Juan 5:14 - Tagbanwa

¹⁴ Ega naꞌlay, naltegan ni Jesus i piyagayen ya ngayti duꞌun it Templo nga papagsambaan. Pagkalteg ya, inaat ya, “Ta, magayen ka na kayti. Iyan indiꞌan mu nay kasalaꞌan. Ka in kayliyan mu paꞌ, subraꞌ payan sikayan i mabetangan mu nga kakuriꞌan.”

Juan 5:14 Iomraidhean Croise

Nehemias 9:28

Temed lamang atkayti na nga ipiyagribri na sira kat mga kalaban nira, yanaga nga simnutil sira it imu. Aypaꞌ ka piyataꞌnan mu siꞌ sira nga daꞌgen it mga kalaban nira. Pagsinguliꞌ nira siꞌ it sumaꞌup baw miyangut it tabang mu, siyambungan mu siꞌ sira, ikaw nga asan it langit. Saꞌup-saꞌup mu sira nga ipiyagribri, uyun kat ildaw mu it kanira.

Mateo 12:45

Aypaꞌ buwaten ya, mapanaw siꞌ ka mangumbinyu it pitu nga mga kaꞌibaan ya nga maraꞌe-raꞌet paꞌ it kanya, ka kaꞌibaan ya nat papulpug siꞌ. Aypaꞌ baraꞌan it iyan nga taw, subraꞌ paꞌ nga rumaꞌe-raꞌet i kabetangan ya. Ta atkayan naga i mabetangan mit imyu nga muꞌsa nga nakagneg it Magayeng Baritaꞌ temed, ta, ega naga piyamayaꞌ mi.”

Marcos 2:5

Pagkamuya ni Jesus it dakulay pamayaꞌ it iting mga taw, maat yat may sarakiten ngayti, “Dunguꞌ, piyasinsiya nay mga kasalaꞌan mu.”

Juan 5:13

Temed ega magkakilalaan it lalaki ngayti i nagpagayen ngaytit sarut ya, sabap it nakalaꞌuk-laꞌuk siꞌ si Jesus duꞌut kadaklan it taw.

Juan 5:5

May duꞌun nga sang kataawan nga lalaki, nga tulung puluꞌ may walu nang taꞌun i kaꞌlay it siyarutan ya.

Juan 8:11

Katubag i babay ngayti, maat ya, “Ta ega, Agalen.” “Ta maski aku,” maat ni Jesus, “ega rigaen ku ikaw. Mapanaw ka na baw pedkanan mu nay buwat it kasalaꞌan.”

1 Pedro 4:3

Seked na! Talagang ega na mapakay nga ipasigi mi paꞌ i karaꞌe-raꞌetan nga pagsariyen mit buwat it tagnaꞌ ngayti nga ega pay pagkilala mi it Ampuꞌang Diyus. Ka atkaytuy mga adat mi it tagnaꞌ ngayti, pagsumbayaꞌ it kaꞌiꞌirgan nga mararaꞌway it egay maski unu nga pagsupil it sadili, adat nga rambang mata, palangu, mga pagkasagyaan nga pagpanggaringan it ereꞌeret nga palangu, baw maraꞌway nga pagbuwaten nga ipagdengan it pagsamba mi it mga pagbete-beteꞌen nga diyus.