Juan 5:10 - Tagbanwa

¹⁰ Aypaꞌ ka inaat it mga pagbayaꞌen it mga Judio i lalaki ngayti nga piyagayen ni Jesus i sarut ya, “Unuka pagpiri-pirisiꞌnen mu i pagliliꞌtidan mu ngayan? Daꞌga basaꞌan pagliꞌyan i atkayan in Aldaw ngaytut Kapaꞌnaan ka kuntraꞌ it urdin?”

Juan 5:10 Iomraidhean Croise

Isaias 58:13

Maat pay paꞌugdun it AMPUꞌANG DIYUS, “Kaꞌilangan nga ega kuntraꞌen mi i ipiyagꞌurdin ku pasar it Aldaw it Kapaꞌnaan, nga ega na sadili mi nga kaꞌirgan i buwaten mi kat aldaw ngaytu nga ipagpabetang ku nga ega basta-basta. In daꞌga, maꞌalen baw galangen mi i itung aldaw, nga papaꞌna kamu daꞌan kat sadili mi nga mga panaw baw panulus, baw ayaw kamut ampang it egay kakapulusan.

Mateo 12:10

May esang lalaki duꞌun nga kimay i alima ya. May duꞌun gasiꞌ nga in pirang kataawan nga magtulus it in unuy mapatikdan nira nga masalaꞌan nira it ki Jesus. Aypaꞌ iningkut nira kanya nga magꞌaat, “Unu, ega kuntraꞌ kat urdin nga pagayen it magsarut in Aldaw it Kapaꞌnaan?”

Marcos 2:24

Pagkalteg it mga Pariseo, inaat nira si Jesus, “Letganan muy pagbuwaten it mga alagad mu ngayan! Daꞌga baꞌ pagliꞌyan i magkayeg in Aldaw ngaytut Kapaꞌnaan?”

Marcos 3:4

Bawnga iningkut yay mga taw ngayti, maat ya, “Ari manggid i uyun kat urdin, muwat it magayen u muwat it maraꞌe-raꞌet in Aldaw it Kapaꞌnaan? Unu, rimibri it ginawa u mimatay?” Temed daꞌgay timnubag it kanya nga mga taw ngayti.

Lucas 13:14

Temed nangiseg i manigpamaalaꞌ it papagsambaan ngayti, ka in unuka Aldaw it Kapaꞌnaan, nagpagayen si Jesus it magsarut. Aypaꞌ ka inaat yay mga taw ngayti, “Daꞌga baꞌ,” maat ya, “may enem nga aldaw nga ipagbuwat? Ta unuka ega iyang mga aldaw i iꞌasitu mi nga papdek it sarut? Ega Aldaw it Kapaꞌnaan ngaytu!”

Lucas 23:56

Pagkaꞌuliꞌ it mga babay ngayti, nagꞌitsu sira it mga babangluun baw mira nga areg nira nga iꞌanu it bilug ni Jesus. Bawnga it nagpapuꞌun nay Aldaw it Kapaꞌnaan, namagpaꞌna sira nga muꞌsa, nga uyun it ipiyagꞌurdin it Ampuꞌang Diyus.

Lucas 6:2

Pagkalteg it pirang mga Pariseo, inimraw nira nga magꞌaat, “Unuka pagbuwaten mi i pagliꞌyan ngayan in Aldaw it Kapaꞌnaan?”

Juan 1:19

Kaꞌsa may piyapanaw it mga pagbayaꞌen it mga Judio nga taga Jerusalem. Piyapanaw nira, mga sasirduti baw mga Levita nga katabang nira nga manigbuwat duꞌun it Templo, ka ipagpaꞌingkut nira si Juan in unu kanya. Ituy pamatuud ni Juan nga tubag yat kanira.

Juan 5:11

Temed katubag kanya, maat ya, “Aat baytut aken it nagpagayen ngaytit sarut ku nga pirisiꞌnen ku i pagliliꞌtidan ku ngaytu baw mapanaw aku.”

Juan 5:15

Nanliꞌwan i lalaki ngayti ka nanugid duꞌut mga Judio ngayting mamagꞌingkut nga palan si Jesus i nagpagayen ngaytit kanya.

Juan 5:16

Ta paribasay binwat ni Jesus i atkayti kat Aldaw it Kapaꞌnaan, timnalaluꞌ nay kupakuriꞌ it mga pagbayaꞌen it mga Judio it ki Jesus ngayti.

Juan 7:23

In magpanuriꞌ kamu it maski Aldaw it Kapaꞌnaan, isaꞌun lamang masunud mi i ipiyagꞌurdin ngayti ni Moises, ta unuka pagꞌisgan mi aku sabap duꞌun it pagpagayen ku ngayti it magsarut kat Aldaw it Kapaꞌnaan?

Juan 9:16

Maat i beken nga mga Pariseo ngayti, “Talagang ega garing duꞌun it Ampuꞌang Diyus i iyang taw, sabap it ega pagꞌintindiyen yay Aldaw it Kapaꞌnaan ngaytu.” Temed beken, magꞌaat gasiꞌ nga magꞌuꞌunu makabwat it atkaytung mga tandaꞌanan nga kalililuꞌang bagay i esang makasalaꞌan? Sikayti ega siꞌ magparag-paragen sira it pagsugiden.