Juan 4:53 - Tagbanwa

⁵³ Natantuwan it amaꞌ ngayti nga iti nang uras i pagꞌaat ni Jesus it kanya, “Magayen nay anak mu.” Aypaꞌ kanya baw puꞌsa it pamalay-balay ya, namayaꞌ nat ki Jesus.

Juan 4:53 Iomraidhean Croise

Mateo 8:13

Pagkatupus ni Jesus it iti nga pagꞌampangen ya, maat yat kapitan ngayti nga magpangabang it kanya, “Ta, in atkayan, daꞌku na mayaꞌ it imut muliꞌ. Kat kadakulat pamayaꞌ mu ngayan, matanggap mu yan i ipagꞌabang mu ngayan it aken.” Gimnayen nga matuud i sarut it taraꞌgen ya ngayti it iti nga uras.

Lucas 19:9

Pagkagneg ni Jesus kayti, miyampang kanya nga magꞌaat, “Talagang kayting lagi, miyabut situt itung pamalay-balay i panribri it Ampuꞌang Diyus. Sabap kat binwat ngaytu ni Zaqueo, nga tandaꞌ it nabaꞌgu nay adat ya, maꞌyag nga nakaꞌuyut na kanya it mga matuud nga tungtung-inapuꞌ ni Abraham, nga ega desang kat pagduguꞌ in daꞌga kat pamayaꞌ nirat Ampuꞌang Diyus.

Juan 4:51

Pagꞌaldaw, may nanusmu nat kanya nga mga manigsirbi ya, ka siyugidan nat mindek nay sarut it anak ya. Magayen na kanya.

Juan 4:52

Iningkut ya in kaꞌnu i pagpedek it sarut. Tubag nira, “Kat delem nga magkapuꞌun, minibwan nay ramig ya.”

Mga Binwat 11:14

Kanya i paꞌyag it imu it panulduꞌ nga ikaribri mu, pati beken ngaytung kat seled it pamalay-balay mu.’

Mga Binwat 16:15

Pagpamayaꞌ ya, nagpabawtis na, pati sira nga kat seled it pamalay-balay ya. Bawnga inupakat ya kami. Maat ya, “In leteg mit aken, namayaꞌ aku nang matuud it Ampuꞌan, duꞌun kamu na mistar it balay namen.” Sigi nang upakat yat amen, aypaꞌ nagpaꞌugad kami na duꞌun it kanira.

Mga Binwat 16:34

Bawnga piyabayaꞌ na nira na Pablo duꞌut balay ka tiyarakanan na sira. Talagang dakulaꞌ nga banar i kasagyaan nirang muꞌsa sabap it namayaꞌ na ngayti sira it Ampuꞌang Diyus.

Mga Binwat 18:8

Esa gasing namayaꞌ it Ampuꞌan, si Crispo. Kanyay magpamaalaꞌ it papagsambaan ngayti. Taban yat namayaꞌ i muꞌsa kat seled it pamalay-balay ya. Dakel na gasing mga taga Corinto ngayti i namayaꞌ. Namagpabawtis na sirang muꞌsa.

Mga Binwat 2:39

Ka ituy isiyanggup it aten nga muꞌsa, pati mga kaꞌanakan ta baw mga taw duꞌut mga alalaid nga mga rugar, kumpur taꞌwagen it Ampuꞌang Diyus nga pasakep it kanya.”