talagang kalililuꞌan yan, nga ega magkaꞌrutan mi in ari giyaringan ya kayan, takaꞌ piyagayen ya aku nga kayti daꞌku na beleg.

Juan 9:34

Kaꞌampang siꞌ i mga Pariseo ngayti, maat nira, “Ipiyanganak ka nga makasalaꞌan nga banar. Kayti ikaw pay manulduꞌ it amen!” Pagkaꞌampang nira kayti, inimugaw na nira.